Lucas 18:1 - Kuna San Blas

¹ Degi, Jesús na e-sapingan-odurdakega burbar sunmakded, amarga sogded: “Bab-Dummadse-goled nue-abeleged, melle be galakumalo.”

Bab dummad Jesucristoba igar mesisad garda

¹ Degi Jesús na e-sapingan-odurdakega burbar sunmakdegu, amarga sogded: “Bab-Dummadse-goled nue abeleged, mer galakued imakmalo.”

Lucas 18:1 Iomraidhean Croise

Salmo 102:17

Dule-ibmar-suli-gudimalad-ese-goledi itogoed, dule-ese-wilesagwar-gornaidi itogoed.

Salmo 27:13

Degisoggu, an nue-wisimakaled, an we-napneggi-gudiidgi Bab-Jehová-dulemargi-nued-binsamaid an dakoed.

Salmo 65:2

Bab-Dummad, dule-bese-goled be itodaed, degisoggu, bese bela dulemar nonimaloed.

Salmo 86:3

Bab-Jehováʼye, wile-be-an-dake, ar an bese gordii osedoddaed.

Isaías 40:31

Degi-inigwele, dule-Bab-Jehováʼgi-bensurmaladdi, gannarse gangued nikumaloed, sulubagi-gukueyobi gumaloed: Abarmakdii gumaloed, gwen gegguosurmalad, igala-suid-nanadii gumaloed, gwen gegguosurmalad.

Isaías 62:7

Ar Jerusalén-neggwebur gannar urbedse, degi, Jerusalén-neggwebur-nug-nika imakedse, melle be, Bab-Dummad obunnogega imakmalo.

Jeremías 29:12

”Geb agine, bemar an-nug-odummodmaloed, be anse-wilesakwaa-gornonimaloedi, an bemar-itogoed.

Jonás 2:7

”An na nue-burgwe-itogua, Bab-Jehová, an begi binsaded, agi an bese goted. An-bese-goled, bese mosad, bese-goled-neg-swilidikidse warmaksad.

Lucas 11:10

”Ar bela dulemar-ibmar-egismaladi, ibmar abingamalad. Bab-Dummadgi-ibmar-amimaladi, ibmar amimalad. Degi, Bab-Dummadse gatik golele, ega yawagak egaleged.

Lucas 21:36

Degisoggu, nue neg-itoagwar be gudii gumar. Gatik Bab-Dummadse gordii gumar. Adi, bemar unnitiba we-ibmar-gudagoedgi be wakinmalagar, degine, a-ibagangi, Dule-Machi-asabin gwage-swilidik gwichigumogagar.”

Romanos 12:12

Bab-Dummad ibmar-nued-yoedse-bemarga-ukoed-ular, bemar nue-weligwar itomarsun. Be nue-naibi-itodiidgi burdied be imakmar. Bab-Dummadse-gordigu be imakmar.

2 Corintios 4:1

Bab-Dummad we-arbaed wile-anmar-dakedba anmarga uksasoggu, mer galakued anmar imakmarsun.

Gálatas 6:9

Degisoggu, mer anmar ibmar-nued-imakedgi wiegumar. Ar ibmar-nuegan-abingaed-e-ibagan-warmaksale, anmar nued abingaoed. Deyob guoed, ar anmar wiegussuli arbasmalar.

Efesios 6:18

Bab-Dummad-Burbaba bela-bela be Bab-Dummadse gordii imako. Babse-akar-akar-gorlegedgi, degine, bela ese ibmar-egisedgi be Bab-Dummadse gole. Be guagwar gudii imakmar, degine, bela Jesucristoʼgi-akananaimaladga Bab-Dummadse be gordigu imakmar.

Filipenses 4:6

Mer be surbinsa itomar. Aka bur be Bab-Dummadse gormar. Bela na be ibmar-abediid Bab-Dummadse egise, degi, dog-nuedye ega be sogmarbar.

Colosenses 4:12

Bemar-sorda-wargwen-Epafrasʼye-nugad bemarga sogsiid, bemarde, nued sogeye. We-Epafras, Cristo-maiga-gudiid, bemarga Bab-Dummadse nue-gordiid, adi, bemar bensuli, degi, gandikidgi, mer galakumalaga, Bab-Dummad-sogedba bela bemar ibmar-imakmalagar.

Colosenses 4:2

Bab-Dummadse gatik be gormar. Gatik nue be atakmar, degi, Bab-Dummadga dog-nuedye be sogmar.

1 Tesalonicenses 5:17

Bali-bali Bab-Dummadse-gordii be gumar.

1 Samuel 1:12

Ar Ana, Bab-Jehováʼse suitii gorsigusad. Degisoggu, Elí, Ana-e-gaya nuu daksii gusad.