Números 11:16 - Kuna San Blas

¹⁶ Geb degine, Bab-Jehová Moisésʼga sogded: “Israel-girmar-dummagan dulapaa-gakambe (70) be anga onmako. Be girmar-dummaganga-gudidiid-wisidi, degi, dule-dummaganga-mamaid-wisbalidi be sedago. A-girmar-dummagan dulemar-anbo-ambikued-negse be sedago. Agi, be an-edarbemaloed.

Números 11:16 Iomraidhean Croise

Génesis 46:27

José-e-masmala Egipto-yargi warbo gwalulesmalad. Degisoggu, Jacob, e-masmala, degi, e-waganse-bakale, bela dulapaa-gakambe (70) Egipto-yargi megidapmarsundo.

Éxodo 18:25

A-ular, Moisés Israel-dulemar-bur-nabir-ibmar-imakmalad susad. Amar, dulemar-miligwenad-e-dummadga (1,000) onugsasad, baigan, dulemar-dulataled-e-dummadga (100) onugsasad, baigan, dulemar-dulabo-gakambegwad-e-dummadga (50) onugsasad, degine, baigandi, dulemar-e-ambegwad-e-dummadga (10) onugsasmogad.

Éxodo 24:1

Bab-Jehová Moisésʼga sogded: “An-maidse anse be nakweda. Beba be Aarón, Nadab, degi, Abiú be sedago. Degi, Israel-girmar-dummagan-dulapaa-gakambe (70) beba be sedabalo. Wemar angi bannaba ambikumaloed, agi yokorgi-sindigar ambikumaloed.

Éxodo 24:9

Moisés, Aarón, Nadab, Abiú, amar yar-birse nakwidmalad. Wemarba Israel-girmar-dummagan-dulapaa-gakambe (70) eba yar-birse nakwidmarmogad.

Éxodo 4:29

Geb degi, Moisés, Aarónʼbogwa Israel-girmar-dummagan-ebo ambikunaded.

Jeremías 19:1

Bab-Jehová weyob anga sogsad: “Napsagi-ibmar-sobed-dulese be nae, ese be napsa-buglu bako. Geb a-sorbali, be-bardaknamalaga neggwebur-girmar-dummaganse abala be golo, degi, dule-irwa-Bab-Dummadse-gormalad-idumaladse abala be gorbalo.

Ezequiel 8:11

Israel-girmar-dummagan dulapaa-gakambe (70) bab-dummaganyob-ibmar-imakleged-asabin gwichi, ega e-nug-odummonanai an daksad. Amar-abargine, Safán-machi-Jaazanías gwichimogad. War-wargwena sianar ganimalad. Agine, ina-wawadik-yapanmalad bupurmakbukwad an daksad.

Números 11:24

Geb degine, Moisés Israel-dulemarse naded, Bab-Jehová-ega-ibmar-sogsad sognaded. Agine, Moisés Israel-girmar-dummagan dulapaa-gakambegwadse (70) gochad. Moisés Bab-Dummadse-goled-negse amar-sesad, agi oambikudapid.

Números 16:25

Moisés, degi, Israel-girmar-dummaganmala, Datán-maidse, degi, Abiram-maidse nadegusmalad.

Lucas 10:1

Deyob we-ibmar-gusad-sorba, Jesús e-sapingan-baigan e-dulapaa-gakambe (70), bela na e-naoed-neggweburmarse ebo-ebo e-iduar barmisad.

Lucas 10:17

Jesús e-dulapaa-gakambe-barmisadi (70), gannar nonimargu, ise-weligwar-ito nonimalad, Jesúsʼga sognonimalad: —Dummad, niamarse-bakar, be-nuggine anmar-sogedba ibmar imaksamalad.

Deuteronomio 1:15

”Degisoggu, bemar-dadgan-warambe-gakabogwad-abargi (12), an dule-nue-binsaed-nikamalad, degi, dule-ibmar-nue-wismalad sunonikid. Wemar, bemar-dummaganga an onugsasad: Dule-miliba-mergued-e-dummadga (1,000), dule-dulatar-mergued-e-dummadga (100), dule-dulabo-gakambe-mergued-e-dummadga (50), degine, dulemar-e-ambe-mergued-e-dummadga (10). Deginbali, dadgan-danar-danar-bukwad-e-dummaganga an onug-imaksabalid.”

Deuteronomio 16:18

Moisés Israel-dulemarga sogdebalid: “Be-Bab-Dummad-Jehová-neggweburmar-bega-ukoedgi-arbamalaga be dule-igar-nabomalad, degi, dule-dummagan, be onugsao. Be-dadgan-ambe-gakabogwad-iliba (12) be onugsao. We-dulemar igar-innikigwadba dulemarga igar nabomaloed.

Deuteronomio 31:28

Be-girmar-dummagan, be-idumalad, bela an-asabin ambikuega ese be gormar. Ibmar-an-sogoedi, wemar an-itomaloed. An-ibmar-sogedba be nanasurmalale, nibnega, degi, napnega bemar-barsogega guoed.