Lucas 9:41 - Kuna San Blas

⁴¹ Jesús, abin-imakdegu, sogded: —Bemar, Bab-Dummadgi-bengumalad-dulemar. Bemar, Bab-Dummad-igar-oakaloged-dulemar. ¿Sanase bemar-abargi an gudiguosunna? ¿Sanase mag be itomaloe? Budar an bemar-daked danikid. ”Be-machigwa anse be sedage.”

Bab dummad Jesucristoba igar mesisad garda

⁴¹ Jesús, abin-imakdegu, sogded: —¡Bemar Bab-Dummadgi-bengumalad-dulemar, bemar Bab-Dummad-igar-oakalogedmar! ¿Sanase bemar-abargi an gudiguosunna, bemar mer an-bengumalagar? ¿Sanase mag be itomaloe? Budar an bemar-daked-danikid. Be-machigwa anse be sedage.

Lucas 9:41 Iomraidhean Croise

2 Reyes 5:8

Bab-Jehová-e-dule-Eliseo wisguargu, Israel-e-rey garda-absosadbali e-mor siir-siir imaksaye. Agine Eliseo, reyse gayaburba barmisad: “¿Dummad, ibigala be mor esirmaksa? We-dule be anse barmidage, adi, wisguega Israel-dulemargi Bab-Dummad-gayaburba-barsoged maid.”

Salmo 78:8

E-dadganyobi guosurmalad. E-dadgandi, binsaed-sate, uayasuli gusmalad, e-gwagegi innikigwadba nanassurmalad, e-ulubgi Bab-Dummad-sogedba gudii gussurmalad.

Éxodo 10:3

Moisés Aarónʼbogwa Faraón-daknadgusmalad. Faraónʼga sogdapmalad: “Weyob Hebreoʼmar-e-Bab-Dummad-Jehová soged: ‘¿Ar wede sanagwadsega bede an-asabin san bipii imakoe? An-dulamar noega be imako, adi, anse gornamalagar, an-nug odummonamalagar.

Éxodo 16:28

Geb degine, Bab-Jehová Moisésʼga sogded: “¿Ar wede sanagwadse an-igar-mamaidba, an bemarga-ibmar-sogedba be nanamaloye soge?

Jeremías 4:14

Bab Jehová soged: “Jerusalén-dulemar, be-gwage-isgudiid be urukmala, adi, be, abonolemalagar. ¿Ar sana be binsaed-isganamargi-binsaed iemaloye be sogmala?

Números 14:11

Geb degine, Bab-Jehová Moisésʼga sogded: “Israel-dulemar-abargi bela ibmar-dummagan-dakledisurmalad an imakdii-inigwele, degite, ¿sanagwadse we-dulemar isdar-an-dakdii guoe? ¿Ar wede sana angi bensuli gumaloe? An wesesun. Bar an bendakosur.

Números 14:27

“¿Ar wede sanagwadse dule-isganamar-angi-urwedimalad an baisur-itodii guoe? Israel-dulemar-angi-gwisgudimalad, angi-sunmakdimalad bato an itosad.

Mateo 11:28

”Bela bemar-yegus-alamaknaimalad, degi, yegus-itodidimalad, anse be dagmar, ani an bemarga obunnoged ukoed.

Mateo 12:39

Jesús, abin-sogded: —Be, dule-isganamalad. Be, negsichigi-galagwensuli-yoledimaladid. Be, Bab-Dummadgi nodimaladid. Emide, be ibmar-wilubgan-dakledisulid bega imaked be abemalad. Ar an bega sogmar, wilubgan bega oyolegosulid. Unnila bemarga-oyolegoedi, Bab-Dummad-gaya-barsoged-Jonásʼye-nugad-gusadyob bega oyolegoed.

Mateo 12:45

”Geb degi, niaburba deyob daksale, e-sordamar-walagugle (7) eba-bur bulegandamalad-sedagega gannar naoed. Niaburbamar a-negse dognonimalogu, na e-negga imakdemaloed. Geb we-dule epenne-e-daedba aka bur bule isgudsunnoed. Ayobi bemar-emi-dula-gudidimalad-isganamalad gumarmogoed.”

Mateo 16:4

”We-dulemar-galagwensulidamalad, we-dulemar-negsichigi-galagwensuli-yolemalad Bab-Dummad-sogedba ibsasurmalad. Amardi ega ibmar-wilubgan-dakledisurmalad oyobi abedamalad. Ar we-wilubgan ega bar oyolegosurmalad. Unnila ega oyolegoedi, Bab-gayaburba-barsoged-Jonás-gusadyob, ega a-wilubgan oyolegoed, adi, wisgumalaga, an doa-dule gue.” Jesús degi-sogsagu, emargi bangudsunnad.

Mateo 17:17

Jesús abin-sogded: —¡Be Babgi-bengumalad-dulemar! ¡Be Bab-igar-oakaloged-dulemar! ¿Ar bemarde an-suli geg be ibmar imakmarde? ¿Ar sana be ibmar durdakmaloe? Machigwa anga be sedamarsun.

