Lucas 7:19 - Kuna San Blas

¹⁹ Geb Jesúsʼse barmisad, adi, ese egisegar: —Ar epenne Bab-Dummad-dule-wargwen-an-bemarga-barmidagoye-sogsadi, ¿ar be a-dule? ¿Anmar dule-baid amba edarbemaloe?

Bab dummad Jesucristoba igar mesisad garda

¹⁹ Dummad-Jesússe barmisad, adi ese egisegar: —Ar epenne Bab-Dummad-sogsad dule-wargwen-an-bemarga-barmidagoye, ¿ar be a-dule, igi, anmar dule-baid amba edarbemaloe?

Lucas 7:19 Iomraidhean Croise

Génesis 22:18

Deginbali, ar an bega-ibmar-sogsadyob be imaksasoggu, bela dula-we-napneggi-bukwamalad be-waganba an egi ise-nued binsamogoed.’

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Isaías 11:1

Sapi-siklesad-gannar-ainieyobi, dule-Isaíʼye-nugadgi dule-gwensak nodagoed. E-wagangine, a-dule danikoed.

Isaías 7:14

A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.

Miqueas 5:2

Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

Hageo 2:7

Bab-Jehová-Bela-Gangued-Nikad weyob soged: “Bela dulemar-yar-baid-baidgi-bukwamalad an owawanmakoed. Dulemar-yar-baid-baidgi-bukmalad na e-ibmar-nuegan senonimaloed, deyobi, anse-goled-neg yeerdaklegega an imakoed.”

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Marcos 6:7

Jesús e-sapingan-ambe-gakabogwadse (12) gochad. Geb ebo-ebo barminai gusad. Dulemargi-niamar-mamaid-oniega, ega gangued uksad.

Lucas 10:1

Deyob we-ibmar-gusad-sorba, Jesús e-sapingan-baigan e-dulapaa-gakambe (70), bela na e-naoed-neggweburmarse ebo-ebo e-iduar barmisad.

Lucas 11:1

Ibagwengi Jesús neg-soggwengi Bab-Dummadse-gorsiid-bergusgu, e-sapin-wargwen ega sokalid: —Dummad, Bab-Dummadse-goledgi be anmar-odurdake. Igi Diigi-dule-oged-Juan e-sapingan-odurdaksamoga.

Lucas 11:39

Ar Jesúsʼdi ega sogded: “Nabir, emi bemardi, Fariseoʼmar, asginbi be dule-nuedga-imakmaladid. Bemar unnila asginbi nog-enuklegedyobid, degi, asginbi bate-enuklegedyobid. Ar be-ulubgindi, ibmar-atursamalad-dule gumalad, degi, galagwensulidamalad-dule gumalad.

Lucas 12:42

Degi, Dummad-Jesús abin-sogded: “¿Ar doa degite mai-nued, nue binsaed nikaa, geg galakuedga guosunna? Mai-deyobidi, na e-dummad na e-neg-dakega nugsaodo, adi, wachi-sekalaa mai-baiganga masgunned dakegar.

Lucas 13:15

Geb degi, Dummad-Jesús, abin-sogded: —¡Be yogasaar-darba-sunmakedid! Ar bemar belagwapa obunnoged-ibagi be-moli-bebe-nikad, degi, moli-uayasuid-sedega, diigi-ogobnaega, ¿e-gabedgi be esikdisurmarsi?

Lucas 17:5

Geb degi, Jesús-e-sapingan-bur-dummagan, Jesúsʼga sogdemar: —Dummad, gatik begi bensuli be anmar-imake.

Lucas 17:6

Geb Dummad-Jesús sogded: —Ar bemar mostaza-e-gwagyob wis bipii be angi bensurmalale, sunna we-Sicómoro-sapiga be sogsamalaled: ‘Wegi be gwichid be unge, demarse be diglenae.’ We-sapi bemar-sogedba imaksaled.

Lucas 18:6

Geb degi, Dummad-Jesús sogdebar: “Nue be itomalana, dule-igar-naboged-isganadaed-ibmar-sogsadi igi-sogsagusa.

Lucas 19:8

Geb degi, Zaqueo gwisgusgu, Jesúsʼga sogded: —Dummad, emide, wegi an-ibmar an-na-nikadi, negabar dule-wileganaga an ukoed. Ar dule-gwensak-ibe an ibmar-atursasale, an ega ilabake bur-melu ukoed.

Lucas 22:61

Geb degi, Dummad-Jesús, Pedro-dakdegu, Pedro, ebinsaas-naded, igi Jesús ega ibmar sogsa: “Gannir-namaked-iduar ilapaa be an-osulogoye.”

Lucas 24:34

sogbukmalad: —Ar Dummad-Jesús nue-gannar durgusye, Simónʼse Jesús magarosye.

Lucas 7:13

Agi Dummad-Jesús dakargu, nue-wile a-ome-dakded, ega sogded: —Mer be boe.

Lucas 7:20

Dule-warbo-barmilearmalad Jesúsʼse nonimalad, ega sognonimalad: —Anmar bese ibmar-egisega Diigi-dule-oged-Juan anmar-barmialid. Bega sogega, bede, Bab-Dummad-epenne-dule-wargwen-an-bemarga-barmidagoye-sogsad-dule-sogeye. Anmar dule-baid amba edarbemalo-sogeye.

Juan 11:2

We-María, gwallu-wawadgi Bab-Jesús-magsagusadid. María e-sailagiagi Dummad-Jesús-e-nag odingusii gusadid. Deunni, María-e-sus-Lázaro uellemaid.

Juan 4:1

Dummad-Jesús wisguargu, Fariseoʼmar weyob dulemar-sunmake itoye: Jesús, diigi-dule-oged-Juanʼba bur bule dulemar-Bab-Dummad-diigi-ogleged imakdiiye, degi, bur bule sapingan nikbarye.

Juan 4:25

Ome, Jesúsʼga sogded: —An wisi, Mesías nonikoed. (Mesías sogleged, yoedse-Dule-Wargwen-Barmiledagoye-soglesad). We Cristoʼye soglebalid. A-Cristo nonikile, bela anmarga ibmar sognonikoed.

Juan 6:23

Ur-baigan-Tiberias-neggweburgi-danimaladdi, bia dulemar Bab-Jesús Babga-dog-nuedye-sogsad-sorba madu-omelosad-guchamalad-walik nagunonikid.

Josué 2:1

Nun-e-machi-Josué, Sitim-akale dule-warbo arbakee barmisad. Amarga sogsad: “Yar-naid, degi, Jericó-neggwebur be arganamar.” A-dule-ebogwad Jericó-neggweburse mosmargua, ome-gambanuchu-saed-Rahabʼye-nugad-negse dogdapmalad.

Apocalipsis 11:3

“Degine, an-barsogmalad an warbo barmidoed. Bemar-iduar iba-miligwen gaka-dulataled-ilabo gaka-dulapaa (1,260) wile-itoged-mor-yoi ibmar-gumaloedgi sunmakdimaloed.”