Lucas 11:9 - Kuna San Blas

⁹ ”Degisoggu, an bemarga sogdo: Bab-Dummadse be ibmar egismar, ar Bab-Dummad bega ukoed. Bab-Dummadgi be ibmar amimar, be amimaloed. Bab-Dummadse gatik be gormar, bega Bab-Dummad yawagak egaoed.

Bab dummad Jesucristoba igar mesisad garda

⁹ “Ar ani an bemarga soged: Be Bab Dummadse ibmar egismar, Bab Dummad bega ukmaloed; be Bab Dummadse ibmar amimar, be amimaloed; be Bab Dummadse gatik gormar, bega Bab Dummad yawagak egaoed.

Lucas 11:9 Iomraidhean Croise

Salmo 118:5

An bonigan-abalagi-gudiidgi, Bab-Jehováʼse an gochagusad. An gochagua, an-abin-imaksad, neg-olloledgi an-ogwisgunonikid.

Salmo 27:4

Bab-Jehováʼse unni ibmar-soggwen an egichisad, abi an abeged: E-neggi-degisadegu-gudigued an abeged. Adi, an Bab-Jehová-e-yeerdakleged dakega, e-neggi ese gordii gubaligar.

Salmo 27:8

An-gwage anga-soge an itoged: “Be Bab-Jehová-amie.” Bab-Jehová, an be-amied.

Salmo 34:10

Dule-mani-ibmala, dule-wilegedga nadmaloed, ukud-itodii gudmaloed. Dule-Bab-Jehováʼgi-bensur-gudimaladdina, ibmarsuli-gudii guosurmalad.

Salmo 34:4

An Bab-Jehová-amidigua, an-abin-imaknonikid. An ibmar-dobgudiidgi, an-ollor-imaknonikid.

Salmo 50:15

Bonigan-abalagi be gunaidgi, anse be gole, an be-bendaknonikoed. Bedi be an-nug-odummogoed.”

Cantares 5:6

An an-sui-nue-sabesailadga yawagak-egasgua, bar gwichisulid, an-idu naded. An-idu-nadedbali, an naibi itononikid. Aisaar an amisanad, an amissurgusad. An ese gornaigusbalinad, an-abin-imaksasurbalid.

Isaías 45:19

Gwen an bemarga we-napneg-naidgi negsichidgi-dukuar an sunmaksasulid. Degi, gwen an Jacob-waganga weyob sogsasulid: ‘Neg-olloledgi be an-amimalo.’ Ani an Bab-Jehová-guedgi igar-napiragwadbi an soged, degi, an igar-innikigwadbi soged.”

Jeremías 29:12

”Geb agine, bemar an-nug-odummodmaloed, be anse-wilesakwaa-gornonimaloedi, an bemar-itogoed.

Jeremías 33:3

‘Anse be gole, ani an be-abinsaoed, igar-dummagan-mamaid an bega sogoed, degi, ibmar-dukuar-mamaid an bega odalogoed. We-ibmarmar amba be wissulid.’

Daniel 9:3

Geb degine, an-Bab-Dummad-Dule-Dummadse an goted, an ega ise-wilegar ibmar-sogded. Aginbali, an mas guchasurbalid, an wile-itoged-mor yosbalid, degi, an bukib-itogedba, sogun-e-buru-birgi sigisbalid.

Mateo 21:22

Ar bela be nue-bensuli Bab-Dummadse-goledgi be egisele, be-ibmar-egised be abingaodo.

Mateo 21:31

Jesús Judío-dummaganse egisdesunnad: —We-masmala-warbogwad, ¿doa bur e-bab-sogedba ibmar imaksa be insae? Abin-sogdemalad: —Machigwa arbaapid. Jesús emarga sogded: —Deyobdo. Ar napira an bemarga soged, dulemar-Roma-dummadga-mani-gaedgi-arbamalad, degi, omegan-gambasamalad, amar bur bemarba Bab-Dummad-e-negdakmaidse dogoed.

Mateo 6:29

An bemarga sogmardo, degite, Salomónʼbela, mor-yeerdaklemalad-yosan-inigwele, ar dutumaryob gwen mor yossurgusad. Ar dutumar bur Salomón-morba yeer dakleged.

