Lucas 4:7 - Kuna San Blas

⁷ Degisoggu, be an-asabin Bab-Dummadyob an-nug-odummogega yokorgi sindigar sigele, we-neggweburmar bela begadga guoed.

Bab dummad Jesucristoba igar mesisad garda

⁷ Be yokorgi sindigar, igi Bab Dummadse gorlege, e-nug odummogegar, deyob be anse golele, we-neggweburgan bela begadga guoed.

Lucas 4:7 Iomraidhean Croise

Salmo 72:11

Bela reymar yokorgi-sindigale, e-asabin dulluu imakmaloed. Dulemar-yar-baid-baidgi-bukmaladi, bela ega-arbamaloed.

Isaías 45:14

Weyob Bab-Jehová soged: “Egipto-e-ibmar-nuegan, degi, Etiopía-e-ibmar-nuegan, begadga gumaloed. Sabeo-dule-burwisurmaladi, be-sorba esgoro-dubgi ebipilemai gumaloed. Bemar-asabinni yokorgi-sindigar bukumaloed, ise-wilesakwaa bemarga sogdamaloed: ‘Unnila Bab-Dummad wargwenna-mai, Bab-Dummad-baid suli. We-Bab-Dummadi, bemarba naid.’ ”

Isaías 46:6

Ar dulemar gwenna-gwenna, binsa e-or sagumargi-bukwadi, obelodamalad, e-manidi, nibirgi wilubsadamalad. Geb dule-ibmar-sobed amidamalad, adi, bab-dummadyob-imakleged sobegar. A-bab-dummadyob-imakleged-nug-odummogega, e-asabinni yokorgi-sindigar sigdamalad.

Mateo 2:11

Girmar-dad-nakwe-dorgan, negyaba-dogdemargu, mimmi e-nan-María-walik-gudii dakdapmalad, degi, mimmi-e-nug-odummomalaga yokorgi-sindigar sigidmalad. Degine, girmar-dad-nakwe-dorgan mimmiga ibmar-nuegan-ukmalaga e-ulu egadmalad. Ega we-ibmarmar uksamalad: Olo, ibmar-wawadik-yapanned, degine, sapi-gunnugiid-wawadikmalad-mirraʼye-nugad.

Lucas 17:16

Dule-nugusad yokorgi-sindigar e-wagar-napase-ebulegedse dulluu Jesús-mali-naba signonikid, geb Jesúsʼga sogdebalid: —Dog-nued, be an-nudaksagu. Dakargu, we-dulede, Samariaʼginedid.

Lucas 4:6

Agi nia-saila Jesúsʼga sokalid: —We-neggweburmar-an-bega-oyosadi bela e-ganguedi, degi, e-gandikidba-yeerdaklegedi an bega ukoed. Ar bela we-neggweburmar anga uklesad. Degisoggu, ar doaga an ukbie, an aga ukoed.

Lucas 4:8

Jesús, abin-imakdegu, sogded: —Nia-saila be angi bangu. Ar Bab-Dummad-Gardagi weyob narmakar naid: ‘Bab-Dummad-be-Dummad-e-nug be odummodii nanao. Unnila agarbi be ibmar imako.’ Deuteronomio 6:13

Lucas 8:28

We-dule Jesús-dakargu, binnasur gormakded. Jesús-asabin yokorgi sindigar sigisad, sogded: —Jesús, Bab-Dummad-Bur-Birigined-Machi, ¿ibiga be anse achadaniki? ¡Melle be mesagwar an-imako!

Apocalipsis 22:8

Ani Juan, we-ibmar an-sunnagwad an itosad, an-sunnagwad an daksabalid. Deyob-an-ibmar-itosad-sorbali, deyob-an-daksad-sorbali, baliwitur-anga-ibmar-oyogwichid-nag-asabin, e-nug-odummogega, yokorgi sindigar an sigided.

Apocalipsis 4:10

We-ibdulamar deyob-sogdemalale, girmar-selegan-dulagwen-gakabakegwadi (24), Bab-Dummad-na-e-ologanagi-siid-asabinni yog-yokorgi sindigar sigiddamalad. Degine, e-ologurgin, Bab-Dummad-ologana-asabin urbiddamalad, gandikidgi sogdedamalad:

Apocalipsis 5:8

Sibad-Wawaad-Mimmi garda-susgua, ibdula-walabakegwadi, degi, girmar-selegan-dulagwen-gakabakegwadi (24), bela yokorgi-sindigar Sibad-Wawaad-Mimmi-asabin sigidmalad. Amar bela gar-arpa ganikidbimalad, degine, olo-noga ibmar-wawadik-yapanmalad-ena sedidimalad. We-olo-noga, Jesucristoʼgi-akananaimalad-Babse-goled-e-burbagan gued.