Lucas 24:44 - Kuna San Blas

⁴⁴ Jesús amarga sogded: —Amba an bemar-abargi gudigu, bemarga bato weyob an sogsad: ‘Moisés-Igargi-Angi-Narmakar-Maidi, bela angi guergebye. Degi, Bab-gayaburba-barsogmalad-angi-narmaksamaladba, degine, Salmosʼgi angi-narmakar-maidba bela angi guergebye an bemarga sogsamalad.’

Bab dummad Jesucristoba igar mesisad garda

⁴⁴ Jesús amarga sogded: —Ar bela-angi-gusad we-ibmarmargi an bemarga bato sunmaksamalad, deun amba an bemar-abargi gudigu. Ar bela angi narmakar-naidba guer-gebed, igi Moisés-igargi, degi, Bab-Dummad-gaya-burba-berbemalad-narmaksamalad, degi, Salmosgi narmakar-naidba bela angi deyob guer-gebed.

Lucas 24:44 Iomraidhean Croise

Génesis 14:18

Geb degine, Salem-e-rey-Melquisedec, madu, degi, vino Abramʼga senonikid. We-Melquisedecʼde dule-irwa-Bab-Dummad-Bur-Biriginedse-goledid.

Génesis 22:18

Deginbali, ar an bega-ibmar-sogsadyob be imaksasoggu, bela dula-we-napneggi-bukwamalad be-waganba an egi ise-nued binsamogoed.’

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Salmo 118:22

Akwa dule-neg-sobmaladse-oballesadi, neg-sobleged-e-akwasailaga gunonikid.

Isaías 28:16

A-ulale, Bab-Jehová-Bela-Gangued-Nika-Maid weyob soged: “¡Be dakmala! Ani an Sión-yalagi akwa-bur-nued-sulealed negsailaga mesisad. Akwa neg-gaega, akwa-nued an ebusad, adi, neg gandik sii guegar. Ar dule agi bensulile, suli-suli itogosulid.

Isaías 52:13

Bab-Jehová soged: “An-mai emargi nakoed. E-nug odummolegoed, dule-dummadga guoed, degi, ologanagi sigoed.

Isaías 7:14

A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.

Isaías 9:6

Ar susugwa-gwensak anmarga gwalulesad, mimmi-gwensak anmarga uklesad. A-machi gandikidba negseoed, weyob nugguoed: Binsaed-Daked-Wilub-Obichadye, Bab-Dummad-Bela-Gangued-Nikadye, Bab-Degisadeguadye, Neg-Bogidikid-E-Dummadye, nugguoed.

Jeremías 23:5

Bab-Jehová weyob soged: “An Rey-David-e-wagwa-gwensak-barmidaged-ibagan danikid. Igar-innikigwad-imaked an ogwisgunonikoed. A-dule, binsaed-nikaa negsemai guoed. Igar-innikigwadba, degi, igar-napiragwadba ibmar-imakdii guoed.

Jeremías 33:14

”Ani an Bab-Jehová soged: Ibagan nonikoed, Israel-dulemarga an ibmar-sogsadi, degi, Judá-dulemarga an ibmar-sogsadi, an ega sogedba imakoed.

Ezequiel 17:22

”Bab-Jehová-Bela-Gangued-Nikadi weyob soged: ‘Urwar-duku-bur-matusulidgi an urwar-e-dutugwad sikoed, e-anagan-bur-matusulidgi an e-dutugwad wannoed, geb yar-matusulidgi an digoed.

Ezequiel 34:23

Geb degine, sibad-wawaad-edarbed-wargwen an ega barmidagoed, an-mai-David, adi, wemar-akoed, degi, ebi walagwen sibad-edarbedga guoed.

Daniel 2:44

”We-reymar-ibagangine, Bab-Dummad-Nibneggi-Maid, na rey-wargwen-degisadegu-reyga-megoed barmidagoed. We-reygi, dule-baid bipisaar obinosulid. Ar we-rey bur yar-bamalad-obelogoed. We-rey, degisadegu reyga megoed.

Daniel 7:13

”Mutikidba an we-negburgan dakmaidgine, dule-wargwen mogir-imbaba aidedaniki an dakalid. We-dule, Dule-Selebagwad-siidse nade gusad, geb ese walikaa warmakega imaksamalad.

Oseas 3:5

Geb sorbali, Israel-dulemar gannar na e-Bab-Dummad-Jehová amidmaloed, degi, e-rey-David amidmaloed. Ibagan-bergued-mosale, Bab-Jehová-dobekwaa gunonimaloed, degi, Bab-Dummad-e-nued-binsaed-egisnai gunonimaloed.

Amós 9:11

Bab-Jehová sogdebalid: “A-ibagi, David-meged-neg-ayarisadi, an soboed. Neg-yaa-ollogan-ambikusadi, an edioed, degi, e-neg-bibichismalad iduar-sobaledyob, gannar an sobbaloed.

