Lucas 5:21 - Kuna San Blas

²¹ Garda-Narmaked-Dulemar, degi, Fariseoʼmar, na e-gwagegi binsadmalad, sogdemalad: “¿Wede doa-dule, Bab-Dummadgi dodogu? ¿Unnila Bab-Dummadbi dulega isgued elisursi?”

Bab dummad Jesucristoba igar mesisad garda

²¹ Degi escribamar, degi, Fariseomar, na e-gwagegi binsadmalad, sogdemalad: “¿Wede doa-dule, emide Bab Dummadgi dodogu? ¿Unnila Bab Dummadbi sunna dulega iskued elisursi?”

Lucas 5:21 Iomraidhean Croise

Salmo 103:3

Bab-Jehová, bela an-isgusad isgussuliyob daked. Bela bonigangi an-nudaked,

Salmo 130:4

Ar bedi isgussuliyob dule-daknonidaed, degisoggu, dobekwaa be-asabinni nanamalargebed.

Salmo 32:5

Geb degi, an-isgued na bega barsognonikid, gwen an begi an-isgued odukussulid. Weyob an sogsad: “Emi, Bab-Jehováʼga an-isgued an barsogoye.” Agine, an-galagwensuli-gudigusad be elinonikid, an-isgudi-gudigusad be anga osulononikid.

Salmo 35:5

Amala, oros-e-uka burwa-abin-mileddaedyob gumarsun, Bab-Jehová-e-baliwitur amar-baleginne.

Isaías 1:18

Bab-Jehová soged: “Be dagmar, anmar igar nudakmargwelo. Bemar-isgued, ginnitibiyob-gue-inigwele, boo-sibudikidyob-dakle naoed. Bemar-isgued, mor-ginnidyob-gue-inigwele, sibad-wawaad-e-absar-dagudikid-daklegedyob naoed.

Isaías 43:25

”Degi-inigwele, ani, an nue-be-sabsoggu, a-ulale, an bega isgued elied. An be-isguedgi bar binsaosulid.

Isaías 44:22

Burwa-sibugana-yogguddaedyobi, an bega be-ibmar-isgana-imaked, osulosad. Degi, boo-aisakiddaedyobi, an bega be-isgued osulosad. Gannar be anse dage, ani an be-nudaksad.”

Daniel 9:19

” ’¡Bab-Dummadye, be anmar itoge! ¡Bab-Dummad, be anmarga isgued elie! ¡Bab-Dummad, be nue-anmar-itoge, be anmar-bendake! An-Bab-Dummadye, be-nug-dummarba-gued-ulale, be-neggwebur-ulale, degi, be-dulamar-be-nug-odummodimalad-ulale, be gwae anmar-bendakdage.’ ”

Daniel 9:9

Ar anmar beba uayasuli-gusmala-inigwele, bedi, anmar-Bab-Dummad-Jehová, amba dule-wile dakmaid, degi, dulega isgued elibalid.

Levítico 24:16

Ar doa-dule e-gwenad-ukabsanaidgi Bab-Jehová-nug bisale, we-dule oburgwilegoed. Bela Israel-dulemar akwagi we-dule-makoed. Ar Israel-duledibe, Israel-dulesurdibe, Bab-Jehováʼgi-galagwensuli-sunmaksale, we-dule oburgwilegoed.’ ”

Miqueas 7:19

Gannar wile be anmar-dake. Anmar-isgued be osuloge, anmar-isguedgi mer bar be binsae.

Mateo 26:65

Geb degi, dule-irwa-Babse-gormalad-bur-dummad e-mor na siir irmaksad, oyogegar, Jesús-degisogsad ede sae-itoye. Degine, geb dummaganga sogded: —¡Bab-Dummad-nuggi we, dodos! ¿Ar ibiga e-barsogmalad anmar bar abesunna? Ar bemar-sunnad, emiskwaa be itosmalad, we-Jesús Bab-Dummad-nuggi dodosad.

Mateo 9:3

Degi, Garda-Narmaked-Dulemar gwenna-gwenna ulubgi sogdemalad: “We-dule, Bab-Dummad-nuggi nue dodonaid.”

Lucas 3:8

Degisoggu, be-daedgine na be oyomar, bemar nue-gwagsamalad, be-isguedga na be bukib binsasmalad. ”Mer unnila na be sogmalo: ‘Anmar Abraham-wagan gumarye. A-ulale, Bab-Dummad anmargi nabir binsaergebye.’ Suli, degisuli. Ar be Abraham-wagwasulile, akarsulid, ar Bab-Dummad sunna we-akwamar Abraham-waganga imaked.

Lucas 5:17

Ibagwengine, Jesús dulemar-odurdaksigu, Fariseoʼmar, degi, Judío-igar-nue-wisimalad bukwagusmogad. Amar bela Galilea-yargi, degi, Judea-yargi, degi, neggweburmar-bubukwadgi danimalad. Degine, Jerusalén-neggweburgi danimarbalid. Agi Bab-Dummad-gangued dulemar-gegumalad-nudakega Jesúsʼba gudigusad.

Lucas 5:22

Ar Jesús ulubgi-dulemar-binsaedi magar-daksad. Degisoggu, amarga sogded: —¿Ibiga ulubgi be deyob binsabukmala? ¿Geg isgued osulo be an-insasi?

Lucas 7:49

Dulemar-mesegi-eba-mas-gunbukmalad, na ulubgi binsadmalad, sogdemalad: —¿Ar wede doa-dulesunna, isguedse-bakar, elied?

Juan 10:33

Judíoʼmar, abin-imakdemargu, sogdemalad: —Be-ibmar-nued-imakdiid-ular, anmar akwagi be-makbisurmalad. Be Bab-Dummad-nuggi-dododiid-ular, anmar akwagi be-makbied. Ar be we-napnegginedid, emide, Bab-Dummadga na be imaked.

Romanos 8:33

Degite, ¿doa Bab-Dummad-na-dulemar-susmaladnik sogosunna, isgudiiye? Suli, dule sogosulid. Ar Bab-Dummad, isgussuliyob dulemar-imaked.