Lucas 23:4 - Kuna San Blas

⁴ Degine, Pilato, dule-irwa-Bab-Dummadse-gormalad-e-dummaganga, degi, dulemar-bukmaladga sogded: —An dakgua, we-dule gwen ibmar-oakalossur an daked.

Bab dummad Jesucristoba igar mesisad garda

⁴ Degine, Pilato sogded, dule-irwa-Bab-Dummadse-gormalad-e-dummaganga, degi, dulemar-bukmaladga: —An dakgua, we-dule ibmar-gwen-oakalossur an daked.

Lucas 23:4 Iomraidhean Croise

Mateo 27:19

Pilato igar-naboged-gangi-sigu, e-ome ese gaya barmialid: “We-dule, dule-nuedid, dule-isgudisulidid. Mer egi be yolemogo. Emi an ichakwa-gabdakmai oibosad, an egi gabdaksadgi nue-nunmak an itodiid.”

Marcos 15:14

Pilato, dulemar-abin-sogded: —¿Ibigala? ¿Ar we-dulede ibu-ibmar-isgana imaksasunna? Ar dulemar bur bule oimakdemalad, sogdemalad: —¡Nakrusgi bioke!

Lucas 23:22

Geb Pilato gannar ilapaagi dulemarga sogdebalid: —Ar degite, we-dulede, ¿ibu-ibmar-isgana-imaksa be dakmarsunna? Ar gwen ibmar-isgana imaksasur an daked. Degisoggu, oburgwilegewilubsulid. Unnila an nue-sabsur-odurdakoed. A-sorba, an we-dule onogoed.

Juan 18:38

Geb Pilato ega sogded: —¿Ar ibu igar-napiragwadsunna? Ar deyob Pilato Jesúsʼga sogsagu, gannar magaba Judíoʼmarse noalid, amarga sognonikid: —Ar we-dule gwen-ibmar-oakalos an daksulid.

Gusmalad 25:25

Ar andi an dakedi, gwen ibmar-oakalossur an daked. Degisoggu, an binsa oburgwedago-itole. Ar na e-dukin Roma-Dummad-Augusto-César ega igar-itoye egichisad. Degisoggu, an ase barmidedgi binsasundo.

Gusmalad 3:13

”Anmar-dadgan-Abraham, Isaac, Jacob, amar-e-Bab-Dummadi, na E-Machi-Jesús-nug odummosad. Ar bemar a-Jesús-oburgwega, Roma-dummad-Pilatoʼga uksa gusmalad. Ar Pilato Jesús-onobigusanad, bemardi gwen onogega imaksasurmalad.

Hebreos 7:26

Ar dule-irwa-Bab-Dummadse-goled-bur-dummad-weyobid anmar nika abeleged: Dule-gwage-swilidikid, neg-oakalossulid, gwagegi-gutu-naisulid, dule-isgumaladgi-aibacha-gudiid, degi, nibnegba-bur-bule-dule-dummadga-maklesbalid.

1 Pedro 1:19

Be-onolesadi, Bab-Dummad Cristo-abe-sunsoged-nakrusgi-aryosadgi bemar-onosad. We-Cristo, sibad-wawaad-gutu-gwen-nikasulidyob, degine, swilidik-gwen-boni-nikasulidyob, anmar-anar Bab-Dummadga uklesad.

1 Pedro 2:22

Ar Bab-Dummad-Gardagi we-Cristoʼgi sognaid: “We-dule gwen isgussulid, degi, dulemarga gwen gakan-imaksasurbalid.” Isaías 53:9

1 Pedro 3:18

Ar Cristo unnila irgwennaa anmar-isgued-anar burgwisad. Cristo-dule-gwage-swilidikid, dulemar-isgana-anar burgwisad, adi, Bab-Dummadse dulemar-nidegar. Napiragwad. Cristo sanar burgwisad. Bab-Burba gannar-dulagudiguega Cristo-imaknonikid.