Lucas 6:8 - Kuna San Blas

⁸ Ar Jesúsʼdi nue-wisid igi binsabukmala, a-ular dule-argan-burgwaledga sogded: —Dage, neg-abarse be gwisguda. Geb agi neg-abargi dule gwisgunonikid.

Bab dummad Jesucristoba igar mesisad garda

⁸ Ar Jesúsdi nue-wisid igi binsabukmala, a-ular dule-argan-burgwaledga sogded: —Dage, abarse be gwisguda. Agi neg-abargi dule gwisgunonisunnad.

Lucas 6:8 Iomraidhean Croise

1 Crónicas 28:9

”Emisgi, Salomón, be an-machi-guedgi, be an-Bab-Dummad be mag-dake nanaergebed. Innikigwadba ega be arbaergebed, gandikidgi, degi, weligwaledgi eba be ibsaergebed. Ar Bab-Jehová dule-binsaed bela wissoggu, dule ibmar-imakbiele, bela magasar-daked. Ar be Bab-Jehová-nue-ami-sogele, e-amiega be-imakoed. Ar be Bab-Jehováʼba ibsasurdibe, Bab-Jehová degisadegu be-obanoed.

1 Crónicas 29:17

Anmar-Bab-Dummadye, an wisi be anmar-wilubdaked, degi, dule-innikidaed be nue-abeged. Agala, an gwage-islidikidgi bela an bega ibmarmar uksad. Emide an daked, dulemar ibiyobi ulubgi weligwaledba bega ibmar uksamala.

Job 42:2

“An nue-wisid, bela be ibmar imaked. Ar be-igar-mesisad gege dule be-ibe oichoged.

Salmo 44:21

¿ar be wisguosulin be insae? Ar bede bela ulubgi dulemar-binsaed mag-daked.

Isaías 42:4

We-dule, napneggi igar-napiragwad-omesedse gwen wieguosulid, gwen galakuosulid. Demar-gakaba-neggwebur-bukmalad, we-dule-e-odurdaked abdakbukwad.”

Mateo 9:4

Ar Jesús dulemar-ulubgi-binsanaid sunna mag daksoggu, ega sogded: —¿Ar ibiga bemar na be-gwagegi ichakwa binsanai? ¿Geg-isgued-osulo be an-insae?

Marcos 3:3

Geb Jesús dule-argan-burgwaledga sogded: —Dage, be abarse gwisguda.

Lucas 13:12

Jesús a-ome-dakargu, a-omese gocha, ega sogded: —Omegwa, we-boni-nika-gudiidgi be ollorgussun.

Lucas 5:22

Ar Jesús ulubgi-dulemar-binsaedi magar-daksad. Degisoggu, amarga sogded: —¿Ibiga ulubgi be deyob binsabukmala? ¿Geg isgued osulo be an-insasi?

Lucas 6:9

Geb degi, Jesús sogded: —Ibmar-soggwen an bemarse egisbimardo: Obunnoged-ibagi ibmar-nued-imakedi, wede, ¿igar-nuedi? Ibmar-isgana-imakedi, wede, ¿igar-nuedi? ¿Igid bur-nabiri? ¿Dule-oburgwedi? ¿Dule-odurguedi? ¿Igi bemar sogsunna?

Juan 2:25

Jesús dule-ega-ibmar-soged gwen abesulid, ar wisid dulemar ulubgi igi binsamala.

Juan 21:17

Gannar irbaagwadgi Jesús sogdebar: —Jonás-machi-Simón, ¿be an-sabe? Pedro, Jesús ega gannar-gannar irbaagus-soge-itogedba bukib-ito naded. Ega soggu: “¿Be an-sabe?” Pedro, abin-sogded: —Dummad, bela ibmar be wisid. An nue-be-sabed be wisid. Jesús ega sogded: —Degirdi, an-dulamar-sibad-wawaadyob-gudiid nue be anga sedii imako.

Juan 9:4

Yoo mutik-gued-iduar, anmar dule-an-barmialidga arbaed imakergebed. Ar neg-mutik-gued danikid. Agi, dulemar bar arbaosulid.

Gusmalad 20:24

Ar degite, an gwen bai itosulid. An-san-burba na sabesaila saodeeye gwen an binsasulid. Unnila bitigi an-arbaed weligwaledgi an obelosdibeye an binsaed. Bab-Jesús e-igar barsogega anga arbaed-uksad. A-igar, Bab-Dummad-Gayaburba-Nuedid, dule-abonoleged-wilubsulinad-igalad, emigindi, dule-abonononikid. A-igar bitigi nuedgi an obelosana gadinye an binsaed.

Gusmalad 26:26

Ar Rey-Agripa we-ibmar nue-wisid. Agala, an e-a-asabin gwen dobsuli sunmakgwichid. An insagua, we-ibmar-gusad bela Rey-Agripa wis an insado, ar we-ibmar arbakee imaklessulid.

Filipenses 1:28

Be-isdarmalad mer be dobgumala. Ar be weyob-damaladi, be-isdarmaladga oyonaid, emardi bergumaloye. Ar bemargardi abonoleged-e-wilub gued, wedi Bab-Dummadgi danikid.

Hebreos 4:13

Bela-ibmar-obinnilesadi, Bab-Dummadgi dukunaisulid, bela e-asabin magar-daklenaidbiid. Anmar-Bab-Dummadga-ibmar-sogoedgi, ibmar dukunaisulid.

1 Pedro 4:1

Ar Cristo igi anmar-ular we-napneggi dulagudigu naibigusa, anmar deyob naibiguedsik guagwar gudigumogargebed. Ar dule deyob dula-gudiidgi naibiguele, isgued-igargi bar nanasulid.

Apocalipsis 2:23

Jezabel-e-mimmigan an oburgoed. Deyobi, bela anba-nanaimalad wisgumaloed, ani an dulemar-gwage-ulubse-bakar, igi-binsa-bukmalad an wisye. Deginbali, dulemar na-e-ibmar-imaksadba an bennukoed.