Lucas 8:47 - Kuna San Blas

⁴⁷ Degi, ome dakdegu, ibmar-gusadi gwen dukuar gussuli, ise-wawanmakar Jesúsʼse nonikid, e-mali-naba yokorgi sindigar signonikid. Bela-dulemar-bukwad-abargi sognonikid, ede, ibiga Jesús-morduku ebusye, degine, ede, Jesús-morduku-ebusgu, yog-nuguar nadye sognonikid.

Bab dummad Jesucristoba igar mesisad garda

⁴⁷ Degi, ome dakdegu, ibmar-imaksad gwen dukuar gussuli, ise-wawanmakar Jesússe nonikid, e-mali-naba yokorgi sindigar signonikid. Bela-dulemar-bukwad-abargi ome sogded, ibigarsunna Jesús-mor-duku ebunoniki. Ede, Jesús-mor-duku ebusgu, yog nuguar nadye.

Lucas 8:47 Iomraidhean Croise

Salmo 2:11

Bemar, Bab-Jehová-e-nug nue-itoakwaa odummomalo, ise-itoakwaa Bab-Jehová-mag-dakedgi be wergudii gumalo.

Salmo 38:9

Bab-Dummad, an-ibmar-abeged bela be wisid, an-ibmarbina-gudiid begi dukunaisulid.

Salmo 66:16

Bab-Dummad-dobekwaa-gudimalad, ¡dagmala! ¡Itodamala! Bela Bab-Dummad-anga-ibmar-imaksad, an bemarga sogoed.

Isaías 66:2

Ani Bab-Jehová soged: Ar belagwable we-ibmarmar ani an obinnisad, deyobi nagunonikid. ”Ani an dule-wilemalad, dule-suli-suli-itodimalad, degi, an-gayaburbaba binsaed-nika-nanadimalad, an yeer-daked.

Oseas 13:1

Gebeunni, Efraín-dulemar, Israel-yargi nuga-nikarbamaladinad. Ibmar-sogdemalale, dulemar, dobee itodamalad. Emide, Efraín-dulemar, bab-dummad-Baalʼye-nugad-e-nug odummod gusmalad. A-isgued-nukad, Efraín-dulemar burgwenoni gusad.

Oseas 5:3

An wisid, Efraín-dulemar igi-damala, an Israel-dulemar-daed ise-wisimakarbalid. Emide, Efraín-dulemar galagwensuli-negsichigi nanadmalad. Israel-dulemar bela isgudmalad.

Habacuc 3:16

An deyob itosgua, bela an-gwage-ulubse an-ebusad, an be-gaya-itosgua, an-gakuli wawanmakded. Bela an-garmala gulleded, an-nagmar bela nollomakded. Degi-inigwele, andi binnalee, anmar-wionanaid-e-sabsur-odurdaklegoed-iba-nonikoedi, an edarbed.

Mateo 28:8

Degi, omegan neg-uangi-nodgu, Jesús-sapinganga Jesús-durgusye-sognamalaga, dobed-abargi, degi, nue-weligwar-itogedgi, abarmakdemalad.

Marcos 5:33

Ome e-san-nugusad mag itossoggu, dobe-itogedba ise-wawanmakar Jesús-asabin yokorgi sindigar signonikid. Geb Jesúsʼga bela napiragwadgi ibmar sogsad.

Lucas 8:46

Ar Jesús, abin-imakdegu, sogded: —Dule-an-ebusad mag an itoged. Ar angi an-gangued node an itosad.

Lucas 8:48

Jesús omega sogded: —Omegwa, be nue an-bengussursoggu, be nugussun. Gwage-bogidikidgi be-negse be nasun.

Gusmalad 16:29

Esgarya-daked gwallu egichisgu, esgarya-yaba dogdegu, ber-dobedba wawanmakded. Pablo-asabin, degi, Silas-asabin, yokorgi sindigar sigisad.

1 Corintios 2:3

An bemar-abargi-gudigusgu, an na wargwen unnisur-itogedgi, dobedgi, degi, ise-wawanmakaledgi an bemar-abargi gudii gusad.

2 Corintios 7:15

Tito bemargi-binsaalir, bemargi sabedgi sunmakardaed, igi bemarde uaya-nikaa-daedba belagwapa e-ibmar-sogsadba, dobed-abargi bela eba be ibmar imaksamala. A-ular, Tito bur bule bemar-sabgunonikid.

Filipenses 2:12

Degisoggu, an-gwenadgan-sabesailamalad, an bemar-abargi-gudigusgu, bemar gusgu an-ibmar-sogedba ibsadamalad. Emigindi, an bemarba-gudisulidgi bur bule be anba ibsamala. Bab-Dummad-dobegwadgi, degi, Bab-Dummadgi-nue-binsaed-nikagwadgi, be-abonolesadgi be alamaknai samala.

Hebreos 12:28

Degisoggu, Bab-Dummad anmarga negdakmaid-geg-bergued-uknaisoggu, dog-nuedye anmar Bab-Dummadga sogmarsun. Agi, Bab-Dummadga anmar arbamarsun, nue-dobedgi, degi, nue-egi-binsaed-nikadaedgi, arbamarsun.

1 Samuel 16:4

Samuel Bab-Jehová-ega-ibmar-sogsadba ibmar-imaksad. Samuel, Belén-neggweburse-nonigua, girmar-dummagan Samuel-abin dobed-abargi noarmalad. Geb ega sogdemalad: —¿Nuedgi be daniki?