Lucas 3:13 - Kuna San Blas

¹³ Juan amarga sogded: —Melle dulemargi wilub-obichaa be mani gamalo, ar unnila bemarga igar-uklesadba be mani gamaloed.

Bab dummad Jesucristoba igar mesisad garda

¹³ Juan amarga sogded: —Bemar melle dulemargi wilub-obichaa mani gamalo, ar unnila bemarga igar-uklesadba be mani gamaloed.

Lucas 3:13 Iomraidhean Croise

Salmo 18:23

Bab-Jehováʼga sogedba an gudiid, ibmar-isgana-imaklegedgi an na san-bargas gudiid.

Proverbios 28:13

Dule, e-isgued gwageginbi sediile, nued-gudii guosulid. Dule, e-isgued na barsogerdi, egi banguerdi, Bab-Dummad wiledakoed.

Miqueas 6:8

Ar Bab-Jehová bato bega sogsad ibu ibmar-nuedi. Bab-Jehová be-daed-abemaidi, bato bega sogsad: Igar-napiragwad-imaked be-abemaid, dule-wiledaked be-abemaid, e-asabin gwage-eikwadaed be-abemaid.

Mateo 7:12

”Degisoggu, dulemar igi bega ibmar-imakbi be abege, deyob ega be imakmodo. Ar weyob Moisés Igar-Mesisad, degi, weyob Bab-Dummad-gayaburba-barsogmalad sogsamogad.”

Lucas 19:8

Geb degi, Zaqueo gwisgusgu, Jesúsʼga sogded: —Dummad, emide, wegi an-ibmar an-na-nikadi, negabar dule-wileganaga an ukoed. Ar dule-gwensak-ibe an ibmar-atursasale, an ega ilabake bur-melu ukoed.

Lucas 3:12

Roma-dummadga-mani-gaedgi-arbamaladi, Bab-Dummad-diigi-ogleged-igar-imakega Juanʼse nonimarmogad. Amar ega sogdemarmogad: —Odurdaked-saila, ¿anmardi ibi imakmarmogoe?

Lucas 3:14

Degine, suar-ibmala ese egichiarmarmogad: —Anmardi ¿ibi imakmarmogoe? Juan, abin-sogded: —Mer emar-annik gannadba mani suo, degine, mer binsa aimar-ogakansao. Ar bemar na be-bennuklegedgi, gusbin be itomalo.

1 Corintios 6:10

Atursamalad, dogdar-maniginbi-binsamalad, mumguerbamalad, gadi-dulemar-ukabsamalad, dule-yardakar mani-atursamalad. Dulemar wegidamalad, Bab-Dummad-e-negdakmaidse gwen dogosurmalad.

Efesios 4:28

Ar dule ibmar-atursaerbale, mer bar ibmar-atursao. Emigindi, arbao, adi, e-arbaedgi, dulemar-baigan-ibmar-abedimaladga sunna ibmar-ukmogoed.

Hebreos 12:1

Degisoggu, Bab-Dummadgi-bengussurmalad bukidar-anmar-ebilis anmar-dakbukmarsoggu, ibmar-isgana-bela-anmar-ganikidi mimarsun, isgued-anmar-ganikid indakmarsun. Anmar-abarmakoedgine nue-ise-itoagwar abarmakmalo.