Lucas 4:18 - Kuna San Blas

¹⁸ “Bab-Dummad-e-Burba angi maid. Ar ade, dule-wilemaladga gayaburba-nuegangi-sunmakega, Bab-Dummad an-susad. Bab-Dummad an-barmialid: Dule-gwage-nunmak-itodimaladga gwage-armakegar. Dule-galesbukmaladga binnasur sogegar, bemar ainimarye. Dule-ibyasuli-gudimaladga ibya-egaegar. Dule-mesagwar-gudimalad-ollor-imakegar.

Bab dummad Jesucristoba igar mesisad garda

¹⁸ Bab Dummad Burba Nued anba gudiid, ar an-susad, adi dulemar-wileganaga gaya-burba-nued an sogegar. An barmilesad, dulemar-gwage-nunmak-itodimalad-nudakegar, dulemar-galebukmaladga binnasur sogegar, bemar ainimarye, dulemar-ibya-suli-gudimaladga ibya ukegar; dulemar-baiganse-wiledimalad onogegar,

Lucas 4:18 Iomraidhean Croise

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

2 Crónicas 34:27

Gardagi igi-we-neggwebur-guoed, degi, e-dulamar-guoedgi-sunmaknaid be itosgua, be-gwagegi naibid-dummad be itosad. Be san-bipii an-asabin imaksad, degi, mor na be esirmaksabalid. Degine, be an-asabin ogormaksii be gussoggu, bela an be-itosad. An, Bab-Jehová-guedgi, an be-itosad.

Salmo 102:20

Bab-Jehová, dulemar-oburgwilegega-galesbukwad-onogegala, napneg-naid nue-dakded.

Salmo 147:3

Bab-Dummad, dule-gwage-nunmak-itodimalad nudaked. E-wile-itodiid baisur-itoge imaked.

Salmo 2:2

Reymar-negsemamaid, Bab-Jehováʼgi aibitemalad. Dulemar-nuga-nikamalad, Bab-Jehováʼgi isdar-binsadmalad. Bab-Jehová-na-nug-imaksadgi aibitemarbalid.

Salmo 2:6

Bab-Jehová weyob ega sogded: “Ani an-yar-islidikid-Siónʼye-nugadgi, an-rey an mesisad.”

Salmo 34:18

Bab-Jehová dule-naibi-itodimaladba gudiid, dule-bukib-binsadimalad nue-bendakbalid.

Salmo 45:7

Igar-innikigwad-imaked be yeer-itodaed, ibmar-isganadi, be isdar-daked. A-ulale, Bab-Dummad-be-Bab-Dummadi, be-aimar-baiganba be-susad. Be-Bab-Dummad, ina-wawadikidgi be-wawamaksad, weligwar-ito be-imaksad.

Salmo 51:17

Ar begardi, dule-na-e-isguedga-wile-itogedi, ibmar-uklegedba bur-nued gued. Bab-Dummad, dule-na-e-isguedga-bukib-itogedi, bedi isdar daksulid.

Isaías 32:3

Bela-belad nue-nakuledii gumaloed, nue-bogimakar dulemar-sunmaked-itodii gumaloed.

Isaías 35:5

Geb degine, dulemar-aku-atakmalad magar atakdemaloed, dule-uaya-yallirmalad magar dule-itoge gumaloed.

Isaías 42:7

Adi, be dulemar-aku-atakmaladga ibya egaegar, be dule-esgaryagi-bukmalad onogegar, degi, be dule-esgaryaba-negsichidgi-bukmalad onogegar.

Isaías 45:13

Ani an gandikidba Rey-Ciro-ogwichisad, an ega igarmar nudakoed. Ciro anga an-neggwebur gannar urboed, an-dulamar-gales-bukwad anga onogoed. Ciro, an-dulamar-onogoedi, manigi-baklegar onogosulid. Ani an Bab-Jehová-Bela-Gangued-Nikad deyob soged.”

Isaías 49:9

Adi, dule-galesmaladga weyob be sogegarba: ‘Be ainimarye.’ Degi, dulemar-negsichidgi-bukmaladga weyob be sogegarba: ‘Bemar ollorgusmarye.’ ”Bemar, igarbali, be-ibdurganga gagan-ara-aramalad amimaloed, bela nega-dulesulid-yar-mullugangi gagan-ara-aramalad be amimaloed.

