Lucas 18:10 - Kuna San Blas

¹⁰ “Ibagwengine, machergan-warbo Bab-Dummadse-goled-negse nadmalad. Gwensak Fariseo, baiddina Roma-dummadga-manigaedgi-arbaed-dule.

Bab dummad Jesucristoba igar mesisad garda

¹⁰ “Ibagwengi, machergan-warbo nadmalad Bab-Dummadse-goled-negse: Gwensak Fariseo, baiddina Roma-dummadga-mani-gaedgi-arbaed-dule.

Lucas 18:10 Iomraidhean Croise

1 Reyes 10:5

E-masgullemalad-mesegi-bukwad daksabalid. Sorda-dummagan-e-gangi-bubukwad daksabalid. E-mai-e-daklemalad, degi, e-mor-yomalad daksabalid. Dule-ega-nog-dakmalad daksabalid. Aginbali, Bab-Jehováʼse-goled-neggi Bab-Jehováʼga-ibmar-ogumakar-ukleged daksabalid. Sabá-e-rey-bundor bela we-ibmar daksagua, geger daksa gusad.

1 Reyes 8:30

We-neggi an bese gollalile, be an-itogoed. Israel-dulemar bese gollarmogale, nibneggi-mai be itogoed. Be anmarga anmar-isgued obeloge.

2 Reyes 20:5

“Ezequías an-neggwebur-e-dummadga-negsemaidse, gannar be nae, ega be sogo: Bab-Jehová be-dad-dummad-David-e-Bab-Dummad weyob sogye: Anse be gochadi, bela an be-itosad, degi, be-ibyanis-ariosad an daksad. Degisoggu, an be-ogwisguoed. Ibapaasega Bab-Jehováʼse-goled-negse be nao.

2 Reyes 20:8

Ezequías, Isaíasʼse weyob egichisad: —Bab-Jehová an-nudakoye sogedi, degi, a-ibapaagi ande ese-goled-negse naoye sogedi, ¿ibigi magar an dakoe?

Mateo 10:3

Degine, Felipe, Bartolomé, Tomás. Deginbali, Mateo, Roma-dummadga-mani-gaedgi-arbasad. Jacobo, Alfeo-machid. Lebeo, Tadeoʼye nugbalid.

Lucas 19:46

Jesús amarga sogded: —Bab-Dummad-Gardagi narmakar naid: ‘Bab-Dummad soged: An-nega, anse-goled-negad.’ Isaías 56:7 ”Ar emigindi, bemardi atursamalad-negga imaksamalad.”

Gusmalad 26:5

Deginbali, bela an-wismarbalid, an gusgu sapingwagwad-akar Fariseo-sunnadga an nanadii gusad. Ar bega sogbimalale, sunna bega sogmalad, ar nue-wismalad. Anmar-dadgan-igar-gannarba-mesisadba an nanadii gusad.

Gusmalad 3:1

Ibagwengine, sedo wachi-irbaagi, Bab-Dummadse-goled-wachigi, Pedro, Juan-ebo Bab-Dummadse-goled-negse nadapi gusmalad.

Filipenses 3:5

Ar an gwalulesgu, ibabaabakgi (8) an-abgan-e-uka-duku siklesad. An Israel-duled, Benjamín-wagwad, an Hebreo-dule-sunnadid. An Judíoʼmar-igar-mamaid-odulogedsiki, an Fariseo-sordad.