Zacarías 12:10

Rey-David-neguyagi, degi, Jerusalén-dulemargi burba-nued-binsaed, degi, burba-Bab-Dummadse-goled an odegoed, geb ansik atakdemaloed. Ar igi-dule e-machi-wargwenna-nikad-e-ibe-burgwisadba wile-itonadae, deyobi, Jerusalén-dulemar dule-sabsur-naibigusadga wile-itonanai gumaloed. Ar igi-dule e-machi-sailagined-burgwisadba bonaidae, deyobi, bela-bela bonanai gumaloed.

Zacarías 13:7

“Es-suid, be an-sibad-wawaad-edarbed onailiksae. An dulegi-bensurgudiidgi be yoledage. Ani Bab-Jehová-Bela-Gangued-Nikad weyob soged. Sibad-wawaad-edarbed be oburgwe. Deyobi, sibad-wawaadmar duurmakdemaloed, geb an e-burwigana obelogoed.

Zacarías 14:4

”A-ibagine, Bab-Jehová Olivo-Yar-birgi gwisgunonikoed. We-yar Jerusalén-neggwebur-dad-nakwedsik siid. Olivo-yar dad-nakwedsiki dad-argwanedse sogabo maridoed. A-abargine, neba-dummad nagunonikoed. Yar-marisad-gwensak, dad-nakwed-argan-sapiledsik signonikoed, yar-baid-marisaddina, dad-nakwed-argan-nuedsik signonimogoed.

Zacarías 6:12

Ani, Bab-Jehová-Bela-Gangued-Nikad-gued. Geb Josuéʼga an-nuggi, weyob be sogoed: ‘Wegi-dule-gwichidi, Sapi-Siklesad-Gannar-Ainieyobidye nugadid. Ar na e-sailagi gannar ainidagoed, Bab-Jehováʼse-goled-neg gannar sobnonikoed.

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Números 21:8

Degine, Bab-Jehová Moisés-abin sogded: “Naibe be sobe. A-naibe suar-dukugi be nasiko. Ar doa-dule naibegi warmaksale, we-naibe-suargi-naidse-atakdele, durguoed, gwen burgosulid.”

Números 35:25

Israel-dulemar dule-gindaksad dule-buged-mai-imakbiedgi bendakoed. Dule-gindaksad na bia dukued-neggweburse-dukuapidse gannar naoed. We-dule-gwensak-dule-gindaksad, dule-irwa-Bab-Dummadse-goled-bur-dummadga-maid-burgwedse, na e-neggweburse dagoed. We-dule-irwa-Bab-Dummadse-goledi Bab-Dummadga-arbaega olivo-gwallu egi eolesad.

Mateo 1:22

Weyob bela ibmar-gusadi, deyob gusad, adi, Bab-Dummad na e-gayaburba-barsogedba ibmar-sogsadba guegar, deun sogsagusgu:

Mateo 16:21

A-iba-akale, Jesús, e-sapinganga e-burgoedgine sunmakded. Ede Jerusalénʼse naergebye, Judíoʼmar-girmar-dummaganse nue-odurdaklegoye, dule-irwa-Bab-Dummadse-gormalad-e-dummaganse nue-wilegoye, degine, Garda-Narmaked-Dulemarse wilebaloye. Ede amarse oburgwilegoye, geb degi, ede ibapaagi gannar durguoye.

Mateo 26:54

Ar deyob gusale, degite, ¿igi Bab-Dummad-Gardagi narmakar-naidba bar gusarsunna? Ar a-Gardagi sognaid, an burgwergebye.

Mateo 26:56

Ar emigindi, igar-maidbali, Bab-Dummad-gayaburba-barsogmalad-narmaksadba-guegala, deyob gunonikid. Degi, Jesús-sapingan Jesús-wargwen-mete, e-idu bela duurmakdemarsunnad.

Marcos 9:31

Ade, e-sapingan-odurdakdiid, ega sogdiid: “Ani, an Dule-Machi, dulemarga uklegoed, degi, dulemar an-oburgwemaloed. Geb an burgwisad-sorbali, ibapaagi an gannar durguoed.”

Lucas 21:22

”Ar a-ibagangine, Bab-Dummadi dulemar-e-sogedba-nanadisurmalad sabsur-odurdakoed. Ar igi Bab-Dummad-Gardagi-narmakar-nai, deyobi guoed.

Lucas 22:37

An bemarga sogmalad, ar angi Bab-Dummad-Gardagi-narmakar-naid-sogedba guergebed. Weyob sognaid: ‘Dulemar-isgumaladyob imaklesmogad.’ Isaías 53:12 ”Ar deyob angi-narmakar-naidyob guergebed.”

Lucas 24:46

Jesús amarga sogded: “Weyob-narmakar-naid: ‘Cristo wilegergebye, ibapaagi gannar durguoye.

