Números 11:23 - Kuna San Blas

²³ Geb degine, Bab-Jehová Moisés-abin sogded: “¿An geg imak be-ebinsae? Emigindi be dakodo, an-bega-ibmar-soged an imakodibe, igi, an imakosurdibe.”

Números 11:23 Iomraidhean Croise

Génesis 18:14

¿Ar Bab-Jehováʼga ibmar-geg-gued nikasi? Suli. Baid-birgase gannar an bese ataknonibaloed. A-ibagangine, Sara machi-wargwen bato nikuoed.

2 Reyes 4:43

E-mai abin-sogded: —¿Wede unniosi, dulemar-dulataledga (100) an mimier? Degi, Eliseo, e-mai-abin sogded: —Gwenadganga mas mimie. Ar weyob Bab-Jehová soged: ‘Mas gunmaloed, degi, amba gwabguoed.’

2 Reyes 7:2

Dule-rey-bendaked, Eliseo-abin sogded: —¡Suli! Ar Bab-Jehová deyob na ibmar-imakoye sogele, ar amba guosulid. Geb Eliseo ega sogded: —Be-sunnagwad na be dakoed, degi-inigwele, we-ibmar be gwen gunnosulid.

Salmo 78:41

Gannar-gannar Bab-Dummad-wilubdaknai gusmalad, Israel-e-Bab-Dummad-Isligwaled-ourwenai gusmalad.

Éxodo 6:1

Bab-Jehová Moisés-abin sogded: —Emigindi be dakodo, igi an Faraón-imakoe. Emide, an-dutusur-ganguedgine an ibmar-imakedba, Faraón bemarga sogdagoed, ‘bemar namarye.’ Ar an-dutusur-ganguedgine an ibmar-imakedba, Faraón bemarga sogdabaloed, ‘bemar an-yargi nomarye.’

Isaías 50:2

An nonigua, ¿ibiga dule-sate an daknonisunna? An gotegua, ¿ibiga dule gwen an-abin-imaksasursunna? ¿Ar bemar-bendakosurye, be angi binsamala? ¿An bemar-onogega, garganguedsuli be an-dakmala? Ar an sunna, demar, ilagwensaale dinna saed. Ar an sunna, diwarmar, nega-dulesulidga-nai imaked. Uamar e-mas-satedba burgwideled. Dii-dingudedba uamar bela nungudeled.

Isaías 59:1

Bab-Jehová anmar-abonogega, ganguedsurye soglesulid. Degi, aku-anmar-itoye soglesurbalid, ar bela magar anmar-itoged.

Jeremías 14:9

¿Ar ibiga be akusunna-ibmar-itogedyob be dasunna? ¿Ar ibiga be dule-bilagi-urwed gege-dule-bendakedyob be dasunna? Bab-Jehová, be anmar-abargi gudiid, bela dulemar wisid, anmar begadga gued. Melle be anmar-obane, wile be anmar-dake.”

Jeremías 32:17

” ‘Bab-Dummad-Jehová, bedi be-ganguedba, be-gala-nikadba napneg be nasiksad, be nibneg obinnisad. Bipisaale, bega ibmar-geg-gued niksulid.

Jeremías 32:27

“Ani an, Bab-Jehová bela-dulemar-bukmalad-e-Bab-Dummad gued. ¿Ibmar-soggwenad anga geg gued nikasi? Suli, bela an ibmarmar imakedbiid.

Ezequiel 12:25

Ar ade, ani, Bab-Jehová, sunmakoed, an-ibmar-soged emisgwa guoed. Dulemar-uayasulidamalad, amba bemar-dula-gudiidgine, an-ibmar-sogsad an imakoed. Ani an Bab-Jehová-Bela-Gangued-Nikadi weyob soged.’ ”

Ezequiel 24:14

”Ani an Bab-Jehová-guedi we-ibmar soged. An we-ibmar imakedsegad. An-sunnad an imakoed, an sikirmakosulid. An wile-be-dakosulid, deginbali, an ibmar-sogsad an gannar-osulogosurbalid. Be-daedba, be-ibmar-imakedba an bega igar-nabogoed. Ani an Bab-Jehová-Bela-Gangued-Nikadi weyob soged.”

Daniel 6:20

Rey achumigur-bukwad-walikgusgua, wile-itoge Danielʼse binnasur goted: —Daniel, Bab-Dummad-Dula-Maid-e-mai, be-Bab-Dummad, be gusgu e-nug odummodiid, ¿achumigurmargi nabir be-bendaksa?

Miqueas 2:7

Jacob-wagan weyob sogmalad: “¿Bab-Jehová e-san-bargaagwar-imaked bergussi? E-daedde, ¿weyobsi? ¿Ar dule-inniki-nanadiidga Bab-Dummad-gayaburba ibnuedga gusursi?”

Números 11:22

We-dulemarga sibad-wawaad, degi, moli-bebe-nikamalad ega ichesuli-oburgweye-sogele, amba unnigussuliled. Ar wemarga bela-uamar-gudidiid ega somalale, amba unnigussuliled.”

Números 23:19

Bab-Dummad dulemaryobsulid, gege dulemaryob gakansaed, Bab-Jehová, e-binsaedi gege ogwaed. Bab-Dummad na-ibmar-sogsadba bela imaked, Na ibmar-imakoye sogsale, imakedsegad. Geg-imaksuli gued.

Mateo 19:26

Jesús e-sapingan-dakdegu, ega sogded: —Ar dulemargardi, geg ibmar gued. Bab-Dummadgardi, bela ibmar nabir guedbiid.

Mateo 24:35

Nibnegdi, napnegdi bela berguoed. An-gayaburbadi gege bergued, degisadeguoed.”

Lucas 1:37

Ar ade, Bab-Dummadgardi ibmar-geg-gudeeye soglesulid, bela ega ibmar guedbiid.