Lucas 12:21 - Kuna San Blas

²¹ Ar dule deyob gunonidado, unnila na dukin egadga ibmar urbed, ar Bab-Dummadgindi gwen binsasulir.”

Bab dummad Jesucristoba igar mesisad garda

²¹ Ar dule deyob gunoni-dado, unnila na dukin egadga ibmar urbed, ar Bab Dummadgindi gwen binsasulir.”

Lucas 12:21 Iomraidhean Croise

Proverbios 13:7

Abar-dulemar mani-nikayob gudidamalad, degi-inigwele, ibmardi gwen nikasurmalad. Abar-dulemar ibmarsuliyob gudidamalad, degi-inigwele, ibmardi nue-nika gudidamalad.

Oseas 10:1

Oseas sogdebalid: “Israel-dulemar uva-saila-yeer-sanmakedyob guenad, ichesuli sanmakdaenad. Ar bur bukidar-sanmakdedaed-inigwele, aka bur bab-dummadyob-imaklemaladga bukidar ailamar sobdedamalad. Ar e-yar nue-nasguddaed-inigwele, aka bur bule e-bab-dummaganga ailamar yeerdakle imakdedamalad.

Habacuc 2:9

”Dule atursaale ibmar-ena na e-neg-siedi, ¡duledar-wiles! Ar na binsasanad, deyobi na e-neguya bendakoye, deyobi bar an wiledii guosurye.

Lucas 12:33

”Ibmar-nikamalad na be ukmarsun, degine, wileganaga mani be ukmar. Mani-sagu-geg-nungued be sobmar, ibmar-nuegan geg-nibneggi-berguedgi be urbemar. Nibneggi atursamalad sated, degine, geg ibmarmar udumesed.

Lucas 16:11

Ar we-napneggi ibmar-nika-guedse be galakusale, ¿ar doa begi bensuli bar guosunna we-ibmar-napiragwad nikuedgi? Bab-Dummad begi bengumogodo.

Lucas 6:24

Ar bemar mani-ibgan, ¡duledar-wilesmar! Ar bato bemardi wegi yeer itodimalad.

Romanos 2:5

Ar be Bab-Dummadba-dabisulidbali, degi, be-isgued-mibisulidbali, Bab-Dummad-dulemar-sabsur-odurdakoed-ibagan-nonikoedga, na be dukin odurdakleged-dummad aminaid. A-ibagi, Bab-Dummad na e-igar-naboged-innikigwadi oyononikoed.

2 Corintios 6:10

Anmar bukib-binsaeyob dakleged, degi-inigwele, ulubgindi anmar nue-weligwar itodimalad. Dule-nue-wilegedyob anmar gudimalad, degi-inigwele, aimar-bukidar nue-ibmar-nikuega an imakdimalad. Ibmar-sateyob an gudimalad, degi-inigwele, anmar bela ibmar-nika gudimalad. Bela weyob an gudimaladgi anmar oyodimalad, anmar Bab-Dummadga arbaed-sunnad gumarye.

1 Timoteo 6:9

Ar dulemar-mani-ibedga-gubimalad, wilubdakleged-igar ega nonikile, galakuddamalad. Ar ibmar-isganabina-surbinsa-itoged-e-maiga guddamalad. Ar we-ibmar-isgana-ibmar-baisursunnagwadse, dule-bukidar san-burba isgudiid, degi, san yoggudimarbalid.

Santiago 2:5

Gwenadgan-sabesailamalad, nue an-itomar: Ar Bab-Dummad we-napneggi dule-wilegana susad, adi, Bab-Jesúsʼgi-bensuligued bur bule nikumalaga, degi, Bab-Dummad na e-sabmaladga na-e-negdakmaid-ukoye-sogsadi ega ukegarba.

Apocalipsis 2:9

Bela-be-ibmar-imakedi, an nue wisid. Boniganba-be-galitodiid an nue-wisbalid. Be-wilediid an nue-wisbalid, degi-inigwele, be ibmar nue-nika gudiid. Degine, Judíoʼmarye-na-sogdimalad, amar-be-ukabsadimalad an wisbalid. Ar wemar burbar Judíoʼsurmalad, unnila nia-saila-Satanásʼga-danar-ambikumalad-dulemalad.