Lucas 15:5 - Kuna San Blas

⁵ Be amisale, be-gukingi weligwar-ito be mesisaled.

Bab dummad Jesucristoba igar mesisad garda

⁵ Be amisale, be-gukingi weligwar-ito be mesisaled.

Lucas 15:5 Iomraidhean Croise

Isaías 62:12

Dulemar-islidikidye, be bilemaloed. Bab-Jehováʼse bendaklesmaladye, be bilemaloed. Neggwebur-abelegedye, be-neggwebur bilegoed. Neggwebur bipisaar wargwen-melledsulidye, be-neggwebur bilegoed.”

Isaías 62:5

Ar sapingwa na e-yagwabo-nikunaiyobi, gannar-be-urbed, deyobi bebo nikuoed. Ar igi-sapingwa yagwa-ebo-nikuoedgi weligwar-itodae, deyobi, be-Bab-Dummad, begi yeer itogoed.

Isaías 63:9

Bab-Dummad dule-abonogega, dule-e-nuggi-sunmaked, degi, baliwitur, barmiarsulid, na e-sunnad dule-abonosad. E-sabedgine, degi, e-wile-dule-dakedgine, bendaknonikid. Gannarse ogwichisad, na e-ganguedba sesad. Epennegwadyobi deyob imaksad.

Ezequiel 18:23

¿Ar ande, dule-isgana-burgwed yeerdak be ebinsae? Suli. Ar bur e-daed-ogwaed an abeged, dulagudigued an abeged. Ani an Bab-Jehová-Bela-Gangued-Nikadi weyob soged.

Ezequiel 33:11

Ega be soge: ‘Bab-Jehová-Bela-Gangued-Nikadi na dukin ise-sogar-soged, dule-isgana-burgwed abemaisulid. Dula-gudiguega, e-isguedgi-nugued abeged. Israel-dulemar nugumala. Be-galagwensulidamaladgi nugumala. ¿Ibiga be burgwemaloe?’

Miqueas 5:4

Geb a-dule Bab-Jehová-e-ganguedba, e-Bab-Dummad-Jehová-e-nug-gandikidba, e-dulemar-idugoed. Dulemar, dobedsuli gudii gumaloed, ar ade, a-dule bela napaneg-naid seoed.

Miqueas 7:18

Bab-Dummad, ¿ar doa beyobid e-mimmigan-besmaladga isgusad-elied gudii? ¿Doa beyobid ibmar-isgana-imaksad bela ei-ieged gudii? Ar be degisadegu, urwedii guosulid, ar ade, bur bule anmar-sabguedgi be binsaed.

Sofonías 3:17

Ar be-Bab-Dummad-Jehová bemar-abargi gudiid. Ar Bab-Jehová dule-bila-onoged-nakwisad gued. Ibamargineyobi, Bab-Jehová begi weligwar itogoed. Gannaryobi e-sabgued bega oyogoed,

Lucas 15:32

Ar emigindi, anmar werguega, iba-onoged nonikid. Ar we-be-urba burgwisayob gusad. Emigindi, gannar-durgusayob gunonikid. Yoggusanad, emigindi, gannar amilesad. Degisoggu, anmar werguergebed.’ ”

Lucas 15:4

“Sogmalo, bemar-gwensak sibad-wawaad dulatar-nikasunnad (100), bei wargwen yoggussunnad, sibad-wawaad-wargwen-yoggusad-aminaega, ¿nega-dulesulidganba sibad-wawaad dulabake-gakambe-gakabakebakad (99) obessulir be insae? Eye. Be obesale.

Lucas 15:6

”Ar na negse be nonikile, be-aimarse, degi, be-neg-dikarba-mamaidse be-negse-dagega be gochaled, ega be sogdeled: ‘Anba be wergumarmo, an-sibad-wawaad-ani-yoggusad, an amisad.’

Lucas 19:9

Jesús, abin-sogded: —Emi-iba, we-neg-yaginmaladga isguedgi-abonoleged nonisun. Ar ade, we-dule, Abraham-e-wagwamogad.

Lucas 23:43

Geb degi, Jesús, abin-sogded: —Napira an bega soged, emi-ibagi Neg-Nued-naidgi be anba gudiguoed.

Juan 15:11

”We-ibmar an bega sogsamalad, adi, an-weligwaled-itogedyob bemar wergumarmogagar. Degi, bemar nue-bela-bela weligwar itomalagar.

Efesios 2:10

Bab-Dummad anmar-ogwanonikid. Cristo-Jesúsʼgi ibmar-nuegan-imakega anmar-ogwanonikid. Ar Bab-Dummad bato we-ibmar-nuegan iduar mesisad, adi, anmar a-ibmar-nuegan imakegar.

Efesios 3:7

We-Gayaburba-Nuedgi an sunmakewilubsulinad. Ar emigindi, Bab-Dummad, nabir-e-angi-binsasadba, e-gangued-angi-arbasadba, a-ulale, E-Gayaburba-Nuedgi-sunmakega an-nug-imaksad.

1 Tesalonicenses 1:5

Ar anmar bemarga Bab-Dummad-Gayaburba-Nuedgi-sunmaksagua, unnila gayaginbi anmar bemarga sogsasulid. Anmar Bab-Dummad-gangued-nikadba, degi, Bab-Dummad-Burba-Isligwaled-e-arbaedba, degi, nue-bensulidba, anmar bemarga nue-oyosmalad. Aginbali, bemar nue-wismarbalid, bemar-sabed-ular, igi-anmar bemar-abargi gudigusmala.

2 Timoteo 2:26

degi, nabir nia-sailagi wakinnalile. Ar ade, a-dule nia-sogedba gudiid.

Hebreos 12:2

Anmar Jesúsʼginbi-ataknai gumarsun, ar Bab-Dummadgi-bensuligued agi danikid. Degi, anmar-Bab-Dummadgi-bensulid nasgumai napiragwadse imaked. Jesús nakrusgi-wilenaigu, egi dodolenaigu, bingegued-dummadgi bai-itossulid. Ar ade, wisid, we-degi-odurdaklenaid-sorbali, weligwaled danikoe. Emigindi, Jesús, Bab-Dummad-ologana-argan-nuedsik sigidapsunnad.

1 Pedro 1:5

Bemar-Jesucristoʼgi-bensulidba, Bab-Dummad na e-ganguedgi bemar-akwedisunnad. Adi, bemar-abonolesad bemarga-guagwar-sabolesadi, ibagan-berguoedgi-ogwinmaklegoed bemarga oyolegegar.