Lucas 11:2 - Kuna San Blas

² Jesús, ega sogded: —Be Bab-Dummadse gollarmalar, weyob be sogmaloed: ‘Anmar-Bab, bedi nibneggi-maid, be-nug islidik obariledii gusun. Be-neg-dakmaid anmarse be sedage. Igi nibneggi be-sogedba ibmar-imaklege, deyob we-napneggi be anmarga imakdamo.

Bab dummad Jesucristoba igar mesisad garda

² Jesús, abin-sogded: —Be Bab Dummadse gollarmalar, weyob be sogmaloed: Anmar-Bab nibneggi maid, be-nug swilidik obariledii-gusun. Na be-neg-dakmaid anmarse dage. Be-ibmar na be-sogedba igi nibneggi imaklege, deyob we-napneggi-imaked be imakmo.

Lucas 11:2 Iomraidhean Croise

1 Reyes 8:43

nibneggi-mai be itogoed. Israel-dulemarsulid bese ibmar-egichialile, ega be sogedba ibmar-imakoed. Bela-dulemar-we-napneggi-bukwamalad, Israel-dulemaryob be-nug wisgunonimarmogoed, degi, be-dobee itononimaloed. Agi, an-bese-goled-neg-sobsadgi be-nug-odummolenaidi, magasar dakmaloed.

2 Reyes 19:19

Emigindi, Bab-Jehová-anmar-Bab-Dummad, we-dulegi wis be anmar-bendake, adi, dulemar bela we-napneggi be-wisgumalaga, unnila bebi Bab-Jehová wargwenna Bab-Dummadga maiye.”

2 Crónicas 20:6

Sogded: “Anmar-dadgan-e-Bab-Dummad-Jehováʼye, bee be nibneggi Bab-Dummadga maid. Bee be yarmar-baid-baid-nanaid semaid. Bee be gargandik maid. ¿Doa be-gangued-abin gwisguoe? Dule-gwisgued sate.

Salmo 103:20

Bemar, Bab-Dummad-e-baliwiturmar-dule-bulegan, bemar, Bab-Dummad-sogedba-ibmar-imakmaladi, bemar, e-igar-uksadba-nanadimaladi, Bab-Jehová-nug odummomar.

Salmo 108:5

Bab-Dummad, bedi nibneggi maid. Gandikidba-be-yeerdakleged bela napneg-ebilis naid.

Salmo 11:4

Bab-Jehová, e-neg-islidikidgi maid. Bab-Jehová, nibneggi ologanagi siid, e-ibyagwar dulemar-ibmar-imaked nue-dakmaid.

Salmo 57:11

Bab-Dummad, bedi nibneggi maid. Be-gangued-yeerdakleged bela we-napneg-gani naid.

Eclesiastés 5:2

Bab-Dummad-asabin, mer be ibmar sogdebin imako, deginbali, mer be gwae-gwae binsabalo. Ar Bab-Dummaddi nibneggi maid, bedi, napneggi gudiid. Degisoggu, nue-itoakwaa be ibmar sogo.

Isaías 63:16

Degi-inigwele, be, anmar-Babad, ar Abraham amba aku-anmar-dakele, degi, dad-Israel amba aku-anmar-dakbalile, be, Bab-Jehová, be anmar-Babad. Gusgu be Anmar-Ollor-Imakedye nugad.

Ezequiel 36:23

An-nug-islidikid-dummarba-gued an oyogoed, we-nug dulemar-yar-baid-baidgi-bukwamalad-abargi oicholesad. Bemar we-nug dule-bamalad-abargi oichosmalad. Bemar-abargi, an-isligwaled an oyosale, dulemar-yar-baid-baidgi-bukwamalad wisgumaloed, ani an Bab-Jehová gue. Ani an Bab-Jehová-Bela-Gangued-Nikadi weyob soged.

Daniel 2:28

Ar degi-inigwele, nibneggi Bab-Dummad gwensak-maid, abi ibmar-burbarmalad oduloged. Rey-Nabucodonosor, we-Bab-Dummad, ibagan-danikoedgi-ibmar-gumaloed, bega oyosad. Be gabmaigua, be weyob gabdaksad, degine, be weyob negburgan daksabalid.

Daniel 2:44

”We-reymar-ibagangine, Bab-Dummad-Nibneggi-Maid, na rey-wargwen-degisadegu-reyga-megoed barmidagoed. We-reygi, dule-baid bipisaar obinosulid. Ar we-rey bur yar-bamalad-obelogoed. We-rey, degisadegu reyga megoed.

