Lucas 12:7 - Kuna San Blas

⁷ Ar Bab-Dummad bemar-sailagiase-bakar, bela-ebisar sediid. Degisoggu, mer be dobgumar, ar bemar bur bule sikwimarba ibmar-nueganad.”

Bab dummad Jesucristoba igar mesisad garda

⁷ Ar bemar-sailagiase-bakar bela ebisar Bab Dummad sediid. Degisoggu, mer be dobgumar, ar bemar bur-bule sikwimarba bur-ibmar-nueganad. Ar degisoggu, bemar-bursunna, Bab Dummad bur-bule nued be akwemalodo.”

Lucas 12:7 Iomraidhean Croise

2 Samuel 14:11

Ome ega sogdebalid: —Rey, bese an wilegedgi egise, be-Bab-Dummad-Jehováʼse be gole, adi, an-gwenadgan-an-machi-buged-mai-imakbied, mer an-ibe an-machi-baid-oburgwegar. An-machi-oburgwilesale, aka bur bule anga nunmaked-ukbalo-itole. Rey omega sogdebalid: —Bab-Jehová-Dula-Maid-nuggi an bega soged, dule bipisaar be-machise gwen achaosulid.

Job 35:11

ibmar-durganba, bur ibmar-wisi-anmar-imakedi, ¿bia nadsunye? Sikwimarba bur binsaed-nued-anga-ukedi, ¿bia nadsunye?’

Salmo 8:6

Bela be ibmar-obinnisadgi gangued-nika-guega be dule-imaksad. Bela e-argan-yaurgi we-ibdurgan ega be uksad:

Mateo 12:12

Ar degite, ¿dule, sibad-wawaadba bur-ibmar-nuedsursi? Ar degisoggu, obunnoged-ibagi ibmar-nued-imaked, sunna imaked.

Mateo 6:26

”Ar nue be dakmalana, sikwimar-niba-gukudimalad, gwen ibmar-gwag digdisurmalad, degi, gwen ibmar-gwag wedisurmarbalid. Deginbali, ibmar-gwag-urbed-neggine ibmar-gwag gwen urbedisurmarbalid. Degite, be-Bab-Nibneggi-Maid mas ega ukmaid. ¿Ar bemarde sikwimarba bur bule nuedsurmarsi? Eye, bur-nuedi.

Lucas 21:18

Ar degi-inigwele, be sailagia-wargwensaar bei gwen yogguosulid.

Gusmalad 27:34

Degisoggu, bemar wis mas gunmar, ar a wis bemar-ogannogoed. Be-sailagia-gagwensaale gwen bei yogguosurmalad, bela bemar durgumaloed.”

1 Samuel 14:45

Sordamar, Saúl-abin sogdemalad: —¿Ar Jonatán, Israel-dulemar e-isdarmaladgi-nakwega imaksasursi? ¿Degite, sunna oburgwilegosi? Bab-Dummad-nuggi inniki anmar bega soged, dule bipisaale Jonatán-ebugosulid. Bab-Dummad-e-bendaksadba, anmar-isdarmaladgi-nakwega anmar-imaksad. Deyobi, dulemar Jonatán-bendaksamalad.