Lucas 12:16 - Kuna San Blas

¹⁶ Geb degi, Jesús emarga burbar sunmakde, sogded: “Dule-mani-ibed ibmar-yaisur-nikad, e-nainugi ibmar-digsagu, ega nue-sanmaksado.

Bab dummad Jesucristoba igar mesisad garda

¹⁶ Geb degi Jesús emarga burbar sunmakde, sogded: “Dule-mani-ibed ibmar-yaisur-nikad, e-nainugi ibmar-digsagu, ega nue sanmaksado.

Lucas 12:16 Iomraidhean Croise

Job 12:6

Dule-ibmar-atursamaladi, e-negyagi na yeer itodimalad. Ar wemar Bab-Dummad-ourwedimaladid, Bab-Dummad-gege-anmar-oakaloye, sogdimaladid.

Job 24:23

Bab-Dummad dule-bulegan-dobsuli imaked, degi, egi bensuli imaked, degi-inigwele, Bab-Dummad amba we-dulemargi nakuleged.

Salmo 73:12

We-dule-isganamar dogdar-alamaknai dasurmalad, degite, baisursunna mani-ibedga guddamalad.

Salmo 73:3

Dule-san-dummarba-imakmaladgi an nobguded, we-dule-isganamar nasgumai an dakargua, an egi nobguded.

Ezequiel 16:49

”Be-urba-Sodoma, degi, dulemar-e-neggwebur-burwiganginmalad na san-dummarba-imakedgi, mas-obinebaka-nikadgi, degi, dule-gwen-bai-daksulidgi isgusmalad. Deginbali, dule-wileged, degi, dule-ibmar-sate-gudiid bendaksasulidgi na isgusmarbalid.

Oseas 2:8

Ar we-ome ani an ega masgunned-ukedye binsassulid, ani an ega vino-binigan-ukedye binsassulid, degi, olivo-gwallumar-ukedye, gwen binsassulid. Ar ani an ega manimar, olomar an ega omelosad. Degite, ¿igi-wede we-ibmarmar imaksasunna? ¡Aka Baal-bab-dummadyob-imaklemalad egi sobsad!

Mateo 13:8

”Ar ibmar-gwag-napa-nuedgi-babatismaladdi, nue-sanmaksamalad: Ibmar-gwag-abala, wilubba sanmaksamalad. Abala, nued-mergu sanmaksamalad. Abala, bela-belagwad sanmaksamalad.”

Mateo 5:45

Adi, bemar, be-Bab-nibneggi-maid-e-mimmiganga gumalagar, ar Bab-Dummaddi bela dulemar-nuegan, degi, dulemar-isganaga, dad-ibeler ogamaid. Degine, Bab-Dummad bela dulemar igar-innikii-imakmaladga, degi, igar-innikii-imaksurmaladga, dii owimaibalid.

Lucas 12:15

Degi, Jesús dulega sogdebar: —Nue salakar, ibmar-we-napnegginedbina-yaisur-itogeddaedgi nue salakarmar, ar ibmar-ichesur-nikadgi dule san-dula-gudiguosulid.

Lucas 12:17

Na wargwen dukin ulubgi binsadii, sogded: ‘¿Igi an saoe, ar bia an ibmar-gwag an sabogoe?’

Gusmalad 14:17

Degi-inigwele, Bab-Dummad wargwen anmar-obessulid, anmarga ibmar-nuegan-imakedba e-gangued, degi, e-sabgued oyomai gusad. Anmarga dii-owimai, yor-nued-ibmar-osanmaked nasikmai, mas unniguale ukmai, degi, weligwar-itoleged anmarga ukmai gusad.”