Daniel 7:18

Degi-inigwele, Bab-Dummad-Bur-Birigined-e-sordagan-islidikmaladga negseleged uklegoed. Wemar, degisadegu na negsemaloed.’

Daniel 7:27

Geb degine, Bab-Dummad-Bur-Birigined-e-sorda-islidikmaladgala, bela we-napneggi yarmar-nanaid-e-nug-dummarbagued, ega uklenonikoed, gandikidba-negseleged, ega uklenonikoed e-yarmar-dummarba-gued, ega uklenonikoed. Bab-Dummad-sorda-islidikidmalad-e-negseleged degisadegu guoed. Bela we-napneggi dummagan-negsedimaladi, e-urbaligwa nanadii gumaloed, degi, eba ibsadii gumarbaloed.’

Oseas 14:2

Bab-Dummadga be ibmar-sogmaloedi, nue egi be binsamalo. Bab-Jehováʼse gannar be namar, ega be ise-wilesakwaa weyob be sogmaloed: ‘Be anmarga isgued elie, begi-isgussulidyob be anmar-dake. Wiledakedgi be anmar-abingae, ar anmar na be-nug odummobimalad.

Levítico 10:3

Geb Moisés, Aarónʼga sogded: “Bab-Jehová we, sogsa gusad. Deun sogsagusgu: ‘Dule anse warmakmaladga, an-islidik-gued an ega oyogoed. Bela dulemarga an-gangued-yeerdakleged an oyogoed.’ ” Agine, Aarón bar sunmaksasulid.

Levítico 22:23

Sunna be-itoleged ibmar-ukbiedba anga be moli-bebe-nikad, igi, sibad-wawaad-wis-bonigwaled uked. Ar ibmar-imakoye-sogsad-ular, ibdurgan-degiid be ukerdi, Bab-Jehová bei abingaosulid.

Habacuc 2:14

Ar igi-dii demar-enarkwaa sigisdae, deyobi napnega Bab-Jehová-e-gargangued-yeerdakleged magar-dake guoed.

Mateo 10:32

”Ar doa-dule dulemar-asabin na sogdibe, ‘an Cristoʼba naiye,’ an-Bab-nibneggi-maid-asabin an sogmogodo, ‘we-dule an-sapinye.’

Mateo 3:2

Weyob sognonikid: “Be-isguedga na be ulubgi bukib-binsamar, be-daed be ogwamarsun, ar Bab-Dummad-e-negdakmaid bemar-mosad.”

Mateo 5:16

Debayobi, gwallu gaeyobi, bemar dulemar-asabin damarmogo, adi, dule-baigan be-ibmar-nuegan-imakdiid dakmalagar, degine, be-Bab-Dummad-nibneggi-maid-e-nug ogannomalagar.”

Lucas 11:1

Ibagwengi Jesús neg-soggwengi Bab-Dummadse-gorsiid-bergusgu, e-sapin-wargwen ega sokalid: —Dummad, Bab-Dummadse-goledgi be anmar-odurdake. Igi Diigi-dule-oged-Juan e-sapingan-odurdaksamoga.

Romanos 1:7

Bemar, Roma-neggweburgi-bukmalad Bab-Dummadse-nue-sabguledimalad, degi, na egadga-guega bese-gochamalad, an bemarse garda narmaksiid: Bab-Dummad-anmar-baba, degi, Dummad-Jesucristo, bemargi nued binsamarsun, degi, ulubgi-bogidikid-itogega bemar imakbarsun.

Romanos 8:15

Ar bemar maiga-gued-burba abingassulid, adi, bemar gannar dobgudii gumalagarsulid. Ar bemar Bab-Burba-abingasadi, Bab-Dummad-mimmiga-gued-e-burbad. Abali, anmar binnasur gorsunnad: ¡Abba! A sogleged, babye.

1 Corintios 1:3

Bab-Dummad anmar-baba, degi, Dummad-Jesucristo, bemargi nued binsamarsun, degine, ulubgi-bogidikid bemar-itogega imakbarsun.

2 Corintios 1:2

Bab-Dummad, anmar-baba, degi, Bab-Jesucristo, bemargi nued-binsamarsun, degine, ulubgi-bogidik bemar-itogega imakbarsun.

