Lucas 10:21 - Kuna San Blas

²¹ Geb agi Jesús, Bab-Dummad-Burba-Isligwaledba nue-weligwar ito naded, sogded: “Baba, an be-nug odummosun. Bedi, nibneg-e-dummadid, napneg-e-dummadid, degine, bedi, dulemar-ibmar-wismalad-idu, dulemar-ibmar-magar-itomalad-idu, we-ibmarmar odukusad, aku-ito be imaksad. Dulemar-baisursunnagwadga bur be osanalosad, adi, amar magar itomalagar. Eye, Baba, ar ade, deyob be abesad.”

Bab dummad Jesucristoba igar mesisad garda

²¹ Geb agi Jesús Bab Dummad Burba Nuedba nue-weligwar ito naded, sogded: “Baba, an be-nug odummosun, bedi nibneg, degine, napneg e-Dummadid, degine, bedi dulemar-ibmar-wismaladgi, dulemar-ibmar-magar-itomaladgi, an we-ibmarmar imaksad, aku-ito be imaksad, dulemar-baisursunnagwadga bur be osanalosad, adi amar magar itomalagar. Eye, Baba, ar ade deyob be abesad.”

Lucas 10:21 Iomraidhean Croise

Salmo 24:1

Bela we-napneg-naidi, bela egi ibmarmar-bukwadi, Bab-Jehováʼgadid. Bela yalagan-nanaidi, dulemar-egi-bukwadi, bela Bab-Dummadgadbiid.

Salmo 25:14

Bab-Jehová dulemar-e-nug-odummodimaladbo walikaa gued, amarga e-igar-mesisad sogbalid.

Salmo 8:2

Be-isdarmalad-begi-yolesad-ular, burwigan-namakedgi, mimmigan-namakedgi, be-nug-odummoged-igar be mesisad. Adi, be-isdarmalad, dule-begi-gwisgudimalad, be-abin gaya-maklegar sigegar.

Isaías 29:14

A-ulale, we-dulemar gannar ibmar-gegerdaklemalad-dakega an imakoed, geb geger dakdemaloed. E-dule-binsaed-ibegan e-binsaed-nikadi, an ei osulogoed, degi, e-dule-nue-ibmar-wismalad ibmar-wissulidga an imakoed.”

Isaías 35:8

Agine, igar-dummadsaar mai guoed. A-igar, Igar-Islidikidye bilegoed. Dule-isgudimalad egi gwen nanaosulid. Dulemar-uaya-satedamalad egi gwen iirmakosurmogad. Unnila dulemar we-Igarbarbi-nanadimaladbi egi nanamaloed.

Isaías 53:11

Sabsur-wilegoed-sorbali, magar-daknonikoed, e-sabsur-wilesadi, binsa wilessuli, degidbali na yeer-itononikoed. Bab-Jehová soged: “An-mai-innikigwadi, e-ibmar-wisidbali, dulemarga igarmar nabogoed. E na dule-ibmar-isgana-imaked sedoed.

Isaías 62:5

Ar sapingwa na e-yagwabo-nikunaiyobi, gannar-be-urbed, deyobi bebo nikuoed. Ar igi-sapingwa yagwa-ebo-nikuoedgi weligwar-itodae, deyobi, be-Bab-Dummad, begi yeer itogoed.

Isaías 66:1

Bab-Jehová weyob soged: “Nibnega an-ologana gued, napneg an-nag-onakwed gued. ¿Ibi-neg be anga sunna sobsamarsunnale? An-obunnoged-neg, ¿bia be anga sobmalosunna?

Sofonías 3:17

Ar be-Bab-Dummad-Jehová bemar-abargi gudiid. Ar Bab-Jehová dule-bila-onoged-nakwisad gued. Ibamargineyobi, Bab-Jehová begi weligwar itogoed. Gannaryobi e-sabgued bega oyogoed,

Mateo 16:17

Geb degi, Jesús abin-sogdemogad: —Simón, be Jonás-machi, begi nued binsalesad. Ar dule we-ibmar bega sogsasulid. An-Bab-nibneggi-maid, a bega we osanalosad, an Cristoʼye, an Bab-Dummad-Machi-sunnadye.

Mateo 21:16

Amar Jesúsʼga sogdemalad: —¿Burwigana ibmar sogbukmalad be itoge? Jesús, abin-sogded: —Eye, an itoge. ”¿Ar bemar Bab-Dummad-Gardagi absodisurmarsi? ‘Burwigangi, degi, amba mimmigan-nunanaidgi, amar-sunmakedgi be-nug-odummoged be imaksad.’ ” Salmo 8:2

Mateo 3:7

Juan dakalid, Fariseo-sordamar, degi, Saduceo-sordamar, bukidar ese Bab-Dummad-diigi-ogleged-igar imakdaniki, amarga sogded: “¡Ar bemar naibe-bulegan-e-mimmiganyob gumalad! ¿Ar doa bega sogsamala, bemar Bab-Dummad-nue-urwedanikoedgi sunna be wakinmaloye?

Marcos 10:15

Napira an bemarga sogmalad, ar dule-wargwen Bab-Dummad-e-negdakmaid mimmiganyob abingasulile, bipisaale Bab-Dummad-e-negdakmaidse dogosulid.”

Lucas 15:5

Be amisale, be-gukingi weligwar-ito be mesisaled.

Lucas 15:9

”Ar mani amisale, na e-aimarse gologu, e-neg-dikarba-mamaidse gorbalogu, amarga sogdagodo: ‘Weligwar be anba itomarmo, ani-mani-yoggusad an amisad.’

Juan 11:41

Geb dule-burgwisad-diglesad-dogedgi akwa-dummad-siid onirismalad. Geb degi, Jesús niba-atakdegu, sogded: —Baba, be an-itossoggu dog-nuedye an bega soged.

2 Corintios 4:3

Ar anmar-Bab-Dummad-Gayaburba-Nued anba dulemarga dukuar maile, we-dulemar-amba-yoggus-gudidimaladga dukuar maido.

Efesios 1:11

Bab-Dummad na e-itolegedba ibmar-sabied-imakedba iduar Cristoʼgi anmar-susad, adi, Cristoʼba anmar ibmar nikumalagar.

Efesios 1:5

Bab-Dummad anmar-sabedba Jesucristoʼgi-e-mimmiganga-anmar-imakega, iduar bato anmar-susad. Ar ade, Bab-Dummad na yeer-itogedba, na e-sogedba deyob anmar-susad.