Lucas 2:41 - Kuna San Blas

⁴¹ Birga-irba Jesús-e-babgan, Oburgwilegoenad-Iba-daknaega Jerusalénʼse naddamalad.

Bab dummad Jesucristoba igar mesisad garda

⁴¹ Birga-irba Jesús-e-babgan Jerusalénse nad-damalad, Bab-Dummad-Israel-Dulemar-Egiptogi-Wilebukwa-Onosad-Ibagi.

Lucas 2:41 Iomraidhean Croise

Éxodo 12:11

Bemar weyob sibad-wawaad gunmaloed: Bato mor-yoi, sapat-yoi, degi, gaapoled be-argangi-gani, bemar we-ibmar gwae-gwae gunmaloed, ar ade, Oburgwilegoenad-Iba an-nuggi onolegoed. We sogleged, bemar Egipto-yargi-wilebukwa Bab-Jehová bemar-ollor-imaksaye.

Éxodo 12:14

” ’We-iba bemar insaewilubmalad. Bemar we-iba, iba-dummad Bab-Jehováʼga onogewilubmalad. Bemar igar mesoed, adi, be-waganmar, we-iba igar-maidba degisadegu onodii gumalagar.

Éxodo 34:23

”Birgagi ilapaa bela-machergan, an-asabin nonimaloed. Ani an, Dummad, Bab-Jehová, Israel-e-Bab-Dummad soged.

Levítico 23:5

” ’Gebe-nii-onodoed-ibambe-gakabakegi (14), a-sedogidba, bemar Bab-Jehová-nug-odummogega Egipto-yargi bemar Oburgwilegoenad-Iba onomaloed.’ ”

Números 28:16

Bab-Jehová Moisésʼga sogdebalid: “Israel-dulemarga be sogo: ‘Gebe-nii-onoded-ibambe-gakabakegi Bab-Jehováʼga Oburgwilegoenad-Iba nagudoye.

Lucas 2:42

Jesús birgambe-gakabo-nikadgi (12), e-babganba Jerusalénʼse nadmogad.

Juan 11:55

Deun, Judíoʼmar-Oburgwilegoenad-Iba-onoleged bato omosad. Degisoggu, bukidar neggwebur-baid-baidginmalad san-swilidik-imakmalaga Jerusalénʼse iduakwasaar nonimalad.

Juan 13:1

Jesús Oburgwilegoenad-Iba bane-nagudoed-iduar, Jerusalénʼgi gudiid. Jesús na wisid, we-napneggi-gudiid e-Babse-gannar-naed-ibagan ega warmaksad. Ar Jesús we-napneggi-e-sapingan-bukwad nue-sabsoggu, nue bela-bela-sabgudii, e-burgwedse gussunnad.

Juan 2:13

Deunni, Judíoʼmar-iba, Oburgwilegoenad-Iba-warmakdanikidgi, Jesús Jerusalén-neggweburse nadegusad.

Juan 6:4

Deun Judíoʼmar-iba, Oburgwilegoenad-Iba bato omosad.

Deuteronomio 12:11

An bemarga bela-ibmar-sogsad, be-Bab-Dummad-Jehová e-nug-nasikega-neg-sunonikoedgi be uknonimaloed: Bab-Dummadga-ibmar-ogumakar-ukleged be ukoed, ibmar-ambegine gwensak be ukoed (10%), be-Bab-Dummadga be-itolegedgi ibmar-ukoye-sogsad be ukoed, Bab-Jehováʼga ibmar-bur-nued-ukedseye be ise-sogar-sogsadi, a-neggi be uknonikoed.

Deuteronomio 12:18

”A-ibmarmala, be-Bab-Dummad-Jehová-neg-susadgi be-Bab-Dummad-Jehová-asabin be gunnoed. Agi gunmarmogoed: Be-masmala, be-bunamala, be-maigan-machergan, be-maigan-omegan, degi, Levitaʼmar-be-neggwebur-abargi-gudidimalad. Bela wemala, be-Bab-Dummad-asabin mas gunmaloed. Be-Bab-Dummad-Jehová-asabin bela be-ibmar-imaksadgi be werguoed.

Deuteronomio 16:16

”Birgagi ilapaa bela bemar-machergan be-Bab-Dummad-Jehová-asabin nonimaloed, ar bia Bab-Jehová na neg suoe, ase be nonimaloed. We-ibamar-onolegedgi be nonimaloed: Madu-Inasuli-Gulleged-Ibagi, Itoged-Ibagan-Islidikid-Ibagi, degine, Neg-Matargana-Ibagi, be nonimaloed. ”Dule-wargwensaale, Bab-Jehová-asabin arganagwabi nonikosulid.

1 Samuel 1:21

Ar Elcana, e-ome-Penina, degi, e-mimmiganmala aligusmalad, Bab-Jehováʼga ise-sogar-sogsadba ibmar-ukega, degine, ibdurgan-ogumakar-birga-irba-ukleged ukbaligar.

1 Samuel 1:3

Birga-irba, Elcana, Bab-Jehová-Bela-Gangued-Nikad-e-nug-odummogega, e-neggwebur-akar Silo-neggweburse ardaed. Agine, Bab-Jehováʼga ibdurgan-ogumakar-ukleged ukdaed. Deunni, Elí-e-machimala-warbogwad, Ofniʼye-nugad, degi, Fineesʼye-nugad, Siloʼgi dule-irwa-Bab-Dummadse-gormaladga mamaid.