Números 10:10 - Kuna San Blas

¹⁰ ”Bemar weligwar-itoged-ibagangi, iba-itoakwaa-onolemalad-ibagindibe, igi, nii-gwapid-gwisgued-ibagindibe, gar-trompeta bemar ogormarbaloed. Bemar ibmar-ogumakar-anga-ukarmalar, gwenatigwar-guega ibmar-ukarmalar, agi, bemar gar-trompeta ogormarbaloed, adi, an bemar-insamalagar. Ani an be-Bab-Dummad-Jehová gued.”

Números 10:10 Iomraidhean Croise

2 Reyes 4:23

E-sui ega sogded: —¿Ibiga be daknae? Yoo nii-binid gwisgued, obunnoged-ibasurbalid. E-ome e-suiga sogded: —Akarsuli.

1 Crónicas 15:24

Dule-irwa-Bab-Dummadse-gormalad, Bab-Jehová-Ulu-walik gar-trompeta-ogormaladi, wemalad: Sebanías, Josafat, Natanael, Amasai, Zacarías, Benaía, degi, Eliezer. Dordoneggi Bab-Jehová-Ulu-siidgi nakulemarmogadi, wemarmogad: Obed-Edom, degi, Jehías.

1 Crónicas 15:28

Weyob bela Israel-dulemar, Bab-Jehová-Ulu-senadapi guarmalad. Doggus-weligwaledba we-garmar-ogornadapi gusmalad: Gar-bocinaʼmar, gar-trompetaʼmar, gar-címbaloʼmar, gar-salterioʼmar, degi, gar-arpaʼmar ogornadapi gusmalad.

1 Crónicas 16:42

Degi, Hemán, Jedutúnʼbogwa, we-namakedgi gar-trompeta, gar-címbalo, degi, gar-baigan Bab-Jehováʼga ogormaladid. Jedutún-e-masmaladi yawagak-dakmaladid.

2 Crónicas 29:26

Levita-dulemar David-e-gar-ogorlemalad-ganiki gwigwichid, degi, dule-irwa-Bab-Dummadse-gormaladdi gar-trompeta-gani gwigwismarmogad.

2 Crónicas 29:28

Bela dulemar ibmar-ogumakar-uklenaid-berguedsega, sindigar Bab-Dummadse-gorbukwa gusmalad. Dule-namakmaladdi, namakbukwa gusmalad. Dule-gar-ogormaladdi, gar-trompeta-ogorbukwa gusmarmogad.

2 Crónicas 7:6

Dule-irwa-Bab-Dummadse-gormalad gusgu e-ambikudamaladgi bukmalad. Levita-dulemardina, Rey-David Bab-Jehová-nug-odummogega garmar-ogorleged-sobsagusadi ogotemalad. Degine, we-namakedgi namakbukmalad: “Bab-Jehová-e-sabguedi, degisadeguad.” Degi, geb Levita-dulemar-asabin, dule-irwa-Bab-Dummadse-gormaladdi, gar-trompeta ogotedamalad. Degine, bela Israel-dulemardi gwigwichimalad.

Esdras 3:10

Dule-akwa-neg-sobedgi-arbamalad Bab-Jehováʼse-goled-neg-e-saila mesismargu, dule-irwa-Bab-Dummadse-gormalad na e-mor yoyoidbi, gar-trompeta gani-gani gwisguarmalad. Degine, Asaf-wagan-Levita-dulemardi, gar-címbalo-abin-abin-gormalad gani-gani gwisguarmarmogad, igi Israel-rey-David, igar-uksagusadyob, Bab-Jehová-nug odummogegar.

Nehemías 12:35

Amarba, dule-irwa-Bab-Dummadse-gormalad, gar-trompeta sedanigusmaladi, wemalad: Jonatán-machi-Zacarías. Jonatánʼde, Semaías-machid. Semaíasʼdi, Matanías-machid. Mataníasʼdi, Micaías-machid. Micaíasʼdi, Zacur-machid. Zacurʼdi, Asaf-machid.

Salmo 150:3

Gar-trompeta-goledba, Bab-Dummad-nug odummomar. Gar-arpa-goledba, Bab-Dummad-nug odummomar. Gar-lira-goledba, Bab-Dummad-nug odummomar.

Salmo 81:3

Nii-binid-gwisgunonikidgi, gar-trompeta ogormala. Nii-dalu-naidgi anmar-iba-dummad-guedgi, gar-trompeta ogormala.

Salmo 81:4

Ar weyob-imakoye Bab-Jehová Israel-dulemarga igar uksad, weyob Jacob-e-Bab-Dummad igar mesisad.

Salmo 89:15

Bab-Jehová, dulemar weligwaledgi-be-nug-odummomaladgi, nued binsalesad. Wemar be-sogedba nanadimalad.

Éxodo 28:29

”Weyobi, Aarón, anse-goled-neg-islidikidyaba dogdele, igar-nabogega mor-binasgargi-nagued-ebulegedgi Israel-e-masmala-e-nug naigu guoed. Adi, an wemar-e-binsadigu guegar.

