Lucas 7:22 - Kuna San Blas

²² Geb degi, Jesús, Juan-sapingan-abin-imakdegu, sogded: —Be namar, Juanʼga be ibmar-itosmalad sognamar, degi, ega be ibmar-daksamalad sognamar: Dulemar-ibyasurmalad mag-atak an imaksad, dule-muya-muya-nanamalad nued-nanae an imaksad, dulemar-naibe-buna-yaa-maleged-nikmalad swilidik an imaksad, dulemar-uaya-yallirmalad nabir-mag-ito an imaksad, dulemar-burgwismalad gannar-durguega an imaksad, degine, dulemar-wileganaga Bab-Dummad-Gayaburba-Nuedgi an ega sunmaknonikid.

Bab dummad Jesucristoba igar mesisad garda

²² Geb degi Jesús, Juan-sapingan-abin imakdegu, sogded: —Be namar, Juanga be sognamar, ibmar be itosmalad, degi, ibmar be daksamalad: Dulemar-ibya-surmalad mag-atak an imaksad, dule-muya-muya-nanamalad nued-nanae an imaksad, dulemar-naibe-buna-ya-maleged-nikmalad swilidik an imaksad, dulemar-uaya-yallirmalad nabir-mag-ito an imaksad, dulemar-burgwismalad gannar-durguega an imaksad, degine, dulemar-wileganaga Bab-Dummad-gaya-burba-nuedgi an ega sunmaknonikid.

Lucas 7:22 Iomraidhean Croise

Job 29:15

Dule-aku-atakmaladga e-ibyayobi an gudii gusad. Dule-yaku-yaku-nanamaladga, e-maliyobi an gudii gusbalid.

Salmo 146:8

Bab-Jehová dulemar-ibyasulid nabir-atakega imaked. Dule-yore-nanamalad inniki-nanaega imaked. Bab-Jehová dule-innikidamalad nue-sabed.

Isaías 42:16

Dule-aku-atakmalad, igar-dakdisurmaladba an nidoed, nanaledisulid-igarba an nidoed. Amar-asabinni, negsichidi neg-meegwadga an imakoed. Amar-idu, neg-muru-murumalad an innikii imakoed. Deyob an imakoed, an gwen amar-obanosulid.

Isaías 43:8

Bab-Dummad soged: “Dule-aku-atakmalad, amba ibya-nika-inigwele, be anga onimar. Dule-uaya-yallirmalad, amba uaya-nika-inigwele, be anga onimar.

Jeremías 31:8

Bemar dad-nakwed-argan-sapiledsik-bukmaladi ani an bemar sedagoed. Bela napneg-ugakaase be bukmaladi, gannar danar wegi an bemar-urbemaloed. ¡Bela-belad-bur-ichesuli gannar nonimaloed! Amar-abargi, dala-satemalad danimarmogoed. Muya-muya-nanamaladi, siamar-gurgin-nikamaladi, degine, muugan-sikwigamaladi, danimarmogoed.

Sofonías 3:12

Be-abargi unnila dule-wileganabi, dule-na-san-dummarba-imaksurmaladbi, an obegoed. Wemar unnila Bab-Jehováʼgi bensurgudii gumaloed.

Mateo 11:5

Dulemar-ibyasurmalad, emisgi mag-atakmalad, dulemar-muya-muya-nanamalad, nabir-nanamalad, dulemar-naibe-buna-yaa-maleged-nikmalad, swilidik gusmalad, dulemar-uaya-yallirmalad, nabir-mag-ito gudmalad, dulemar-burgwismalad, gannar durgudmalad, degine, dulemar-wileganaga, Bab-Dummad-Gayaburba-Nuedgi ega sunmakleded.

Mateo 21:14

Bab-Dummadse-goled-neggi, dulemar-ibyasurmalad, degi, dulemar-nue-geg-nanamalad Jesúsʼse-nonimargu, Jesús amar bela-nudaksad.

Lucas 4:18

“Bab-Dummad-e-Burba angi maid. Ar ade, dule-wilemaladga gayaburba-nuegangi-sunmakega, Bab-Dummad an-susad. Bab-Dummad an-barmialid: Dule-gwage-nunmak-itodimaladga gwage-armakegar. Dule-galesbukmaladga binnasur sogegar, bemar ainimarye. Dule-ibyasuli-gudimaladga ibya-egaegar. Dule-mesagwar-gudimalad-ollor-imakegar.

Lucas 7:21

Agine, Jesús, Juan-sapingan-wagab, bukidar dulemar-gegumalad, galagwensuli-bonigan-nikmalad, niaburba-nikmalad, degine, dulemar-ibyasurmalad nudaksad.

Lucas 7:23

”Degine, Juanʼga be sogbalo: ‘Ar dule-an-bensuliddi, a-dulegindi nued binsalesye.’ ”

Juan 1:46

Natanael, abin-sogded: —¿Ar Nazaret-neggweburgi sunna ibmar-nued nodasi? Felipe, abin-sogded: —Be anba dage, adi, be-sunnad be dakoed.

Gusmalad 26:18

Adi, amarga be ibya egaegar, mer negsichidgi bar garmakdii gumalagar, nabir bur gwallu-meegwadgi gudigumalagar, mer nia-saila-Satanás-ganguedba bar-nanamalagar, nabir Bab-Dummad-igarba nanamalagar. Amarse an be-barmid, angi mer bar bengumalagar. Geb degiir, e-isgudiid Bab-Dummad ega elioed, degi, nabir nibneggi angi-akasmaladba ibmar-nued nikumarmogoed.’ ”

Gusmalad 8:7

Deginbali, bukidar niaburba-nikamaladi, binnasur-gote, niaburbamar egi ainiddamalad. Degi, bukidar dule-abagan-burgwar-nikamaladi, dule-muya-muya-nanamaladi, Felipe onudakmai gusad.

Santiago 2:5

Gwenadgan-sabesailamalad, nue an-itomar: Ar Bab-Dummad we-napneggi dule-wilegana susad, adi, Bab-Jesúsʼgi-bensuligued bur bule nikumalaga, degi, Bab-Dummad na e-sabmaladga na-e-negdakmaid-ukoye-sogsadi ega ukegarba.