Lucas 5:30 - Kuna San Blas

³⁰ Agi Garda-Narmaked-Dulemar, degi, Fariseoʼmar, Jesús-sapinganga sunmakarmalad, sokarmalad: —¿Ibiga dulemar-Roma-dummadga-mani-gaedgi-arbamaladba, degi, dulemar-baigan-isgudidimaladba, we-Jesús mas gunne, degine, eba gobbali?

Bab dummad Jesucristoba igar mesisad garda

³⁰ Agi escribamar, degi, Fariseomar, Jesús-sapinganga sunmakarmalad, sokarmalad: —¿Ibiga dulemar-Roma-dummadga-mani-gaedgi-arbamalad, degi, dulemar-baigan-iskudidimaladba we-Jesús mas gunne, degine, eba gobbali?

Lucas 5:30 Iomraidhean Croise

Isaías 65:5

We-dulemar sogmalad: ‘¡Be anmargi bannabagudii samalo! ¡Melle be anmarse walikaa gumalo!’ An bemarba bela-bela dule-islidikid gued. ”We-dulemar, waayobi gwen-nabir-ito an-asu-imaksulid, bane-bane soo-duurmaksiiyob gued.

Mateo 5:46

”Ar dule-be-sabmaladbi be sabguele, ¿ar ibu-nued egi be amiosunna? Ibmar-nued egi be amiosuli. Ar dule-isganamar, Roma-dummadga-mani-gaedgi-arbamalad, ¿deyob na imakmarmosursi?

Mateo 9:11

Fariseoʼmar, Jesús-dakarmargu, dule-isganamarba mas-gunsii, Jesús-sapinganga sogdemalad: —¿Ar ibiga bemar-odurdaked-saila dulemar-Roma-dummadga-mani-gaedgi-arbamaladba, degi, dule-baigan-isgudimaladba wede mas gunne?

Marcos 2:16

Garda-narmaked-dulemar, degi, Fariseoʼmar, Jesús dule-isganamarbo mas-gunsii dakarmargu, Jesús-e-sapinganse egichiarmalad: —¿Ibiga be-odurdaked-saila dulemar-Roma-dummadga-mani-gaedgi-arbamaladbo, degi, dule-baigan-isgudimaladbo mas gunne?

Marcos 7:3

Ar Fariseoʼmar, degi, Judíoʼmar-baigan, e-dadgan-igar-mesisadba argan-enuksasulir geg mas gunmalad, ar e-dadgan-ega-igar-metenadedba damalad.

Marcos 9:16

Jesús e-sapinganse egichisided: —¿Ibi igargi bemar Garda-Narmaked-Dulemar-ebo abin-abin imaknanai?

Lucas 18:11

”Fariseo gwichi Bab-Dummadse gorgwichid, na dukin weyob soggwichid: ‘Bab-Dummad, dog-nuedye an bega soged, an dulemar-baidyob dasulid, an atursilisulid, igar-innikigwadbi aimarga an imaked, ome-dikarba an yoledisulid, degine, we-dule-Roma-dummadga-manigaedgi-arbaeddaedyob an dasulid.

Lucas 19:7

Dulemar daksamargu, Jesús, Zaqueo-negse dogsa, bela sunmakedbi-guarmalad, sogdemalad: “Jesús dule-isgudiid-negse dogsaye.”

Lucas 5:17

Ibagwengine, Jesús dulemar-odurdaksigu, Fariseoʼmar, degi, Judío-igar-nue-wisimalad bukwagusmogad. Amar bela Galilea-yargi, degi, Judea-yargi, degi, neggweburmar-bubukwadgi danimalad. Degine, Jerusalén-neggweburgi danimarbalid. Agi Bab-Dummad-gangued dulemar-gegumalad-nudakega Jesúsʼba gudigusad.

Lucas 5:21

Garda-Narmaked-Dulemar, degi, Fariseoʼmar, na e-gwagegi binsadmalad, sogdemalad: “¿Wede doa-dule, Bab-Dummadgi dodogu? ¿Unnila Bab-Dummadbi dulega isgued elisursi?”

Lucas 7:34

”Ani Dule-Machi, andi nonigu, mas gunnonikid, gobnonikid, an-annik be sogmalad: ‘We-dule, gadi-masgunned-duleye, gadi-vino-gobed-duleye. Roma-dummadga-mani-gaedgi-arbamalad-e-aiye, degi, dulemar-galagwensuli-isgudimalad-e-aiye, be an-annik sogmalad.’ ”

Lucas 7:39

Fariseo-Jesúsʼnik-gochadi degi-daksagua, na e-gwagegi binsasigualid: “Ar Jesús, Bab-Dummad-gayaburba-barsogeddina, wisindo, we-ome, doa-dule, degine, we-ome-e-ebunaidi, igidaedbali. Ar we-ome isgudiid-duled.”

Gusmalad 23:9

Degisoggu, bela oimakedigibimalad. Abala Garda-Narmaked-Dulemar, Fariseoʼmarmogad. Amar sogdemalad: “We-dule, gwen ibmar-isgana-imakdii an daksulid. Ar burba-nued ega ibmar sogsale, baliwitur ega sunmaksadibe, nue salakarmalo, abakalegi Bab-Dummadgi an yoledamalale.”