Lucas 8:10 - Kuna San Blas

¹⁰ Jesús na e-sapinganga sogded: —Ar bemargardi, Bab-Dummad-e-negdakmaid-igar-burbar-mamaid osanalegoye maid. Dulemar-baigangardi, ega burbar soglegoed: ‘Adi, dulemar ise-dakar imakmar-inigwele, mer mag dakmalaga, degi, ise-itogar-imakmar-inigwele, mer mag itomalagar.’ Isaías 6:9

Bab dummad Jesucristoba igar mesisad garda

¹⁰ Jesús na e-sapinganga sogded: “Ar bemargardi Bab-Dummad-neg-dakmaid-igar-burbar-mamaid osanalegoye maid, dulemar-baigangardi ega burbar soglegoed: Adi amba dakmar-inigwele, aku dakmalagar, ar itomar-inigwele, aku itomalagar. Is. 6:9

Lucas 8:10 Iomraidhean Croise

Salmo 25:14

Bab-Jehová dulemar-e-nug-odummodimaladbo walikaa gued, amarga e-igar-mesisad sogbalid.

Isaías 29:14

A-ulale, we-dulemar gannar ibmar-gegerdaklemalad-dakega an imakoed, geb geger dakdemaloed. E-dule-binsaed-ibegan e-binsaed-nikadi, an ei osulogoed, degi, e-dule-nue-ibmar-wismalad ibmar-wissulidga an imakoed.”

Isaías 44:18

Ar we-dulemar ibmar wissurmalad. Akusunna ibmar itomalad. Ar nue-atakmar-inigwele, akusunna ibmar dakmalad. Neg-aku-itomaladid, akusunna ibmar-itomaladid.

Isaías 6:9

Geb Bab-Jehová anga sogded: —Be nae, we-dulemarga be sogna: ” ‘Be ibmar nue-itomalo-inigwele, akusunna be itomaloed. Be ibmar nue-dakmalo-inigwele, akusunna be dakmaloed.’

Jeremías 5:21

‘Dule-binsaed-satemalad, dule-aku-neg-itomalad, be itomala. Ar bemar ibya-nika-inigwele, be aku-ibmar-dakmalad. Ar bemar uaya-nai-inigwele, be aku-ibmar-itomalad.’ ”

Ezequiel 12:2

“Dule-machi, dulemar-uayasulidamalad-abargi be gudiid. Ibya nikamalanad, degite, aku atakmalad. Uaya nikamalanad, degite, aku dule-itomalad. Ar uayasulidamaladid.

Mateo 11:25

A-ibagangi, Jesús Bab-Dummadga-sunmakdegua, sogded: “Baba, an be-nug odummosun, bedi nibnegsemaidid, we-napneg-e-Dummadbalid. Ar bedi dule-ibmar-wismaladgi, dule-ibmar-magar-itomaladgi, an-we-ibmarmar-imaksad aku-ito be imaksad. Dule-baisursunnagwadmargardi bur be osanalosad, adi, amar magar itomalagar.

Mateo 16:17

Geb degi, Jesús abin-sogdemogad: —Simón, be Jonás-machi, begi nued binsalesad. Ar dule we-ibmar bega sogsasulid. An-Bab-nibneggi-maid, a bega we osanalosad, an Cristoʼye, an Bab-Dummad-Machi-sunnadye.

Marcos 4:11

Jesús, abin-sogded: “Ar bemargardi, Bab-Dummad-e-negdakmaid-igar-burbar-mamaid osanolesad. Ar dulemar-baigangardi, unnila burbale an odurdaked,

Marcos 4:12

adi, dulemar ise-dakar imakmar-inigwele, mer mag dakmalaga, degi, ise-itogar-imakmar-inigwele, mer mag itomalaga, adi, mer Bab-Dummadse gannar namalaga, degi, Bab-Dummad mer e-isgued ega eliegar.” Isaías 6:9-10

Juan 12:40

“Bab-Dummad amar-e-ibya akudake imaksad, degi, amar uayasurdaega imaksabalid, adi, melle na e-ibyagi mag dakmalagar, degi, e-gwagegi melle mag itomarbaligar. Ar degiile, abonolemalo-itole. Ar degiile, amar an nudake dakledago-itole.” Isaías 6:10

Romanos 16:25

Ar Bab-Dummad, an Gayaburba-Nued-Jesucristoʼgi-an-sunmakdiidyob sunna gandik bemar-imaked. A-e-nug be ogannomarsun. We-Igarde, iduar gusgu gebe-negasailaunni odukuar mainad.

1 Corintios 12:11

Ar bela we-gurgin-burbaled-akar-akar-uklegedi, unnila Bab-Burba-wargwenna-guedbi uked. Degine, na e-itolegedba doamarga we-gurgin-burbaled ukbie, amarga uked.

Deuteronomio 29:4

Degite, emi-ibadse, be-ibyagwar neggusad-daksadi, be-uayagwar-itosadi, Bab-Jehová magar-itogega bemar-imaksasulid.”

Colosenses 2:2

An alamaknaid, adi, bemar niga-gangumalaga, bemar bulakwaa sabguedgi nanamalaga, degine, bemar bela mag-itogedgine, Bab-Dummad-igar-dukuar-maigusad, nuekwaa wisguegar. Ar we-igar-dukuarmai-gusad, Cristo-sunnad gued.

1 Timoteo 3:16

Emide, Bab-Jesús-igar geg benguleged. Ar we-igar igar-dakledisulid-igalad, igala-dummadid, ar ade: Bab-Dummad anmarse oyolesad, anmar-dule-sunnadyob napnegse aidenonikid. Bab-Dummad-Burba-Isligwaled dule-ibmar-oakalossulidye-nik sogsad. Baliwiturmar, Bab-Jesús-nue-daksamarmogad, Judíoʼsurmaladga Jesús-igar-nuedgi ega sunmaklesad. Dulemar-napneggi-bukmalad Jesúsʼgi bengussurmalad. Degi, Bab-Dummad na e-nibnegse Jesús-onakwisad, agi e-nug odummossunnad.