Isaías 50:4

Bab-Jehová binsaed-ibegan-sunmaked-gwabinduku anga uksad, adi, dulemar-geggus-gudimalad-e-gwage gadi-gadi-imakegar. Bab-Dummad bane-bane wakudaryalabali an-odaked, ibmar-itogega an-imaked, adi, dule-ibmar-durdaknaidyobi an ibmar durdakegar.

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Isaías 59:21

”An bemarbo igar mesed, An-Burba bemargi maigu guoed. Be-gwabindukugine, an bega an-gayaburba-nasiksadi, bar begine alliosulid. Degi, be-mimmigangine, be-wagangine, bar an-gayaburba alliosulid, emi-ibadse degisadegu guoed.”

Isaías 61:1

“Bab-Dummad-Jehová-Bur-Birigined-E-Burba angi maid. Ar ade, dule-wilemaladga gayaburba-nuegangi-sunmakega, Bab-Dummad an-susad. Bab-Dummad an-barmialid, dule-gwage-nunmak-itodimaladga gwage-armakegar. An-barmialid, dule-galesbukmalad-onogedgi sunmakega, degi, dule-esgaryagi-galesbukmalad onogegar.

Isaías 66:2

Ani Bab-Jehová soged: Ar belagwable we-ibmarmar ani an obinnisad, deyobi nagunonikid. ”Ani an dule-wilemalad, dule-suli-suli-itodimalad, degi, an-gayaburbaba binsaed-nika-nanadimalad, an yeer-daked.

Ezequiel 9:4

Bab-Jehová ega sogded: “Jerusalén-neggweburgi be bipirmaknae. Geb neggweburgi ibmar-isgana-imakleged-ular, dulemar-bukib-binsadidimalad-e-bebegi, degi, bela wile-itodidimalad-e-bebegi, be wilub nasiknae.”

Daniel 9:24

” ’Be-dulemar, degi, be-neggwebur-islidikid, isgued mer bar imakmalaga, igar-maidgi-gwisgudiid mer bar egi gwisguega, itoged-dulapaa-gakambe (70) nasiklesad. Degi, e-ibmar-isgana-imaksad Bab-Dummad ega eliega, igar-inniki-imakleged degisadegu mesmalaga, itoged-dulapaa-gakambe (70) nasiklesad. Negburgan-daklesad, degi, ibmar-yoedse-guoed-soglesadguega, degi, Bab-Dummadse-Goled-Bur-Neg-Islidikid swilidik-imakmalaga, itoged-dulapaa-gakambe (70) nasiklesad.

Sofonías 3:12

Be-abargi unnila dule-wileganabi, dule-na-san-dummarba-imaksurmaladbi, an obegoed. Wemar unnila Bab-Jehováʼgi bensurgudii gumaloed.

Zacarías 11:11

A-ibagine, igar-maid bela bergunonikid. Dule-sibad-wawaad-manigi-ukmalad an-dakbukmaladi, wisgunonimalad, we, Bab-Jehová-gayaburba guye.

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Mateo 11:5

Dulemar-ibyasurmalad, emisgi mag-atakmalad, dulemar-muya-muya-nanamalad, nabir-nanamalad, dulemar-naibe-buna-yaa-maleged-nikmalad, swilidik gusmalad, dulemar-uaya-yallirmalad, nabir-mag-ito gudmalad, dulemar-burgwismalad, gannar durgudmalad, degine, dulemar-wileganaga, Bab-Dummad-Gayaburba-Nuedgi ega sunmakleded.

Mateo 12:18

“We an-mai, anga arbaega an susad. An nue na sabed, an egi nue-weligwar itoged. An-Burba an ega ukoed, ar dulemar-yar-baid-baidgi-bukmaladga igar-naboged-igargi sunmakoed.

Mateo 12:20

Ar gammu-maraled gwen bisgosulid, degine, gwallu-gwillo-binna-gamaid, gwen oginnosulid, igar-napiragwad imakedsegad.

Mateo 4:16

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.” Isaías 9:1-2

Mateo 5:3

“Dulemar bela-belad Bab-Dummad-abedidimaladi, amargi nued binsalesad. Ar ade, Bab-Dummad-e-negdakmaid amargadid.

Lucas 4:17

Ar ade, Jesúsʼga Bab-Dummad-gayaburba-barsoged-Isaías-narmaksad uksamalad. Jesús a-garda-egasgu, weyob-narmakar-naid absoded:

Lucas 6:20

Jesús e-sapingan-dakdegu, sogded: “Bemar-wilemalad, bemargi nued binsalesad, ar Bab-Dummad-e-negdakmaid, bemargadid.

