Lucas 14:12 - Kuna San Blas

¹² Dule-mas-gunnega-ese-gochadga Jesús sogded: “Masgi dulemar be ogunbiele, mer be-aimarse be golo, mer be-urbamarse, mer be-iamarse, mer be-gwenadganse, degine, mer be-neg-dikarba-mani-ibed-mamaidse be gorbalo. ”Ar deyob be imakele, amar bese muchub gotamogoed ese mas gundamogagar. Ar degidbali ese be gochadba, be-abinsae dakledamogoed.

Bab dummad Jesucristoba igar mesisad garda

¹² Dule-mas-gunnega-ese-gochadga Jesús sogded: “Masgi dulemar be ogunbiele, mer be-aimarse be golo, mer be-urbamarse, mer be-iamarse, mer be-gwenadganse, degine, mer be-dikarba-mani-ibed-mamaidse be gorbalo. Ar deyob be imakale, abakalegi amar bese gollarmogale ese mas gundagegar. Ar degiile, bato be bennuklegodo.

Lucas 14:12 Iomraidhean Croise

Proverbios 14:20

Dule-wilegedi, e-aimarbela isdarsunna dakdamalad. Dule-mani-ibeddina, bukidar e-aimar nikad.

Proverbios 22:16

Dule, mani-bur bule-nikuega, dule-wileged-mesagwar imaked. Dule, mani-ibedga binsa-ibmar-ukedi, na dule-wilegedga guoed.

Mateo 5:46

”Ar dule-be-sabmaladbi be sabguele, ¿ar ibu-nued egi be amiosunna? Ibmar-nued egi be amiosuli. Ar dule-isganamar, Roma-dummadga-mani-gaedgi-arbamalad, ¿deyob na imakmarmosursi?

Lucas 1:53

Degine, dulemar-ukumesdimaladga ibmar-bukidar uksad. Degine, dulemar-mani-ibgan, ibmar-sate barmisad.

Lucas 1:58

E-neg-dikarba-mamaid, degine, e-gwenadgan itoarmargu, Bab-Dummad Elisabetʼgi nabir binsasye, degi, nue wile daksaye, Elisabetʼba wergusmarmogad.

Lucas 14:11

”Ar ade, dule-wargwen na-nug dummarba-saele, a-dule bur-nug-bipii guoed. Ar dule, na-nug-bipi-saerdi, bur e-nug odummolegoed.”

Lucas 14:13

”Ar be masgulleged-iba onoalir, bur dulemar-wileganase be golo, dulemar-argansurmaladse, dulemar-muya-muya-nanamaladse, degi, dulemar-ibyasurmaladse, be golo.

2 Corintios 6:13

Ar anmar bemar-sabedyobi, bemar anmar-sabgumogargebed. We-an-bega-sogedi, be an-mimmigan-gumalad-ular, deyob an bega sogmalad.