Números 10:12 - Kuna San Blas

¹² Agi, Israel-dulemar, nega-dulesulidgan-Sinaíʼye-nugadgi bangudmalad. Mogir-e-idu-nadapid, ega nega-dulesulidgan-Paránʼye-nugadgi nagudapid.

Números 10:12 Iomraidhean Croise

Génesis 14:6

Seir-yalagangindi Horí-dulemargi nakwismalad, Parán-nebase baregichamalad. We-Paránʼde nega-dulesulid-walik naid.

Génesis 21:21

Sapingwagusgu, Parán-nega-dulesulidgangi-maidgi, e-nan ega ome-Egiptoʼgined uksad.

1 Reyes 11:18

Madiánʼye-neg-nugadgi-gudii nade gusmalad, geb Paránʼye-neg-nugadse mosmalad. Agi, Parán-dulemar abar eba nagusmarmogad. Geb Egipto-yarse nade gusmalad. Agine, Egipto-e-rey-Faraónʼse nadegusmalad. Geb Egipto-e-rey-Faraón, Hadadʼga neg-uksad, masgullemalad ega uksabalid, nainu ega uksabalid.

Éxodo 13:20

Israel-dulemala neggwebur-Sucotʼye-nugadgi noarmalad. Geb Etamʼye-neg-nugadse ambikudapmalad. Agi, nega-dulesulidgan onoded.

Habacuc 3:3

Bab-Dummad neg-Temánʼye-nugad-akale, danikid, Dule-Isligwaled yar-Paránʼye-nugad-akale, danikid. Bab-Dummad-e-gangued-yeerdakleged bela nibneg-gasad, bela dulemar-we-napneggi-bukwadi e-nug odummomalad.

Números 1:1

Israel-dulemar birgabogus gaka nii-warbo-ibagwengusa Egipto-yargi-bukwa ainisgusmaladgine, Bab-Jehová Sinaí-nega-dulesulidganba, dulemarbo-ambikued-neggi, Moisésʼga sunmaksad. Weyob ega sogded:

Números 10:33

Weyobi, Israel-dulemar ibapaa-nanae-wilub Bab-Jehová-yalagi-bukwadi bangud gusmalad. Leví-wagan-baigan Bab-Jehová-Dulemarbo-Igar-Mesisad-Ulu-senadapmaladi, ibapaa Israel-dulemar-idu-nadapi gusad. Adi, ega danar-danar-ambikued-neg amiegar.

Números 12:16

Geb a-sorbali, Israel-dulemar Hazerotʼgi-bukwamaladgi nadmalad, nega-dulesulidgan-Paránʼye-nugadse modapmalad. Agi, Israel-dulemar danar-danar ambikudapmarsunnad.

Números 13:26

Dule-neg-argaapmalad nega-dulesulidgan-Paránʼse nonimalad, Cadesʼye-neg-nugadse. Agine, Moisésʼga, Aarónʼga, degi, bela Israel-dulemarga, bela neg-argasmaladba sunmaksamalad. Geb degine, sapi-san-senonimalad oyosmarbalid.

Números 13:3

Geb degine, Moisés Bab-Jehová-ega-sogsadba nega-dulesulidgan-Paránʼye-nugad-akar dulemar-barmisad. We-dulemarde, bela Israel-dulemar-abargi dule-dummagan gumalad.

Números 2:34

Israel-dulemala bela Bab-Jehová-Moisésʼga-igar-uksadba imaksamalad. Bela na e-bander-e-bander-urba ambikusmalad, degine, na e-dadgan-e-dadganba, na e-gwenad-e-gwenadganba nadapi gusmalad.

Números 9:1

Israel-dulemar Egipto-yargi birgabogusa, gebe-nii-onoded-ibagwengus-noaligusadgi, Bab-Jehová Moisésʼga Sinaí-nega-dulesulidganba sunmaksagusad. Weyob Moisésʼga sogded:

Números 9:17

Mogir Bab-Dummadse-goled-neg-birgi-naid-nakwided-iliba, Israel-dulemar na-e-danar-danar-bukwadgi banguddamalad. Bia mogir nagudapoe, agi Israel-dulemala gannar danar ambikudapdamalad.

Números 9:5

Geb agine, Israel-dulemar gebe-nii-onoded-ibambe-gakabakegi nega-dulesulidgan-Sinaíʼye-nugadgi, sedogidba Oburgwilegoenad-e-Iba onosmarsunnad. Ar igi Bab-Jehová Moisésʼga igar-uksa, aba bela Israel-dulemar imaksamalad.

Deuteronomio 1:1

Moisés weyobi Israel-dulemarga sunmaksa gusad. Deunni, Israel-dulemar Jordán-diwar-dad-nakwedsik nega-dulesulidganba bukwamargu. Israel-dulemar, Arabá-yargi, Suf-asabin, Parán-neggwebur, degi, we-neggweburmar: Tofel, Labán, Hazerot, Dizahab-abargi bukwagusmargu, Moisés ega sunmaksa gusad.

Deuteronomio 1:19

Moisés Israel-dulemarga sogdebalid: “Anmar Horebʼgi noarmargu, nega-dulesulidgan-sunnasulid-dummad be daksamaladba anmar gaamakdii gusad. Igi-anmar-Bab-Dummad-Jehová anmarga igar-uksagusa, deyobi, anmar Amorreo-dulemar-yalagan-igarba nadgusad. Geb degi, anmar Cades-Barneaʼye-neg-nugadse modap gusad.

Deuteronomio 1:7

Degisoggu, be namar, be-ibmar be weemar. Amorreo-dulemar-yalaganba be namar, degine, bela Amorreo-dulemar-yalagan-dikarba-nanaidba be namar: Arabá-yar-naidba, yalaganba, nebagan-dad-argwanedsik-nanaidba, Neguev-yalaba, demar-gakaba, Canaán-dulemar-bukwadba, Líbano-yar-naidba, degine, diwar-dummad-Éufrates-maidse be namar.

Deuteronomio 33:2

“Bab-Jehová Sinaí-yalagi danikid, Seir-akar anmarga gwallu-oganonikid, Parán-Yalagi anmarga gwallu-mee imaknonikid. E-dule-islidikmalad-miliambed-abalagi (10,000) nonikid, Igar-narmakaled sooyobi gwabunyemai e-argan-nuedsik sedanikid.

1 Samuel 25:1

Samuel burgwisad. Geb e-neggwebur-Ramáʼgi diglesad. Bela Israel-dulemar ega bomalaga nonimalad. A-sorbali, David, Parán-nega-dulesulidganse naded.