Gálatas 1:4

A-Jesucristo anmar-Bab-Dummad-sogedba anmar-isgued-ular-burgwega na san uksad, adi, emi-ibagangi anmar mer bar ibmar-isganaba ebipiledii gumalaga, adi, mer bar neg-galagwensur-gunanaidba selemalagar.

Efesios 1:2

Bab-Dummad anmar-baba, degi, anmar-Dummad-Jesucristo, bemargi nued binsamarsun, degi, ulubgi bogidik bemar-itogega imakbarsun.

Filipenses 1:2

Bab-Dummad anmar-Bab, degi, Dummad-Jesucristo, bemargi nued binsamarsun, degi, ulubgi bemarga gwage-bogidik uksabarmarsun.

Filipenses 4:20

Bab-Dummad-anmar-bab-gued-e-nug, degisadegu odummolesun. ¡Ar deyobdo!

Colosenses 1:2

gwenadgan Colosas-neggweburgi Cristoʼba-nanaidse, degi, gwenadgan-gwen-galakudisurmaladse, we-garda anmar barmisiid: Bab-Dummad anmar-Baba, degi, Bab-Jesucristo, bemargi nued binsamarsun, degi, ulubgi-bogidik bemar-itogega-imakbarsun.

1 Tesalonicenses 1:1

Anmar Pablo, Silvano, degi, Timoteo, bemar-Jesúsʼba-nanaimalad-danar-Tesalónica-neggweburgi-ambikunonidamaladga, garda narmakmalad. Bemar Bab-Dummadgi, degi, Bab-Jesucristoʼgi-akananaimalad. Anmar-Bab-Dummad, degi, Bab-Jesucristo, bemargi nued binsamarsun, degi, e-ulubgi-bogidik bemarga uksabarsun.

1 Tesalonicenses 1:3

Bemar Jesúsʼgi-bensuli arbasmalad-ular, bemar sabedgi ibmar-imakmalad-ular, degi, anmar-Bab-Jesucristoʼbina nue bensuli-edarbedimaladgi be alamaknanaimalad-ular, anmar, anmar-Bab-Dummad-asabin, bemar-gwen-iedisurmalad.

2 Tesalonicenses 2:16

Anmar-Dummad-Jesucristo-sunnad, degi, Bab-Dummad anmar-baba, anmar-sabgusadi, anmar-wiledakedba anmarga gwage-armaked-geg-bergued-uksadi, degi, nue-bensulidgi anmarga ibmar-edarbediid-uksadi,

Apocalipsis 11:15

Baliwitur-gugled (7) e-gala-trompeta-ogotegu, nibneggi gayaburbamar-bukidar gole an itosad. Weyob sogmalad: “We-napneggi-negselemaid, bela anmar-Bab-Dummadgadga gunonikid, degi, E-Cristoʼgadga gunonibalid. Degisoggu, degisadegu, amar negdakmai guoed.”

Apocalipsis 15:4

Bab-Dummad, ¿doa be-dobguosuli? ¿Doa be-nug ogannogosuli? Ar bebi unnila dule-isligwaledid. Bela dule-yar-baid-baidgi-bukmalad bese nonimaloed. Amar, Bab-Dummad-be-dakedba, be-nug ogannomaloed. Ar be igar-innikigwad-imaked be oyononikid.”

Apocalipsis 19:6

Dulemar-bukidar-sunmakeyob, diwarmar-bukidar aryomaiyob, mar-dummagan gollomakmaiyob, gayaburba sunmak an itosad. Weyob sogmalad: “¡Aleluya! Ar Bab-Dummad-anmar-Dummad bela-gangued-nika-maid, bela negdakmai gunonisunnad.

Apocalipsis 20:4

Geb degi, ologanamar bukwa an daksad. A-ganmargi, dulemar-igar-nabomalaga-ega-igar-uklesmalad sigismalad. Geb dulemar-Bab-Jesús-nuggi-sunmakdigusmalad-ular, Bab-Dummad-Gayaburba-ular, dukar-argwachamalad-e-burbagan an dakalid. Ibdula-unid-e-nug gwen odummossurmalad. E-wilub-sobaled-nug gwen odummossurmarbalid. Wemar, e-bebegine, e-argangine, ibdula-unid-e-wilub nasissurmaladid. Amar an dakalid. Amar gannar durgunonimalad. Cristoʼba birga-miligwen (1,000) negdakmai gunonimalad.