Lucas 13:34 - Kuna San Blas

³⁴ ”Jerusalén-dor, Jerusalén-dor, Bab-Dummad-gayaburba-barsogmalad be oburgwedimalad, bemarse-barmilearmalad bemar akwagi makdimalad. Igi gannir na e-sakan-urba-e-mimmigan-urbedae, debayobi, ilabigwa an bela-be-mimmigan danar urbebi-gusana, degite, bemar yapa-gusmalad.

Bab dummad Jesucristoba igar mesisad garda

³⁴ “¡Jerusalén-dor, Jerusalén-dor, Bab-Dummad-gaya-burba-berbemalad be oburgwedimalad, bemarse-barmilearmalad bemar akwagi be makdimalad! ¡Ilabigwa bela-be-mimmigan danar an na-urbebi-gusana, ar gannir na e-sakan-urba na e-mimmigan-urbe-daedyob, bemar yapagusmalad!

Lucas 13:34 Iomraidhean Croise

Nehemías 9:26

” ’Ega be ibmar-nueganbi imaksa-inigwele, degite, be-sogedba dassurmalad, begi gwisgusmalad. Be-Igar-Maid obacha gusmalad, be-gayaburba-barsogmaladi gannar be-igarba-nanaega ega sunmaksamalanad, emide, oburgwis gusmalad. ¡Anmar-dadgan bela-belad be-nug oichosmalad!

Nehemías 9:30

” ’Epennegwa, be anmar-dadgangi gwae-gwae urwedii gussulid. Bedi, be-Burbaba be-gayaburba-barsogmaladga sunmaksad, adi, anmar-dadganga be ibmar-sogegar. Ar degite, gwen be-itossurmalad. A-ulale, anmar-dadgan be dulemar-baigan-we-napneggi-bukmaladga be urmaksa gusad.

Salmo 149:2

Israel-dulemar, dule-bega-burba-uksadgi be wergumala, Israel-dulemar Sión-yargi-bukmalad, be-e-Reygi be wergumala.

Salmo 17:8

Ar dule-isganamar angi dummad-yolenanaisoggu, igi be-ibyagwag na be akwe, deyobi, be an-akwemoga.

Salmo 36:7

Bab-Dummad, ibibayobi bedi bela-belad wile dule-dakmai. Gannir e-mimmigan e-sakan-urba-odukueyob, dulemar begi bendakleged amied.

Salmo 57:1

Bab-Dummadye, wile be an-dake, Bab-Dummadye, wile be an-dake, ar begi an bensulid. Igi gannir e-sakan-urba na e-mimmigan odukue, deyobi, bonigan-berguedse, be an-odukue.

Salmo 81:13

”Ar an-dulamar an-itosana, ar Israel-dulemar an-igar-mamaidba nanasmalana,

Salmo 91:4

Igi gannir e-sakan-urba e-mimmigan-odukue, deyobi Bab-Jehová be-edarbedga guoed. Bab-Jehováʼgi be dukued amioed. E-gayaburba be-sigu-abgaedyob guoed, be-edarbedga guoed.

Isaías 30:15

Ar weyob Bab-Jehová-Israel-dulemar-e-Bab-Dummad-Isligwaled soged: “Dule e-isguedga-bukib-binsaedgi bendaklegoed, nued-nanaedgi, bendaklegoed. Bargaagwar-gudiidgine, degi, angi-bensuli-nanaedgine, gannaleged siid. Ar degi-inigwele, bemar an-abesulid.

Isaías 50:2

An nonigua, ¿ibiga dule-sate an daknonisunna? An gotegua, ¿ibiga dule gwen an-abin-imaksasursunna? ¿Ar bemar-bendakosurye, be angi binsamala? ¿An bemar-onogega, garganguedsuli be an-dakmala? Ar an sunna, demar, ilagwensaale dinna saed. Ar an sunna, diwarmar, nega-dulesulidga-nai imaked. Uamar e-mas-satedba burgwideled. Dii-dingudedba uamar bela nungudeled.

Jeremías 2:30

”Binsarsunna an-dulamar an sabsur-odurdaksad, gwen an-itossurmalad. Achumigur-nono-wawaadyobi, bemar, be-es-suidgi an-gayaburba-barsogmalad oburgwismalad.”

Jeremías 26:23

Geb wemala, Egipto-yargi Urías-gasa seargusmalad. Agi geb Rey-Joacimʼse ninonigusmalad. Geb degine, Rey-Joacim, es-suidgi Urías-oburgwega igar-uksa gusad. Degi, yogasaar-dulemar-diglemaladgi e-mui-metemaloye sogsa gusad.

Jeremías 35:14

Recab-machi-Jonadab-wagan e-dad-ega-igar-uksadba ibmar imaksamalad, ega sogsad, melle vino gobmaloye. Emi-ibasega vino gobdisurmalad, ar e-dad-ega-igar-uksadba ibsadimalad. Ar bemardina, an bemarga gannar-gannar sunmakdi-inigwele, gwen be an-sogedba ibsadisurmalad.

Jeremías 35:17

”A-ulale, ani Israel-dulemar-e-Bab-Dummad-Jehová Bela-Gangued-Nikadi soged: Bela an Judá-dulemargi, Jerusalén-dulemargi boni-dummagan-barmidoye an sogsadi, egi an barmidoed. Ar an ega ibmar-sogsadba ibsassurmalad, an ese-gochadi an-itossurmalad.”

Jeremías 6:16

Bab-Jehová weyob soged: “Ibmar-imakdimalad be melle bar imakmar, be-gudiid be nue itomar. Igar-epennegana be egismar, igid-igar bur nuedye. Melle a-igargi be bangumalo. Deyobi, bonisuli garmakdii be gumaloed. Degi-inigwele, ‘bemar we-igarba nanaosurye’ sogsamalad.

