Lucas 14:11 - Kuna San Blas

¹¹ ”Ar ade, dule-wargwen na-nug dummarba-saele, a-dule bur-nug-bipii guoed. Ar dule, na-nug-bipi-saerdi, bur e-nug odummolegoed.”

Bab dummad Jesucristoba igar mesisad garda

¹¹ “Ar ade dule-wargwen na-nug dummarba na saele, a-dule nug bur-bipii guoed. Ar dule na-nug bipii na saerdi, adi a-dule-nug bur odummolegoed.”

Lucas 14:11 Iomraidhean Croise

2 Samuel 22:28

Dule-na-san-bipi-imakdimaladi be bendaked. Dule-na-san-dummarba-imakmaladdina, san-bipii be imakoed.

Ester 6:10

Geb Rey-Asuero, Amánʼga sogded: —Gwae be mor sunae, degi, be moli sedabalo. Ar igi na be ibmar-sogsadyobi, Judío-dule-Mardoqueo reyneg-yawagakgi-siidi, deyob be imaknae. Bela na be ibmar-sogsadi, mer be soggwensaar imaksuli guo.

Job 22:29

Bab-Dummadi, dule-san-dummarba-imakdiid, san-bipii imaked. Dule-na-san-bipi-imakdimalad-e-nugdi, odummoged.

Salmo 138:6

Bab-Jehová, dule-biriginedid. Bab-Dummad, dule-na-san-dummarba-imaksulidgi, nued binsaed. Bab-Dummad, dule-na-san-dummarba-imakdiiddina, obaned.

Salmo 18:27

Bab-Jehová, dulemar na-san-bipi-imakdimalad, bonigangi-obinega be imaked. Dule-na-san-dummarba-imakdimaladdina, be sabsur-wioged.

Proverbios 15:33

Bab-Jehováʼgi-dobekwaa-nanalegedgi binsaed-nikagued amileged, egi odurdakleged-igar-nued amilebalid. Ar dule na e-nug-odummoleged-abegele, na san-bipii imakgwelergebed.

Proverbios 18:12

Dule, ibitoged-idu, e-daed bule-bule na san-oyoged. Dule, e-nug-ogannoleged-idu, e-daed na san-bipii oyoged.

Proverbios 25:27

Achanis-gadi-maele, ichakwagwad. Dukin-san-dummarba-imaked-amiedi, ichakwabalid.

Proverbios 29:23

Dule-san-dummarbadaedi, nug-bipii guoed. Dule-san-bipi-imakeddi, nug-dummarbaa guoed.

Isaías 2:11

Dule-san-dummarba-imakmalad, sabsur-obingegsalemaloed, dule-san-dummarba-imakmalad, san-bipii imaklemaloed. A-ibagangi, unnila Bab-Jehová-e-nugbi odummolegoed.

Isaías 2:17

Dule-san-dummarba-imakmalad, nug-bipii gudoed, dule-dogdar-obicha-san-imakmalad san-bipii gudoed. A-ibagangi, unnila Bab-Jehová-e-nugbi odummolegoed.

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Mateo 23:12

Ar dule-wargwen na nug-dummarba-imakele, a-dule-nug bur bipii guoed. Ar dule na nug-bipi-imakerdi, a-dule-nug bur odummolegoed.

Lucas 1:51

Bab-Dummadi, e-gangued na e-arbaedgi oyosad, dulemar-na-san-dummarba-imakdimalad-osulosad.

Lucas 1:52

Bab-Dummadi, dule-dummagan-negsemamaid-obelosad. Dulemar-na-san-bipi-imakdimalad-odummosad.

Lucas 14:12

Dule-mas-gunnega-ese-gochadga Jesús sogded: “Masgi dulemar be ogunbiele, mer be-aimarse be golo, mer be-urbamarse, mer be-iamarse, mer be-gwenadganse, degine, mer be-neg-dikarba-mani-ibed-mamaidse be gorbalo. ”Ar deyob be imakele, amar bese muchub gotamogoed ese mas gundamogagar. Ar degidbali ese be gochadba, be-abinsae dakledamogoed.

Lucas 18:14

”Ani Jesús, an bega sogmar, ar we-dule Fariseoʼba bur gwage nugus-naddo. ”Ar ade, dule-wargwen na nug dummarbaa saele, a-dule, bur nug bipii guoed. Ar dule na nug bipii saerdi, adi, a-dule, bur nug odummolegoed.”

Santiago 1:9

Gwenad-wis-wilesakwaa-gudiid Bab-Dummad-asabin-nug-dummarba-nikadba weligwar itogewilubbid.

Santiago 4:10

Bab-Dummad-asabin na be san-bipi-imakmar, ar deyob be imakele, Bab-Dummad be-nug-odummomaloed.

Santiago 4:6

Ar Bab-Dummad na e-anmar-wiledakedba bur bule anmar-bendaked. A-ulale, weyobi e-gardagi soged: “Bab-Dummad, dule-na-san-dummarba-imakdimaladgi gwisgudaed. Ar dule-na-san-bipi-imakdimaladdi, Bab-Dummad amar-bendakdaed.” Proverbios 3:34

1 Pedro 5:5

Sapingana, bemarmoga, girmar-selegan-urbaligwa ibmar-imakdii be gumarmo. Degine, bela na be muchub-muchub urbaligwa be nanamar, degi, san-bipi na be imakmar. Ar ade: “Bab-Dummad, dule-na-san-dummarba-imakdimaladgi gwisgudaed. Ar dule-san-bipi-imakmaladdi, Bab-Dummad amar-bendakdaed.” Proverbios 3:34

1 Pedro 5:6

Degisoggu, Bab-Dummad-gangued-asabin na be san-bipii imakmar, adi, be-nug-dungued-ibagan-mosale, Bab-Dummad be-nug odummogegar.

1 Samuel 15:17

Geb degine, Samuel ega sogded: —Wede-nabirsursi, amba be gwen ibmarga-gued-itossulid-inigwele, degite, Israel-dulemar-sogambe-gakabogwad-e-dummadga (12) be megnonikid. ¿Ar Bab-Jehová Israel-e-reyga-megega be-nug-imaksasursi?