Lucas 15:4 - Kuna San Blas

⁴ “Sogmalo, bemar-gwensak sibad-wawaad dulatar-nikasunnad (100), bei wargwen yoggussunnad, sibad-wawaad-wargwen-yoggusad-aminaega, ¿nega-dulesulidganba sibad-wawaad dulabake-gakambe-gakabakebakad (99) obessulir be insae? Eye. Be obesale.

Bab dummad Jesucristoba igar mesisad garda

⁴ “¿Ar doa-dule bemar sibad-wawaad dulatar-nika-dibe, bei wargwen yoggusar, nega-dule-sulidganba sibad-wawaad dulabake-gakambe-gakabakebakad obessulir be insae, sibad-wawaad-wargwen-yoggusad aminaegar?

Lucas 15:4 Iomraidhean Croise

Salmo 119:176

Sibad-wawaad-yoggus-gudibayobi, an gudiid. An-be-maiga-gudiid be amidage, ar Be-Igar-Mamaidi an gwen iedisulid.

Isaías 53:6

Anmar bela sibad-wawaad-yoggusgudidaedyobi, yoggus gudimalanad. Na wala-walagwen e-itolegedba gudidimalanad. Degi-inigwele, Bab-Jehová bela e-maigi anmar-isgued nasiksad.

Jeremías 33:13

Ani an Bab-Jehová soged, wemar-neggweburmargi sibad-wawaadmar ebisnai gumaloed: Neggweburmar-yarmargi-bukmaladgi, nebagi-bukmaladgi, Neguev-yargi-bukmaladgi, Benjamín-yalagi-bukmaladgi, Jerusalén-neggwebur-dikarba-bukmaladgi, degine, Judá-neggweburmargi-bukmaladgi, sibad-wawaadmar-ebisnai gumaloed.

Jeremías 50:6

”An-dulamar sibad-wawaad-yoggus-gudiiyobi gusmalad. E-edarbemaladi yogasaar-sesmalayob gusmalad, igar-oes sapurba-gudiiyobi imaksamalad. Yala-mulluganba-bipirmakdiiyobi gusmalad, e-galu-ies-gudimalayobi wilesmalad.

Ezequiel 34:16

”Sibad-wawaadmar-yoggusmalad an aminaoed, e-galugi-nosa-gudimalad an gannar sedagoed. Mali-bichis-gudimalad an ega morgi-obipirmakoed, degi, nollo-itodimalad an ogannogoed. Ar sibad-wawaad-wardummagandi, degi, dutusur-itomaladdi, an obelogoed. An-sibad-wawaadmar igar-innikigwadba an akoed.

Ezequiel 34:31

Deginbali, ani an Bab-Jehová-Bela-Gangued-Nikadi weyob sogbalid, ani an bemar-Bab-Dummadid. Bemardi an-sibad-wawaadmalad. Ani an bemar-edarbedid.’ ”

Ezequiel 34:4

Sibad-wawaad-nollo-itoged gwen be ogannosurmalad, gegumalad gwen be edarbesurmalad, nailikgusad gwen be nudaksurmarbalid. E-galugi-nosa-gudiid gwen be aminasurmalad, yoggus-gudiid gwen be amisurmarbalid. Bur bule bemar sibad-wawaad sarsoged, sabsur-imakdabalid.

Ezequiel 34:8

Ani an Bab-Jehová-Bela-Gangued-Nikadi, na dukin ise-sogar-soged, an-sibad-wawaadmar edarbed-sated-ular, atur-imaklesmalad, degi, ibmar-durgan-ursirmaladse ibgwensur galesmalad. An-sibad-wawaad-edarbemalad an-sibad-wawaadmar edarbesulid, unnila na eginbi binsamalad, an-sibad-wawaadmargindi binsasurmalad.’

Mateo 12:11

Jesús abin-sogded: —¿Ar doa-dule, bemar na sibad-wawaad-wargwen nikadibe, ar bei obunnoged-ibagi yaa-gureged-yaba argwachale, be onossurmalale? Be onosmalale.

Lucas 13:15

Geb degi, Dummad-Jesús, abin-sogded: —¡Be yogasaar-darba-sunmakedid! Ar bemar belagwapa obunnoged-ibagi be-moli-bebe-nikad, degi, moli-uayasuid-sedega, diigi-ogobnaega, ¿e-gabedgi be esikdisurmarsi?

Lucas 15:3

Geb degi, Jesús burbar emarga sunmakde, sogded:

Lucas 19:10

Ar ade, ani Dule-Machi, dulemar-yoggusmalad-amiega nonikid, degi, dulemar-isguedgi-gudiid-abonogega nonikid.

Romanos 2:1

A-ulale, ar be doa-dule gudibe, geg na be soged, andi an isgussurye. Ar be dule-baidnik sogele, we-dule isgudiiye, ar be deyob sogedbali, na be dukin sognaido, an isgudimoye. Ar be dule-baid-ibmar-isgana-imakdiiyob be ibmar-isgana imakdimogad.

1 Pedro 2:25

Ar bemar sibad-wawaad-yoggus-gudigusmaladyob gudigusanad. Emigindi, igi-sibad-wawaad e-dule-edarbedse gannar noniki, deyob be gannar Cristo-be-san-burba-akwemaidse nonimarsunnad.