Mateo 23:36

Napira an bemarga soged, we-dule-nuegan-oburgwilesmalad, emi, bemar-dula-gudidimaladgi ataklemaloed.”

Mateo 3:7

Juan dakalid, Fariseo-sordamar, degi, Saduceo-sordamar, bukidar ese Bab-Dummad-diigi-ogleged-igar imakdaniki, amarga sogded: “¡Ar bemar naibe-bulegan-e-mimmiganyob gumalad! ¿Ar doa bega sogsamala, bemar Bab-Dummad-nue-urwedanikoedgi sunna be wakinmaloye?

Marcos 10:14

Jesús deyob daksagua, sae-itode, na e-sapinganga sogded: “Mimmigan be anse-daged imakmar, mer be igar-gamar, ar Bab-Dummad-e-negdakmaid we-mimmigan-damaladyob-damaladgadid.

Marcos 10:49

Geb Jesús gwisgusunnad, degi, sogded: —Ese gornamar. Degisoggu, Bartimeoʼse gochamalad, ega sogdemalad: —Bartimeo, be gandik sae, be gwisgu, Jesús bese goled.

Marcos 9:19

Jesús, abin-sogded: —¡Bemar Bab-Dummadgi-bengumalad-dulemar! ¿Sanagwadse an bemar-abargi gudiguoe? ¿Sanagwadse be ibmar durdakmaloe? Anga be-machigwa be seda.

Lucas 8:25

Jesús e-sapinganga sogded: —¿Ar ibiga be Bab-Dummad-bengusmala? E-sapingan dobe itodmalad, degine, geger dakdemarbalid. Na muchub-muchub sogdemalad: “¿Wede, doa-dulesunna? Burwa, degi, demarse-bakar, eba ibsaed.”

Lucas 9:40

Be-sapingangi an wilesanad, adi, ega burba-isgana onogegar. Be-sapingan gwen ega burba-isgana onossurmalad.

Lucas 9:42

Machigwa Jesúsʼse danikidgi, niaburba machigwa-balimeted, degi, binnasur owawanmakded. Geb degi, Jesús burba-isganase sabsur-uluded. Geb machigwa-onudaksasunnad. Geb a-sorba, e-babga machigwa-uksasunnad.

Juan 14:9

Jesús, abin-sogded: —Felipe, an bemar-abargi dikasurgus an gudiidde, ¿amba be aku an-dakde? Ar dule an-daksale, a-dule bato an-Bab-daksado. ¿Ibiga be anse egise, Bab be anga oyoye?

Juan 20:27

Geb degi, Jesús Tomásʼga sogded: —Wegi be-goo be odoge, an-argan be dake. Be-argan be seda, an-dikargi be ododage. Mer be an-bengue. An-gannar-durgusad mer be bengue.

Gusmalad 13:18

”Birga-dulabosaar (40) nega-dulesulidganba, anmar-dadgan na e-isdar-nanaedba, gaamakdii gusad.

Gusmalad 2:40

Deyob Pedro suibaksaar Jesús-igargi sunmakgwisgu, aimarga binsaed-nued-ukgwichi gusad. Degine, sogdebalid: “Bemar we-dulemar-isgudidimaladgi be bangumarsun. Adi, melle be we-dulemar-isganaba sabsur-odurdaklemalagar.”

Romanos 2:4

Ar Bab-Dummad dule-nued-daedbali bega e-ibmar-nuegan-ukmaid, be, ¿baisur dakde? Bab-Dummad mer sabsur-be-odurdakega na e-san-bargamaid, be, ¿baisur dakde? Degine, Bab-Dummad be-ibmar-isgana-imaked na e-baisur-itogeyob-maid, be, ¿baisur dakde? Ar Bab-Dummad begi-nued-binsaedba, isguedgi bangued be imakbied, ¿ar be aku itosi?

Deuteronomio 32:5

”Israel-dulemar, be dule-isganamalad, Bab-Dummadgi be nue-dummad-yolesmalad, bemar bar e-mimmiganga gusurmalad, ar ade, bemar na dukin nug-oichosmalad.

Hebreos 3:19

Anmar daksundo, amala Bab-Dummad-bengusmalad-ulale, obunnoged-yarse dogsasurmalad.

Hebreos 4:11

Degisoggu, a-obunnogedgi anmar obunnomogagala, nue-alamaknai imakmarsun, adi, melle anmar uayasuli anmar-dadgan-gusadyob gumarmogagar.

Hebreos 4:2

We-Gayaburba-Nued anmarga soglesadyob anmar-dadganga soglesmoganad. A-gayaburba-nued-itosmar-inigwele, gwen bendaklessurmalad. Ar ade, itosmargu, Bab-Dummad-bengusmalad.

Hebreos 7:25

A-ulale, dulemar Jesús-nuggi Bab-Dummadse-danimalale, Jesús degisadegu a-dulemar-abonoged. Ar ade, Jesús degisadegu Bab-Dummadse amarga gormaiguad.