Éxodo 30:16

Degisoggu, be-sunnagwad be Israel-dulemar-we-mani-ukarmalar, be suoed. Geb a-mani, dulemar-anbo-ambikued-neggi-arbalegega-ebulegega be ukoed. ”Weyobi, an insaegalad, Israel-dulemar na e-san-onogegala, a-anar mani uksamarye.”

Isaías 27:13

A-ibagangine, gar-trompeta-dummad gordagoed. Asiria-yalase, degi, Egipto-yalase, dulemar-galesa-selesgusadi, Jerusalén-Yala-Islidikidse Bab-Jehová-nug odummononimaloed.

Levítico 23:24

“Israel-dulemarga be sunmake, ega be soge: ‘Nii-walagugled-gebe-iba-onodedgi, bemar obunnogoed. A-ibagi, gar-trompeta-ogolale, bemar iba onogoed. Deginbali, bemar Bab-Jehová-nug-odummogega danar ambikunonimarbaloed.

Números 10:9

”Dule-be-isdarmalad bemar-yargi begi-yoledanimalad-abin bemar bila-ononamalagala, gar-trompeta binnasuli be ogormaloed. Weyobi adi ani, Bab-Jehová, bemar-Bab-Dummad bemar-insamaloed, degine, be-isdarmaladgi an be-abonomaloed.

Números 28:11

Bab-Jehová Moisésʼga sogdebalid: “Israel-dulemarga be sogo: ‘Gebe-nii-onodedgi, anga moli-bebe-nikad-sapingwagwad-walabo bonisulidi, sibad-wawaad-machered-wargwen bonisulidi, degi, sibad-wawaad-sapingwagwad-birgagwen-nikad bonisulidi, walagugle (7), ogumakar be anga ukoye.

Números 29:1

Bab-Jehová, Moisésʼga sogdebalid: “Israel-dulemarga be sogo: ‘Nii-walagugled-gebe-iba-onodedgi, bemar Bab-Jehová-nug odummogegala, bulakwaa nonimaloed. A-ibagi, bipisaale dule gwen arbaosulid. A-ibagi Gar-Trompeta-Ogoled-Iba naguoed.

Mateo 11:28

”Bela bemar-yegus-alamaknaimalad, degi, yegus-itodidimalad, anse be dagmar, ani an bemarga obunnoged ukoed.

Gusmalad 10:4

Cornelio nue-nuu baliwitur-dakdegu, dobe itoded, ega sogded: —Dummad, ¿wede igid barsunna? Baliwitur, abin-sogded: —Be Bab-Dummadse goledi, degi, be wileganaga mani ukedi, we-ibmar Bab-Dummadse nakwisad, Bab-Dummad we-ibmar gwen iegosulid.

1 Corintios 15:52

Ar napi-gar-trompeta-goloedgi, anmar-san ukiar, anmar ibya-muru-sade-daedyob gwagoed. Ar ade, gar-trompeta goloed, geb agi dulemar-burgwismalad durgudagoed, san-gwapid-geg-nungued-nika durgudagoed. Degine, anmarmoga, anmar-san gwagdemarmogoed.

1 Tesalonicenses 4:16

Bab-Jesús-sunnad Bab-Dummad-gayaburba-ganguedba, baliwitur-dummad-gayaba, degi, Bab-Dummad-gar-trompetaʼba, nibneggi aidedagoed. Geb dulemar-Cristoʼgi-bengussuli-burgwismalad-inse durgudagoed.

1 Tesalonicenses 4:18

Degisoggu, we-gayaburbagi na be muchub-muchub ogannodii imakmarsun.

Josué 4:7

Bemar abin-sogmaloed: ‘Bab-Jehová-Dadganbo-Igar-Mesisad-Ulu Jordán-diwargi-obakdegusgu, Jordán-diwar e-asabin negabar maridgusad, nakwar-dii-danikidi galesgusad. Anmar-Israel-dulemargala, we-akwamala Jordán-diwar-dingusad-ebinsadiguega gued.’ ”

Josué 6:4

Dule-irwa-anse-gormalad walagugle (7) gar-trompeta-sibad-wawaad-machered-e-bebegi-sobaledi semamai guoed. Wemar an-be-dadganbo-Igar-Mesisad-Ulu-semamaid-idu nadapmaloed. Ibagugledgine (7), bemar ilagugle (7) Jericó-neggwebur-ebirmaloed. Agine, dule-irwa-anse-gormalad gar-trompeta-ogornadapi gumaloed.

Apocalipsis 22:17

Bab-Burba, degine, Sibad-Wawaad-Mimmi-e-ome soged: “Dage.” Ar dule itogele, soge: “Dage.” Dule uku-uku itogele, dage. Ar dule dii-dula-dule-imaked gobbiele, maniginsuli binsa gobdage.

1 Samuel 20:5

David ega sogded: —Be wisi, banedse nii-binid-yoleged-ibad. Degisoggu, reyba an mas gunned nikanad. Ar ibabo sapurba-dukuega be an-imake.