Lucas 9:22

Degi, Jesús sogdebar: —Ani Dule-Machi, nue-wilegergebed. Judíoʼmar-girmar-dummagan, dule-irwa-Bab-Dummadse-gormalad-e-dummagan, degine, Garda-Narmaked-Dulemar, amar gwen an-abingaosurmalad, an-oburgwemaloed. Geb degine, ibapaagi gannar an durgubaloed.

Lucas 9:44

“We an-ibmar-sogoedi nue be itomalo, mer be iemalo. Ani Dule-Machi, an-oburgwemalaga dulemarse uklegoed.”

Juan 3:14

”Ar igi Moisés nega-dulesulidganba naibe-onakwisgusa, debayobi, ani Dule-Machi, nakrusgi niba onailemogargebed.

Juan 5:39

Bab-Dummad-garda-narmakar-maid nue be baramimar, ar agi burba-geg-bergued baramilesiye, be sogmalad. Ar a-gardagi angi sunmaknaid, an doa-dule gue.

Juan 5:46

Ar Moisés-ibmar-sogsad be bensurmalana, be an-bensurmarmogando. Ar Moisés angi ibmar narmaksad.

Gusmalad 13:33

Ar anmar e-wagan-gusoggu, Bab-Dummad anmarga we-Jesús-burgwar-maid odulononikid, igi bato Salmo-sogbogwadgi narmakar nai. Agi sognaid: ‘Be an-machi gued, emi-ibagi, an be-babga gunonikid.’ Salmo 2:7

Gusmalad 13:40

¡Nue-salakarmar! Abakalegi Bab-Dummad-gayaburba-barsogmalad-narmaksad bemar-annik we sogele, deun, weyob sogsagusgu:

Gusmalad 2:27

Gwen be an-san-burba neg-uangi oyogsaosulid. Ar be-mai-gwage-swilidikid-e-mui gwen neg-uangi onunsaega be imakosulid

Gusmalad 3:18

We deyob-gusadi, ar Bab-Dummad bato idu anmarga e-gayaburba-barsogmaladba sogsagusad, an-Machi-Cristo nue-wilegoye. Agala, deyob gusad.

Gusmalad 7:37

”Amba we-Moisésʼsunnad Israel-dulemarga sogsagusad: ‘Bab-Dummad e-gayaburba-barsoged-anyobid be-gwenadgan-abargi gwensak bemarga barmidagoed. A-dule, nue be itomalo.’ Deuteronomio 18:15

Hebreos 10:1

Ar Moisés-Igar-Mesisad ibmar-nuegan-danikoed-sunnadsulid, unnila ibmar-nuegan-danikoed-e-burbagan gued. A-ulale, dule-Bab-Dummadse-warmakmalad ibmar-dula birga-irba-uklegedgi geg inniki-nanaega imaked.

Hebreos 3:5

Moisés, Bab-Dummad-e-mai, yoedse Bab-Dummad-ibmar-sogoed-e-wilubganga-guega gwen galakussuli Bab-Dummad-neg-yagi arbadii gusad.

Hebreos 7:1

Ar we-Melquisedec, neggwebur-Salemʼye-nugad-e-reyd, dule-irwa-Bab-Dummad-Bur-Biriginedse-goledid. Abraham reymar-baid-ebo ulusadgi-nakwisdanigua, we-Melquisedec Abraham-abin noargusad. Geb agi Melquisedec ega sogsagusad: “Bab-Dummad begi nued-binsasun.”

Hebreos 9:8

Wegine, Bab-Dummad-Burba-Isligwaled anmarga oyonaisundo, Bab-Dummadse-goled-neg-idualed amba-siile, Neg-Ise-Islidikid-naidse dulemar-dogegala amba igar maisulid.

1 Pedro 1:11

Jesucristo-daged-iduale, Bab-Dummad-gayaburba-barsogmaladga Cristo-Burba-Isligwaled-egi-naid, ega iduar sognai-gusad, wede igi Cristo naibi-itogoe, degine, a-sorbali, igi Cristo-nug odummolebaloe. Degidbali, wemar baramidii gusmalad, wede doa-dule, degine, sana wede deyob gubaloe.

Apocalipsis 19:10

An Baliwitur-asabin e-nug-odummogega, yokorgi-sindigar an sigided. A-baliwitur anga sogded: “Mer be deyob imak. Mer yokorgi an-asabin sindigar be sige. Ar an, be-sunnaamogad, gwenadgan-Jesúsʼba-nanaimalad-gwen-galakussurmaladyob an Jesús-e-maimogad. Unnila, Bab-Dummad-e-nugbi be odummoge.” Ar Jesús-gayaburba-odurdaksadi, Bab-Dummad-gayaburba-barsogmalad gatik-dulemarga-sunmakega imaked.