Lamentaciones 1:16

”Bela we-ibmala boega an-imaked, boedba nue an ataksurgusad. Dule-an-gwage-baisur-ito-imaked an-walik gudisulid, dule-wis-gadi-gadi-an-imaked, an daksulid. Ar an-isdarmalad anmargi nakwissoggu, an-mimmigan wargwen melledmarsunnad.”

Lamentaciones 4:13

Neg-gunonikidi, Bab-Dummad-gayaburba-barsogmalad-e-isgusad-ulale, deyob neg-gunonikid. Dule-irwa-Bab-Dummadse-gormalad-e-isgusad-ulale, deyob neg-gunonikid. Neggwebur-neg-imbaba dule-ibmar-oakalossurmalad-e-ablis-eosmalad-ulale, deyob neg-gunonikid.

Oseas 11:2

An bur bule bese gornaigusdae-inigwele, aka bur bule be angi banguddaed. Aka bur bule be bab-dummadyob-imaklemaladga ibmar-ogumakar ukdedaed. Bab-dummadyob-imaklemaladga ina-wawadikmalad be oburmakdedaed.

Oseas 11:7

Bemar, an-neggwebur-gumaladi, angi nue-banguega be alamaknanaid. Degisoggu, amba anse gorye sogmalale, bar an bendakosulid.

Joel 2:23

Sión-dulemar weligwar-itomar, be-Bab-Dummad-Jehováʼba be wergumarsun. Ar be-Bab-Jehová e-iba-sogedba bega dii owioed. Ar igi epenneunni, ibmar-digleged-idu dii owidae, degi, ibmar-gwag-weleged-idu dii owidae, deyobi bemarga dii-wied-ibagan nasikoed.

Zacarías 1:4

Bab-Jehová-Bela-Gangued-Nikad weyob soged: “Mer be be-dadgan-gudigusmaladyob gumala. Be-dadgangala Bab-Dummad-gayaburba-barsogmalad, Bab-Dummad-Bela-Gangued-Nikad weyob sogye sogsamalanad: ‘Mer bar galagwensuli-gudii gumarye. Mer bar ibmar-isgana imakmarye.’ Degi-inigwele, gwen anba ibsassurmalad, gwen an-itossurmalad.”

Mateo 22:3

Rey dulemar-ibase-nonimaloedse-gornaega e-maigan-barmisad, adi, e-machi ome-nikusokalid-e-ibase dagmalagar. Ar a-dulemarse-gollesmalad ibase budar dage gusmalad. Gwen nonisurgusmalad.

Mateo 22:6

Bamaladdi, rey-e-maigan-sarsodmalad, geb oburgwismalad.

Lucas 15:28

”Geb degi, machigwa sae-itoded, yapa negyaba dogegualid. Degisoggu, e-bab magaba noarsunnad, negyaba-dogega egi wilenaigusad.

Lucas 19:44

Degi, geb napagi be-omukumaloed, be-dulamar-oburgwemaloed, degine, akwamar be-birgi-bubukwad bar be-birgi ambikuosurmalad. Bab-Dummad be-abonogega bese-atakleapid-iba aku be daksad-ular, deyob be guoed.”

Lucas 23:28

Jesús omegansik aibiridgua, amarga sogded: “Omegan-Jerusalénʼginmalad, mer anga be bomar. Na dukin be bomar, be-mimmiganga be bomar.

Gusmalad 7:52

Ar be-dadgan, ¿biti Bab-Dummad-gayaburba-barsogmalad wiossurmar be insae? Bela wiosmaladbiid. Bab-Dummad-gayaburba-barsogmalad sogsagusmalad, yoedse dule-wargwen, dule-gwage-swilidikid, bemarse danikoye. Degi-sogsamalad, be-dadgan a-dule-oburgwisgusmalad. Degite, emigindi, we-dule-gwage-swilidikid bemarse nonigu, bemar, darba manigi uksamalad, degi, bemar oburgwismarbalid.

Gusmalad 7:59

Akwagi Esteban-maknanaimargu, Estebanʼdi weyob Bab-Dummadse gochad: “Dummad-Jesús, an-san-burba be susun.”

Gusmalad 8:1

Judíoʼmar Esteban-iblosmargu, Saulo yeer-itogwichi gusmogad. Deunni, Jerusalén-neggweburgi Jesúsʼba-nanaimalad-danar-ambikunonidamalad nue-ise-wilegar baregillearmalad. Degisoggu, bela amala Judea-yalaganba, degi, Samaria-neggweburse duurmakde gusmalad. Unnila Jesús-e-sapingan-bur-dummaganbi Jerusalénʼgi besa gusmalad.

Deuteronomio 32:29

Ar Israel-dulemar, wis binsaed-nikamalana, wis mag-neg-itomalana, na-bergumaloed nue magar itononimaloenad.

Deuteronomio 5:29

Bitigi ulubgi degibi an-dobee-nanamalana gadinye, degine, bela an-Igarmar-Mamaidba nanadigumalana yeerbanye, adi, we-dulemala, degine, e-mimmigana bela ega degisadegu ibmar-nueganbi gumalagarye.’

Apocalipsis 11:8

Dule-warbogwad-e-mui neggwebur-dummad-igargi metemaloed. A-neggwebur burbar Sodoma, degine, Egiptoʼye, bileged. Agi anmar-Dummad nakrusgi-bioklegar oburgwilesmogad.

Rut 2:12

Bab-Jehová bega ibmar-buged ukena gadin. We-ibmar Israel-e-Bab-Dummad-Jehová-nuggine be abingaoed. A-Bab-Dummadgi be bendakleged amis gusad.