Lucas 2:32 - Kuna San Blas

³² Dulemar-yar-baid-baidgi-bukmaladga neg-meegwadga guoed. Degi, we-mimmi, Israel-dulemarga gandikidba-be-nug-odummogedga guoed.” Isaías 42:6; 49:6

Bab dummad Jesucristoba igar mesisad garda

³² dulemar-Judiosurmaladga be oyogegar, be doa-dule gue, igi gwallu neg-sichidgi neg-mee imakedyob. Degi, we-machi dulemar abonogoedba be-Israel-dulemargi nued sunmakmalagar. Is. 42:6; 49:6; 52:10

Lucas 2:32 Iomraidhean Croise

Salmo 85:9

E-nug-odummodimalad-bendakega, Bab-Dummad anmar-walikaa gudiid. E-gangued-yeerdakleged anmar-napneggi nai guoed.

Isaías 11:10

A-ibagangine, Isaí-e-wagangi-dule-danikoedi, dulemar-iduedga guoed. Bela dulemar-yar-baid-baidgi-bukwamalad ese duurmaknonimaloed. E-neg-megoedi gandikidba-yeerdaklege guoed.

Isaías 4:2

A-ibagangine, Bab-Jehová, sapi-siklesad gannar ainiega imakoed. We-sapi-gannar-ainioedi, yeerdaklegedga guoed, degi, gandikidba-yeerdaklegedga gubaloed. Ibmar-durbamar-welemaloedi, Israel-dulemar-besmalad-e-nug-odummogega guoed, degi, e-nug-ogannogega gubaloed.

Isaías 45:25

Bela Israel-e-wagan bendaklegoed, degi, bela Bab-Jehová-nuggi gannarba gumaloed.

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Isaías 49:9

Adi, dule-galesmaladga weyob be sogegarba: ‘Be ainimarye.’ Degi, dulemar-negsichidgi-bukmaladga weyob be sogegarba: ‘Bemar ollorgusmarye.’ ”Bemar, igarbali, be-ibdurganga gagan-ara-aramalad amimaloed, bela nega-dulesulid-yar-mullugangi gagan-ara-aramalad be amimaloed.

Isaías 51:4

”An-dulamar, nue be an-itomar. An-neggweburmar, nue be an-itomar: Ar ani an ibmargi-odurdakleged-igar onioed, an-igar-napiragwadi, dulemar-yar-baid-baidgi-bukmaladga neg-meegwadga guoed.

Isaías 60:19

Bar dad-ibeler bega neg-ibgi, neg-meegwadga guosulid, degi, nii bar bega mee gaosurbalid. Ar Bab-Jehová bega gwallu-meegwad-degisadeguadga guoed. Be-Bab-Dummad be-gangued-yeerdaklegedga guoed.

Isaías 9:2

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.

Jeremías 2:11

Ar neggwebur-gwensak e-bab-dummagan Bab-Dummadsunnadsur-inigwele, e-bab-dummagan-ogwasye gwen an itossulid. Ar bemardi, bab-dummagan-ibnuedga-gusurmaladba-nanaed-ular, be an-obatemalad. Andi bur Bab-Dummad-napiragwadid, Bab-Dummad-gandikidid.

Zacarías 2:5

”Bab-Jehová soged: ‘Jerusalén-neggweburgala an soo-galu-matusulidyob ebiris gunonikoed. An Jerusalén-neggweburga e-gangued-yeerdaklegedga gunonikoed.’

Mateo 4:16

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.” Isaías 9:1-2

Lucas 2:10

Ar baliwiturdi amarga sogded: —Mer be dobgumar, ar bemarga gayaburba-nued, bela dulemar-weligwar-saed an sedanikid.

Lucas 2:31

Bab-Dummad, we-mimmi, dulemar-bukwad-abargi be guagwar barmialid.

Gusmalad 26:23

Weyob sogsamalad: ‘Cristo, Bab-Dummad-dule-wargwen-barmidagoye-sogsad-dule, burgwega we-napnegse nonikoye. Burgwisad-sorba, e-inse gannar durguoye, degi, gwallu-neg-mee-imakedyob anmar-Judío-dulemarga, degi, Judíoʼsurmaladga gunonikoye.’ ”

Gusmalad 28:28

”Degisoggu, bemar wisigar, we-ulubgi-Bab-Dummadgi-abonolegedi, Judíoʼsurmaladga uklenaisunnad, ar amardi itogoed.”

1 Corintios 1:31

Adi, Bab-Dummad-Gardagi-narmakar-naidyob guegar: “Ar dule na san-dummarba itobiele, Bab-Dummad-nuggi bur san-dummarba na itodo.” Jeremías 9:23-24

Apocalipsis 21:23

We-neggwebur ibegwar-sigegala, dad-ibeler abesulid, nii abesurbalid. Ar ade, Bab-Dummad-gaedba we-neg ibegwar siid, degi, Sibad-Wawaad-Mimmi ega neg-ibegwaledga gubalid.