Lucas 1:51 - Kuna San Blas

⁵¹ Bab-Dummadi, e-gangued na e-arbaedgi oyosad, dulemar-na-san-dummarba-imakdimalad-osulosad.

Bab dummad Jesucristoba igar mesisad garda

⁵¹ Bab Dummad e-gangued na e-arbaedgi oyosad, dulemar-na-san-dummarba-imakdimalad-osulosad.

Lucas 1:51 Iomraidhean Croise

Génesis 11:8

Deyobi, Bab-Jehová belagwapa we-napneggi dulemar-osakisad. Degisoggu, we-neggwebur bar sobsasurmalad.

Génesis 6:5

Bab-Jehová dakalid, we-napneggi dogdar dulemar-isgued mergugusa, degine, we-dulemar unnila ibmar-isgana-imakedginbi binsadimala.

Génesis 8:21

Ibmar-ogumakaled-yeer-yapanned Bab-Jehováʼse-mosgu, Bab-Jehová sogded: “We-napneg dulemar-isgued-ular, bar an ukabsaosulid. Ar dulemar gusgu na sapingwagwad-akar e-gwagegi unnila isguedginbi binsadimalad. Degine, an emi-imaksadyob, muusailaba bela ibmar-dula-gudidiid bar an ogilogosulid.

Salmo 118:15

Dule-inniki-gudimalad, weligwaledgi oimakdemalad, bendaklenonimaladba e-neg-e-neggi weyob binnasur-gotemalad: “Bab-Jehová e-garganguedgi ibmar-bulegan imaked.

Salmo 33:10

Bab-Jehová, dule-yar-baid-baidgi-bukmalad-igar-amimalad-ibe ei igar bisged. Dule-yar-baid-baidgi-bukmalad-igar-amimalad-ibe ei igar obured.

Salmo 52:9

Bab-Dummad, andi be-ibmar-imaksadba be-nug-odummodii guoed. Bede dar dule-nuedsoggu, begine an bensuli gudioed. Dule-nuegan-abargi an bese gordii guoed.

Salmo 63:5

Mas-nued-immerba-guchayobi an yeer-itogoed. An yeer-itogedgi bega namakoed.

Salmo 89:10

Be ibdula-dummad-Rahabʼye-nugad, maataa be oburgwisad. Bela-bela be gangued-nikadba be-isdarmaladgi be nakwisad.

Salmo 89:13

Bab-Jehová, bela-bela be gangued-nikadba be ibmar-dummagan imaked. Be-argan-nued be onakwed, ar be emargi obichad.

Salmo 98:1

Bab-Jehováʼga namakleged-binidgi be namakmala, ar ibmar-dakledisurmalad imaksad. E-ganguedgi, e-swida-gandikidgi, e-isdarmaladgi nakwisad.

Éxodo 18:11

”Deginbali, Faraón dulemar-baisursunnagwadiyob bemar-imaksabalid. Ar emigindi, Bab-Jehová Egipto-dulemar-sabsur-imaksadba nue an wissunnad, we-Bab-Jehová, baigan-bab-dummadye-sogmaladba bur-dummadid.”

Isaías 40:10

”Bab-Jehová-gandikidba-danikid, be dakmar. Bab-Jehová e na negsemaid. E-dulamar-ollor-imaksadi, ebali nidanikid. Ibidar-nued-amisadi eba sedanikid.

Isaías 51:9

Bab-Jehová, ¡be atake! ¡Be atake! ¡Gandikid-mola be yoe! Epenne be-gangued be-dulamarga-be-oyosayob be oyoge. ¿Ar bee be, Rahab-obelossursi? ¿Ar bee be, ibdula-demargined obelossursi?

Isaías 52:10

Bab-Jehová, bela dulemar-yar-baid-baidgi-bukmaladga e-gangued oyogoed. Bela napneg-naid-ugakaase-bukmaladi, anmar-Bab-Dummad-e-abonoged dakmaloed.

Isaías 63:12

Dule e-gangued-nikadba Moisés-argan-nuedsik, Moisésʼba nadapigusad, emide, ¿bia nade? Bab, dulemar-asabin demar-egasad, adi, degisadegu e-nug-dummarba-guega, ¿wede bia nade?

Jeremías 49:15

”Edom, an, neggwebur-baiganba bipii be-imakoed, dulemar-abargi mesagwar an be-imakoed.

Daniel 4:37

Emigindi, ani Nabucodonosor, Rey-Nibneggi-Maid-e-nug, an bela-bela odummoged, degi, ogannobalid, ar ade, innikigwadba, degi, sogedba ibmar-imaked. Deginbali, dule-na-san-dummarba-imakdiid-e-nug bipii imakbalid.

Romanos 1:21

Ar dulemar-we-napneggi-bukmalad Bab-Dummad-wisgusmar-inigwele, degite, Bab-Dummad-nug gwen odummossurmalad. Degine, dog-nuedye ega gwen sogsasurmarbalid. Aka bur yogasaar ibmar-isgana-galagwensuli-imakedgi binsamalad. Degine, e-binsaed-isgusadbali, igar-nued-akudake gunonimarbarsunnad.

2 Corintios 10:5

Degine, anmar igarmar-Bab-Dummadgi-yolemamaid an obelodimalad. Deginbali, san-dummarba-imakleged Bab-Dummad-mer-wisguega-imaked an obelodimarbalid. We-ganguedba, anmar dulemar-isgudiid-e-binsaed-ogwaega an alamaknanaimalad, adi, Cristoʼba ibmar-imakmalagar.

Deuteronomio 4:34

Ar Bab-Dummad dulamar-bamalad-abargi dulamar-bukwad-gwensak-suegala, igar-bulegan-oyonai gualid, ibmar-wilubgan-oyonai gualid, ibmar-dakledisurmalad-oyonai gualid, bila-onoleged-ononai gualid. Degi, ibmar-gegerdaklemalad gandikidba-oyonai gualid, bela gargangued-oyonai gualid. ¿Biti-bab-dummad deyob ibmar-imaknai be daksamala? Suli. Deyob bab-dummad-baid ibmar-imaknai be daksasurmalad. Unnila be-Bab-Jehováʼbi bela-Egipto-yargi bemarga ibmar-imaksad be daksamalad.

1 Pedro 5:5

Sapingana, bemarmoga, girmar-selegan-urbaligwa ibmar-imakdii be gumarmo. Degine, bela na be muchub-muchub urbaligwa be nanamar, degi, san-bipi na be imakmar. Ar ade: “Bab-Dummad, dule-na-san-dummarba-imakdimaladgi gwisgudaed. Ar dule-san-bipi-imakmaladdi, Bab-Dummad amar-bendakdaed.” Proverbios 3:34

Apocalipsis 18:8

Degisoggu, unnila ibagwen-abalakwaa e-bonigan egi yolenonikoed: Burgwed egi nonikoed, boed egi nonikoed, ukudmesed egi nonikoed, degine, soogi gummakoed. Ar ade, Bab-Dummad-Bur-Birigined-Igar-Nabogedid, bela-bela gangued nikad.”