Marcos 11:24

A-ulale, an bemarga soged: Bab-Dummadse be gorsigusar, bela be-ibmar-egissiid bato be bela abingasye binsae, ar deyob be binsaele, be ibmar nikuoed.

Marcos 13:37

An bemarga sogedi, an bela dule-bamaladga sogmogad: ¡Mer gabmalo, nue nakulemalo!”

Lucas 11:10

”Ar bela dulemar-ibmar-egismaladi, ibmar abingamalad. Bab-Dummadgi-ibmar-amimaladi, ibmar amimalad. Degi, Bab-Dummadse gatik golele, ega yawagak egaleged.

Juan 14:13

An-nuggi bela an-Babse be ibmar egisele, an bega imakoed, adi, Bab na E-Machigi nug ganguegar.

Juan 15:16

”Bemar an-sussurmalad, ani an be-susmalad. An be-susmaladi, adi, bemar ibmar-nuegan imaknamalagar. Degine, bemar-ibmar-saedi, degisadegu guegar. Adi, ibu bela Babse an-nuggi be-egisbimardibe, Bab bemarga ukegar.

Juan 15:7

”Ar bemar angi akanaile, degine, an bemarga an-gayaburba-sogsadba be damalale, bemar ibu Babse egisbimala, bela bemarga guoed.

Juan 4:10

Jesús, abin-imakdegu, ega sogded: —Ar Bab-Dummad-ibmar-uked be wisina, degine, doa-dule bega soge: ‘Anga dii gobega be udaye,’ ese be dii egisoenad, degine, e bega dii-burba-nikad ukoenad.

Romanos 2:7

Dule-ibmar-nued-imakedgi-gwen-galakussurmaladga, burba-geg-bergued ukoed. We-dulemar ibmar-nued-imakedgi nug-gangued amidimalad, nug-nued-nikued amidimalad, degi, e-nug-degisadegu-biledigued amidimalad.

2 Corintios 6:2

Ar Bab-Dummad na E-Gardagi soged: “Iba-nuegangi an be-itosad, degi, abonoleged-ibagangi an be-bendaksad.” Isaías 49:8 Emigindi, iba-nued nagunonikid. Emigindi, Bab-Dummad-dule-abonoged-iba nagunonikid.

Hebreos 11:6

Ar dule Bab-Dummad-benele, geg Bab-Dummad-yeer-ito imaked. Ar dule Bab-Dummadse warmakbiele, nue-bensulirgebed, Bab-Dummad maiye. Degine, Bab-Dummad dulemar-e-amidimalad e-wisguega imakye.

Hebreos 4:16

Degisoggu, anmar Bab-Dummad-dulemar-sabgumaid-e-ologanase bensulidba walikgumarsun. Adi, Bab-Dummad wile-anmar-dakega, degi, bonigan-abargi anmar-bendake-wilubsulinadgi anmar-bendakegar.

Santiago 1:5

Ar bemar gwenna-gwenna amba binsaed-nikagued sulile, Bab-Dummadse be egismar, ar Bab-Dummad bega ukoed. Bab-Dummad dule-gwen-obansuli bela dulemarga binsaed-nikagued ise-obinagwar uked.

Santiago 5:15

Ar bensulidba-Bab-Dummadse-goled dule-uellemaid-nudakoed, Bab-Jesús a-dule-ogwichoed. Ar dule isgusale, e-isgued ega elilenonikoed, isgussuliyob gunonikoed.

1 Juan 3:22

Ar ibu anmar Bab-Dummadse-egichidele, anmarga Bab-Dummad ukoed. Ar ade, anmar e-Igar-Mamaidba nanadiid, degine, ar anmar Bab-Dummad-asabin ibmar-nuegan imakdiid.

Apocalipsis 2:24

” ’Ar bemar-abar-anba-nanaimalad-Tiatiraʼginmalad, bemar-igargan-isganaba-nanadisurmalad, degi, nia-Satanás-igargan-beedse-mamaidye-bimalad-durdakdisurmalad, an bemarga sogdo: Bemarga bar ibmar-baid-dutusur-imakleged an ukosurye.