Lucas 7:22

Geb degi, Jesús, Juan-sapingan-abin-imakdegu, sogded: —Be namar, Juanʼga be ibmar-itosmalad sognamar, degi, ega be ibmar-daksamalad sognamar: Dulemar-ibyasurmalad mag-atak an imaksad, dule-muya-muya-nanamalad nued-nanae an imaksad, dulemar-naibe-buna-yaa-maleged-nikmalad swilidik an imaksad, dulemar-uaya-yallirmalad nabir-mag-ito an imaksad, dulemar-burgwismalad gannar-durguega an imaksad, degine, dulemar-wileganaga Bab-Dummad-Gayaburba-Nuedgi an ega sunmaknonikid.

Juan 1:41

Andrésʼde, e-ia-Simón-inse aminaded. Simón-amisgu, ega sogded: —Anmar Mesías-amisad. (Mesías sogleged, Cristoʼye).

Juan 12:46

Ani, we-napnegse gwallu-meegwadga, an nonikid. Adi, bela-angi-bensurmalad, mer bar negsichidgi-gudii gumalagar.

Juan 3:34

Ar Bab-Dummad we-dule-barmiarsoggu, a-ulale, we-dule-nibneggi-danikidi, Bab-Dummad-e-gayaburba sunmaked. Ar Bab-Dummad E-Burba ise-obinagwar uked, ise-wilubsaar uksulid.

Gusmalad 10:38

Deginbali, bemardi nue wismarbalid, igi Bab-Dummad Jesús-Nazaretʼginedga E-Burba-Isligwaled uksa, degine, e-gangued ega uksabali. Degine, igi Jesús ibmar-nueganbi imakdii gusbali, degi, igi dulemar-niaburbase-wiledimalad nudakdii gusbali. Ar Jesús weyob gudigusad, ar ade, Bab-Dummad eba gudiguad.

Gusmalad 26:18

Adi, amarga be ibya egaegar, mer negsichidgi bar garmakdii gumalagar, nabir bur gwallu-meegwadgi gudigumalagar, mer nia-saila-Satanás-ganguedba bar-nanamalagar, nabir Bab-Dummad-igarba nanamalagar. Amarse an be-barmid, angi mer bar bengumalagar. Geb degiir, e-isgudiid Bab-Dummad ega elioed, degi, nabir nibneggi angi-akasmaladba ibmar-nued nikumarmogoed.’ ”

Gusmalad 4:26

Reymar-negsemamaid, Bab-Dummadgi aibitemalad. Dulemar-nuga-nikamalad, Bab-Dummadgi isdar-binsadmalad. Bab-Dummad-na-nug-imaksadgi aibitemarbalid.’ Salmo 2:1-2

Gusmalad 4:27

”Ar ade, nue-napiragwad, Herodes, Poncio-Pilato, degine, Judíoʼsurmalad, degi, Israel-dulemarmala, we-neggweburgi igar-itogega ambikusmalad. Be-Machi-gwage-isligwaled-Jesús-oburgwega igar-amibukwa gusmalad. A-Jesús, Cristoʼga-guega be susagusad.

Colosenses 1:13

Bab-Dummad nia-saila-anmar-ganikidgi anmar-onononikid. Geb E-Machi-sabed-negdakmaidse anmar-odosad.

Santiago 2:5

Gwenadgan-sabesailamalad, nue an-itomar: Ar Bab-Dummad we-napneggi dule-wilegana susad, adi, Bab-Jesúsʼgi-bensuligued bur bule nikumalaga, degi, Bab-Dummad na e-sabmaladga na-e-negdakmaid-ukoye-sogsadi ega ukegarba.

1 Pedro 2:9

Ar bemardi, dula-sulegaled gumalad. Bemar Bab-Dummad-e-negdakmaidgi, dule-irwa-Bab-Dummadse-gormaladga gumalad. Bemar dulamar-swilidikid gumalad. Degine, bemar Bab-Dummad-e-dulamar gumalad. Bab-Dummad deyob be-susmalad, adi, Bab-Dummad-ibmar-nued-imakedgi be dulemar-baiganga sunmakmalagar, sogmalagar, igi bemar negsichidgi-gudigu, Bab-Dummad be-onosmala, e-neg-meegwad-nuedse be-searmala.