Lucas 7:21 - Kuna San Blas

²¹ Agine, Jesús, Juan-sapingan-wagab, bukidar dulemar-gegumalad, galagwensuli-bonigan-nikmalad, niaburba-nikmalad, degine, dulemar-ibyasurmalad nudaksad.

Bab dummad Jesucristoba igar mesisad garda

²¹ Agine, Jesús, Juan-Bautista-sapingan-wagab, dulemar-bukidar-gegudimalad, galagwensuli-bonigan-nikmalad, niaburba-nikmalad, degine, dulemar-bukidar-ibya-surmalad nudaksad.

Lucas 7:21 Iomraidhean Croise

1 Reyes 8:37

”Israel-dulemar-yar-naidgine, ukud-dummad nagunonidibe, bonimar noardibe, uka-aimaked noardibe, sesemar ainiardibe, sese-burwigan ainiarbardibe, aginbali, e-neggwebur-bukwadgine, e-isdarmalad ebiris ambikunonidibe, bela bonigan egi noardibe, uelleged egi nononibardibe, agine, Israel-dulemar magar e-nosad itononikile, bese ise gollar-imakdemalale, nibneggi-mai be itogoed.

Levítico 14:48

”Ar dule-irwa-anse-goled neg-argaega negyaba-dogsadgi dakalile, neg-maglesad-sorba bar digwar nasgussuli, sogoed: ‘We-neg, swilidik guye.’ Ar ade, digwar bar a-neggi naisulid.

Mateo 4:23

Jesús bela Galilea-yargi, Judíoʼmar-onmakedneggi dulemar-odurdakdii gusad, Bab-Dummad-e-negdakmaid-gayaburba-nuedgi sunmakdii gusad. Degine, bela dule-uellemalad, degi, galagwensuli ibmar-nunmak-itomalad-nudakdii gusad.

Mateo 4:24

Jesús dulemar-nudakdiidba, bela Siria-yalase e-nug dunguded. A-ular, dulemar bela ibmar-naibi-itodimalad, galagwensuli-gegudimalad, abagan-nunmakdimalad, niasamalad, suu-itodimalad, abagan-burgwarmalad, Jesúsʼse senonimalad. Bela Jesús amar-nudaksad.

Marcos 3:10

Ar Jesús dule-bukidar nudaksasoggu, bela dule-uellemalad Jesús-ebugega egi megnanaid.

Marcos 5:29

Ome Jesús-e-morduku-ebusgu, yog-nuguar naded. Geb ome na magasaila itosad, ede nugusa.

Marcos 5:34

Jesús omega sogded: —Bunor, ar be Bab-Dummadgi bengussursoggu, be nugussun. Be gwage-bogidikidgi nae, degi, be-bonigan bela bei bergussun.

Lucas 7:20

Dule-warbo-barmilearmalad Jesúsʼse nonimalad, ega sognonimalad: —Anmar bese ibmar-egisega Diigi-dule-oged-Juan anmar-barmialid. Bega sogega, bede, Bab-Dummad-epenne-dule-wargwen-an-bemarga-barmidagoye-sogsad-dule-sogeye. Anmar dule-baid amba edarbemalo-sogeye.

Hebreos 12:6

Ar ade, Bab-Dummad na dule-sabedi, a-dule-odurdakdaed, degi, bela na e-mimmiga-imaksad odurdakega wis bibyodaed.” Proverbios 3:11-12