Lucas 7:16 - Kuna San Blas

¹⁶ Bela-dulemar dobee itodmalad, geb degi, Bab-Dummad-nug odummodmalad, sogdemalad: “Bab-Dummad-gayaburba-barsoged-wargwen anmar-abargi gwisgunoni. Bab-Dummad na e-dulemarse ataknoni.”

Bab dummad Jesucristoba igar mesisad garda

¹⁶ Bela-dulemar dobe-ito nadmalad, geb degi Bab-Dummad-nug odummodmarsunnad, sogdemalad: —Bab-Dummad-gaya-burba-berbeged-wargwen-dummad anmar-abargi gwisgunonikid. Degine, Bab Dummad na e-dulemarse ataknonikid.

Lucas 7:16 Iomraidhean Croise

Salmo 65:9

Bee be, napa nue-akwed. Napagi gatik ibmar sanmakega egi be dii owied. Dian-dummad-Babagadi gege-dinguedi, bela ibmar-sanmakega imaked.

Éxodo 4:31

Dulemar Aarón-ega-ibmar-sogsad bengussurmalad. Emar itoarmargu, Bab-Jehová nue e-itosmarye, degi, na e-wilebukmalad e-daksamarbarye, bela na e-nono napase dulluu imakdemalad, oyogega, Bab-Jehová-e-nug emarde odummomarye.

Jeremías 33:9

Jerusalén-neggwebur weligwaledga anga guoed, degi, an-nug-ogannogega, degine, dulemar-neggwebur-akar-akar-bukwad-asabin an-nug-odummogega anga guoed. An Jerusalén-dulemarga ibmar-nuegan-saoedi, bela wisgumaloed, degi, an ega ibmar-nasgumai-imakoedi, bela wisgumarbaloed, degidbali, dobedba wawanmakdemaloed.”

Mateo 15:31

Degisoggu, bela dulemar-bukwamalad dakdegu, Jesús, dulemar-geg-sunmakmalad sunmak imaksa, dulemar-swida-burgwarmalad nudaksa, dulemar-muya-muya-nanamalad nabir-nanae imaksa, dulemar-ibyasurmalad mag-dake imaksa, dulemala, geger dakdemalad. Degisoggu, Israel-Bab-Dummad-nug odummodmarsunnad.

Mateo 21:11

Dulemar-bukidarad-Jesúsʼba-danimalad sogdemalad: —We-dule, Jesús Bab-Dummad-gayaburba-barsoged, Nazaret-neggweburginedid, Galilea-yarginedid.

Mateo 28:8

Degi, omegan neg-uangi-nodgu, Jesús-sapinganga Jesús-durgusye-sognamalaga, dobed-abargi, degi, nue-weligwar-itogedgi, abarmakdemalad.

Mateo 9:8

Ar dulemar dule-nugusad-dakdegu, geger dakdemalad. Bab-Dummad dulega we-gangued-uksadba, dulemar Bab-Dummad-nug odummodmarsunnad.

Lucas 1:65

Bela-e-neg-dikarba-mamaid dobe itonadmalad. Bela Judea-yalaganba we-ibmar-deyob-gusadi gaya mimileded.

Lucas 1:68

“Israel-dulemar-e-Bab-Dummad-nug odummomarsun, ar ade, e-dulamarse na ataknonikid, degine, isguedgine, e-dulamar-onononikid.

Lucas 19:44

Degi, geb napagi be-omukumaloed, be-dulamar-oburgwemaloed, degine, akwamar be-birgi-bubukwad bar be-birgi ambikuosurmalad. Bab-Dummad be-abonogega bese-atakleapid-iba aku be daksad-ular, deyob be guoed.”

Lucas 2:20

Ar sibad-wawaad-edarbemaladi, ega-ibmar-soglesadba-ibmar-gusadi bela-daksamalad, degi, bela itosmalad. Degidbali, gannar armargu, Bab-Dummad-nug-odummodani, degi, ogannodani gusmalad.

Lucas 24:19

Geb Jesús, abin-sogded: —¿Ibu-ibmala? Geb abin-imakdemalad: —Jesús-Nazaretʼginedgi bela-ibmarmar-gusad ¿be wissursi? We-Jesús Bab-Dummad-gayaburba-barsoged, gandikidba nued Bab-Dummad-asabin, degi, dulemar-asabin ibmar saed. Degi, gandikidba-sunmaked-dulebalid.

