Lucas 19:44 - Kuna San Blas

⁴⁴ Degi, geb napagi be-omukumaloed, be-dulamar-oburgwemaloed, degine, akwamar be-birgi-bubukwad bar be-birgi ambikuosurmalad. Bab-Dummad be-abonogega bese-atakleapid-iba aku be daksad-ular, deyob be guoed.”

Bab dummad Jesucristoba igar mesisad garda

⁴⁴ Degi geb napagi be-omukumaloed, be-dulemar-oburgwemaloed, degine, akwamar be-birgi bubukwad bar be-birgi ambikuosurmalad. Ar deyob be guoed, bese atakleapid-iba aku be daksad-ular.”

Lucas 19:44 Iomraidhean Croise

Salmo 137:9

Dule be-mimmigan-gani akwagi-sabsur-omukuoed. Dule-deyob-be-mimmigan-imakoedi, egi nued binsalegoed.

Isaías 10:3

Bemar sabsur-odurdaklealile, ¿bemar igi imakoe? Boni-dummad bannaba-nosa begi-dani be dakalile, be-bendakega, ¿doase be goloe? ¿Bia be-ibmar-nuegan be odukumaloe?

Isaías 29:3

An-sorda-bila-onomalad bela be-ebilis an urboed. Bela neggwebur-dikarbali, bila-onoged-galumar an emakoed, bila-onoged-aila an be-iduar soboed.

Jeremías 11:23

Anatot-dulemarga sabsur-odurdakleged-iba-nonikile, boni-dummad an ega nasikoed. Wargwensaale, we-dulemar durguosulid, bela burgwemaloed.”

Lamentaciones 1:8

Jerusalén-neggwebur bela-bela isgusad. A-ulale, ib-isganaga gunonikid. Jerusalén-neggwebur-ayaris-sii-dakarmargua, dulemar, iduar Jerusalén-nug-odummodimalad, emidi, isdar dakmalad. Jerusalén-dulemar na boed, binge-itogedba na wagar odukued.

Daniel 9:24

” ’Be-dulemar, degi, be-neggwebur-islidikid, isgued mer bar imakmalaga, igar-maidgi-gwisgudiid mer bar egi gwisguega, itoged-dulapaa-gakambe (70) nasiklesad. Degi, e-ibmar-isgana-imaksad Bab-Dummad ega eliega, igar-inniki-imakleged degisadegu mesmalaga, itoged-dulapaa-gakambe (70) nasiklesad. Negburgan-daklesad, degi, ibmar-yoedse-guoed-soglesadguega, degi, Bab-Dummadse-Goled-Bur-Neg-Islidikid swilidik-imakmalaga, itoged-dulapaa-gakambe (70) nasiklesad.

Daniel 9:26

” ’We-itoged-dulapaa-gakabo (62) nasad-sorbali, Dule-Dummadga-nug-Imaklesad oburgwilenonikoed. We-Dule-Dummadga-nug-imaklesad, neggwebur-sate, degi, Bab-Dummadse-goled-neg-sate guoed. Ar ade, rey-wargwen-yar-baidsikid e-sordamar-bila-onomaladmala obergunonikoed. Muu-dummad-noedyobi neg-bergued nonikoed. Neggweburmar-bergued bila-onoleged-berguedse bergudapoed.

Miqueas 3:12

A-ulale, bemar-nukine Sión-neggwebur nainu-imuar-naidaedyob guoed. Jerusalén-neggwebur akwamarbi ganna-ganna-bubukwa guoed. Bab-Jehováʼse-goled-neg-e-yala, gannar sapurbi moodo naguoed.

Mateo 24:2

Jesús e-sapinganga sogded: —¿We-negmar be dakmala? Napira an bemarga soged, bela we-neg-bemar-dakedi, bipisaale neg-gwagwensaar bar sigosulid, bela ayaroedbiid.

Marcos 13:2

Jesús, abin-imakdegu, ega sogded: —Bela we-neg-dummagan be dakedi, e-akwa-dummagan bipisaale gwagwensaar birgin-birgin bar sigosulid, bela egwallegoedbiid.

Lucas 1:68

“Israel-dulemar-e-Bab-Dummad-nug odummomarsun, ar ade, e-dulamarse na ataknonikid, degine, isguedgine, e-dulamar-onononikid.

Lucas 1:78

Ar anmar-Bab-Dummadi ise-wile-anmar-dakedba, neg-meegwadyob anmarga dule-barmialid. A-dule, nibneg-akale, dad-nakwedanikiyobi danikid.

Lucas 19:42

sogded: “¡Bitigi emi-ibagi be wisgusana gadin! Igi bogidiki be ambikusmalale. Ar emigindi, begi odukuar nagusad, adi, mer be magar itomalagar.

Lucas 21:6

—Ar bemar weyob we-negdakedi, ibagan nonikoed, bipisaale akwa-gwagwensaar birgi-birgi bar sigosulid, bela ayaroed.

1 Pedro 2:12

Gwenadgan, bemar dule-Bab-Dummad-wissurmalad-abargi nued-nanadii be imakmar. Adi, gakansaar-dule-isganaye-begi-sunmakdimaladi be ibmar-nuegan-imakedbali, a-dulemar, Bab-Dummad-bela-dulemarga-igar-nabodanikid-ibagi, Bab-Dummad-nug odummomalagar.