Lucas 2:4 - Kuna San Blas

⁴ José, Galilea-yargi, Nazaret-neggweburgi-gudii Judea-yarse, Rey-David-neggweburse, Belénʼye-neg-nugadse aligusmogad. Ade, José, David-e-wagwad, aga Belénʼse nonigusad.

Bab dummad Jesucristoba igar mesisad garda

⁴ José, Galilea-yargi, Nazaret-neggweburgi gudiid ali-gusmogad, Judea-yarse, Rey-David-neggweburse, Belén neg-nugadse, ade José, David-e-wagwad, aga Belénse nonisundo,

Lucas 2:4 Iomraidhean Croise

Génesis 35:19

Weyob Raquel burgwisad. Efrataʼse-naed-igarba Raquel-mui digsamalad. Emigindi, a-neggwebur, Belénʼye nugad.

Génesis 48:7

An Padan-Aramʼgi danigua, Canaán-yargi be-nan-Raquel Efrata-neggweburse-warmakdanikidgi angi burgwisad. A-igarba an e-mui digsad. Emigindi, Efrata-neggweburde Belénʼye nugad.”

Miqueas 5:2

Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

Mateo 1:20

Ar José degi-binsadii, gabgi Bab-Dummad-e-baliwitur ese nonikid, ega sognonikid: “David-wagwa-José, mer be dobgu. María be-omega-guega be abingae. Ar María-bonigwar be dakedi, Bab-Dummad-Burba-Isligwaled-sogedba deyob gusad.

Mateo 2:23

José Galilea-yarse nonigua, neggwebur-Nazaretʼye-nugadse megnonikid, adi, Bab-Dummad-gayaburba-barsogmalad-sogsamaladba guega, deun sogsamargu: “Nazaretʼginedye bilegoye.”

Lucas 2:3

Bela ebislemalagala na e-neggwebur-e-neggweburse nadegusmalad.

Lucas 2:5

Adi, a-neggweburgi e-ome-Maríaʼmala ebislegegar. Deun bato ebo nikuoye igar-maid. Degine, deun María bato gurgin-nika gudiid.

Lucas 4:16

Jesús Nazaret-neggweburse nonikid, ar ade, agi dungusadid. Obunnoged-ibagi, Jesús na gusgu e-daedba Judíoʼmar-onmakednegse dogdapid. Agi Bab-Dummad-Garda-absogega gwisguded.

Juan 1:46

Natanael, abin-sogded: —¿Ar Nazaret-neggweburgi sunna ibmar-nued nodasi? Felipe, abin-sogded: —Be anba dage, adi, be-sunnad be dakoed.

Juan 7:42

¿Ar Bab-Dummad-gardagi sognaisursi? Cristo Davidʼgi danikoye. Belén-neggweburgi, David-epenne-gwalulesadgi danikoye.”

Rut 1:19

Degine, geb Noemí, Rutʼbogwa nadmarsunnad, geb deyob Belén-neggweburse nonimalad. Belén-neggweburse nonimargua, bela dulemar-aginmalad geger dakdemalad, geb sogdemalad: —¿Wede, Noemíʼsursi?

Rut 2:4

Agi, geb Booz, Belén-neggwebur-akar dule-ega-arbamaladse nonikid. Geb Booz dule-ega-arbamaladga sogded: —Bab-Jehová beba gudimalana gadin. Geb dule-ega-arbamalad sogdemarmogad: —Bab-Jehová be-bendakmogana gadin.

Rut 4:11

Bela dadormar-e-ambegid (10), degi, dulemar-bukwamalad gotemalad: —Eye, anmar be-dakbukwamalad. ”Bitigi Bab-Jehová, we-ome-Rut be-neggi-gwisguoedi, Raquelʼyob, degi, Leaʼyob imaksamogana gadin. Ar we-omegangi Israel-dulemar danimalad. ”Be Efrata-dulemar-abargi dule-dummadga guena gadin, degi, Belén-neggweburgi dule-nug-nikadga gubalina gadin.

Rut 4:17

Neg-dikarba-mamaid mimmi-dakarmargua, sogdemalad: “¡Noemíʼga goe-machi gwalulesye!” Geb a-dulemar mimmi-onuggusmalad, Obedʼye. We-Obed, Isaí-e-babad, degi, Isaí David-e-babad.

1 Samuel 16:1

Bab-Jehová, Samuelʼga sogded: —¿Ar sanagwadse be Saúlʼba wile-itoged be iegoe? Ar andi bato Saúl-Israel-reyga-maid obelosad. Ar olivo-gwallu be-moli-bebegargi be enoge. Belén-neggweburse be nae, Isaí-negse. An a-e-machi-wargwen reyga-megega an susad.

1 Samuel 16:4

Samuel Bab-Jehová-ega-ibmar-sogsadba ibmar-imaksad. Samuel, Belén-neggweburse-nonigua, girmar-dummagan Samuel-abin dobed-abargi noarmalad. Geb ega sogdemalad: —¿Nuedgi be daniki?

1 Samuel 17:12

A-ibagangine, Efrata-dule-Isaíʼye-nugad Judá-yargi, Belén-neggweburgi maid. E-machi-wargwen Davidʼye nugad. Deunni, Saúl-negsemaidgine, bato Isaí nue-seredgusad, degi, machimala walabaabak (8) nikad.

1 Samuel 17:58

Saúl, Davidʼse egichided: —Machi, ¿doa be-baba? David abin-sogded: —An be-mai-Isaí-Belénʼgined-e-machid.

1 Samuel 20:6

Ar be-bab an-amialile, ega be sogoed, David Belénʼse e-barmidega angi alamaknaigusye. Bela e-gwenadgande agi bukwamaladdeeye, degine, bela agine na birga-irba ibmar-ogumakar-ukleged ukdamarye anga sogye, ega be sogoed.