Lucas 5:26

Agi belagwapa geger-dakedbimalad, bela Bab-Dummad-nug odummodmalad. Nue-dobe-itomala, sogdemarsunnad: “Emi-ibagi, ibmar-gegerdakleged an daksamalad.”

Lucas 5:8

Simón-Pedro ua-bukidar gales dakdegu, Jesús-abin yokorgi sindigar sigisad, ega sogded: —Dummad, angi be bangu, andi isgudiid-duled.

Lucas 7:15

Geb degi, dule-burgwar-maid gwisgusad, geb agi yog sunmakdeguad. Geb Jesús a-sapingwa e-nanse sessunnad.

Lucas 7:39

Fariseo-Jesúsʼnik-gochadi degi-daksagua, na e-gwagegi binsasigualid: “Ar Jesús, Bab-Dummad-gayaburba-barsogeddina, wisindo, we-ome, doa-dule, degine, we-ome-e-ebunaidi, igidaedbali. Ar we-ome isgudiid-duled.”

Lucas 8:37

Geb degi, bela dulemar Gadara-yar-dikarbarmalad, bela dobee itodmargu, Jesús e-yargi-noega, egi wilenaigusmalad. Degi, Jesús urgi-nakwisgu, gannar nadsunnad.

Lucas 9:19

E-sapingan, abin-sogdemalad: —Gwenna-gwenna Diigi-dule-oged-Juanʼye benik sogmalad. Baigandi sogmalad, be Bab-Dummad-gayaburba-barsoged-Elíasʼye. Agi baigan sogmarbalid, be Bab-Dummad-gayaburba-barsoged-wargwen-epenne-gudigusad, gannar durgusadye.

Juan 1:21

Degi, gannar Juanʼse egichidmarbalid: —Degite, ¿be doa-dulesunna? ¿Be Elías? Juan, abin-imaksad: —Suli, an a-dulesurbali. Juanʼga sogdemarbarsunnad: —Degite, ¿be Bab-Dummad-gayaburba-barsoged anmar edarbediiddi? Juan, abin-imakdebalid: —Suli, an a-dulesuli.

Juan 1:25

Amar Juanʼse egichiarmalad, ega sogdemalad: —Ar bede Cristo-sulidde, degi, Elías-surbalidde, degine, Bab-Dummad-gayaburba-barsoged-anmar-edarbediid-surbalidde. Ar degite, ¿ibiga be Bab-Dummad-diigi-ogleged-igar imakdisunna?

Juan 4:19

Ome, Jesús-abin sogded: —Dummad, an be-dakgua, be Bab-Dummad-gayaburba-barsoged an be-dakdo.

Juan 6:14

Dulemar, Jesús-madu-gwaataled-omelosad-daksamaladi, sogdemalad: “We, Bab-Dummad-gayaburba-barsoged we-napnegse-nonikoed-sunnadye.”

Juan 9:17

Fariseoʼmar gannar dule-ibyasuli-gudigusadga sokarmalad: —Dule-bega-ibya-nudaksadgi, ¿igi be sogmosunna? Dule-nugusad, abin-sogded: —Andi an soged, we, Bab-Dummad-gayaburba-barsoged-duleye.

Gusmalad 5:5

Ananías, weyob Pedro-ega-soge-itosgu, Ananías yog-aimukudeguad, ilagwen-burgwar naded. Belagwapa dulemar degigusad-itosmaladi, bela-nue-dobee itonadmalad.

Gusmalad 7:37

”Amba we-Moisésʼsunnad Israel-dulemarga sogsagusad: ‘Bab-Dummad e-gayaburba-barsoged-anyobid be-gwenadgan-abargi gwensak bemarga barmidagoed. A-dule, nue be itomalo.’ Deuteronomio 18:15

Gálatas 1:24

Degisoggu, we-gwenadgan an-nuki Bab-Dummad-e-nug odummodmarsunnad.

Deuteronomio 18:15

Moisés Israel-dulemarga sogdebalid: “Be-Bab-Dummad-Jehová e-gayaburba-barsoged-anyobid be-gwenadgan-abargi gwensak bemarga barmidagoed. A-dule, nue be itomalo.