Lucas 1:49 - Kuna San Blas

⁴⁹ Bab-Dummad-Bela-Gangued-Nikadi, anga ibmar-dummagan imaksad, e-nug, Isligwaledye nugad.

Bab dummad Jesucristoba igar mesisad garda

⁴⁹ Ar Bab-Dummad-Na-Gangued-Bela-Nikad, anga ibmar-dummagan imaksad, e-nug, ber swilidikidye nugad.

Lucas 1:49 Iomraidhean Croise

Génesis 17:1

Abram birga-dulabake-gakambe-gakabakebak-nikadgine (99), Bab-Jehová ese magarononikid, ega sognonikid: —Ani, an Bab-Dummad-Bela-Gangued-Nikadid. An-sogedba be nue-innikii nanadii guo.

Salmo 111:9

Bab-Dummad na e-dulemar-galebukwad ollor-imaksad. Degisadegu na ebo Igar mesisad. ¡E-nug-isligwaled, bur gannarbadid!

Salmo 24:8

¿We doawa, Rey Gandikidba-Yeerdakleged? We-Rey, Bab-Jehová-Dule-Gandikidid, dule-buledid. Bab-Jehová bila-onogedgi dule-buledid.

Salmo 99:3

¡E-nug-dummad, e-nug-buled odummomala! ¡Bab-Jehová, dule-isligwaledid!

Salmo 99:9

Anmar-Bab-Dummad-Jehová-nug odummomala, e-yar-islidikidgi, e-nug odummomala. ¡Anmar-Bab-Dummad-Jehová, dule-isligwaledid!

Éxodo 15:11

Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!

Isaías 1:24

A-ulale, Israel-dulemar-e-Bab-Jehová-Bela-Gangued-Nikad, weyob soged: “¡Wese ugaksun! An-isdarmaladga an igar nudakoed, an-isdarmalad an buged imakoed.

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Isaías 6:3

Muchub-muchubbi, binnasuli sognanaid: “Bab-Jehová-Bela-Gangued-Nikadi, Bab-Jehová-Isligwaledid, Isligwaledid, Isligwaledid. Bela napneggi e-gangued-yeerdaklegedi neg-gasa naid.”

Isaías 63:1

Edom-yar-akar danikid, ¿wede doawa? Bosra-neggwebur-akar mor-ginnidbi-yoi danikid, ¿wede doawa? Mor-nudakar-yoi danikid, ¿wede doawa? Gandikidba binna-binnagwad danisulid, ¿wede doawa? “Ani an danikid. An igar-innikigwadba-sunmakedid, an dule-abonogega-gangued-nikadid.”

Jeremías 10:6

Ani Jeremías sogded: “Bab-Jehováʼye, dule beyobid sulid, bedi dule-dummadid, be-nuga gandiki gued.

Jeremías 20:11

”Degi-inigwele, Bab-Jehová, bee be anba gudiid, bila-onoged-gandikidyob be anba garmakdiid. Degisoggu, dulemar an-balegindimaladi, angi obinosulid, anse galakumaloed, igarga guosurmalad, bingedar itomaloed. Degisadegu, suli-suli-itodii gumaloed, bipisaale dulemar we-ibmar iegosurmalad.

Marcos 5:13

Degisoggu, Jesús, sinmar-bukwadse niaburbamar-barmisad. Niaburbamar dulegi-nodmargua, sinmargi ubodapid. Sinmar-milibo-yar-wereged-naba-bukwadi (2,000), mata-dummadse babatidapid, bela sinmar gundilegar burgwismalad.

Lucas 1:48

An e-mai-bundor-binsaled-inigwele, Bab-Dummad an-sunonikid, nued angi binsanonikid, emigindi, bela dulemar angi sogmaloed, nued-egi-binsalesad-duleye.

Lucas 1:50

Bab-Dummad dulemar-e-dobee-nanadimalad wile daked, degine, a-e-waganse-bakar, wiledakdii sadeguoed.

Efesios 3:20

Emigindi, Bab-Dummad e-gangued-anmargi-arbanaidba, anmar ese ibmar-egised, anmar-ibmar-mag-itoged, bur bule nabir anmarga ibmar imaked.

Apocalipsis 15:4

Bab-Dummad, ¿doa be-dobguosuli? ¿Doa be-nug ogannogosuli? Ar bebi unnila dule-isligwaledid. Bela dule-yar-baid-baidgi-bukmalad bese nonimaloed. Amar, Bab-Dummad-be-dakedba, be-nug ogannomaloed. Ar be igar-innikigwad-imaked be oyononikid.”

Apocalipsis 4:8

Wemar-ibdula-walabakegwadi bela sakan nergwa (6) nikadbimalad. E-sakan-birgine, degine, e-sakan-urbali, bela ibyagibi dakleged. Mutikidbali, degi, ibginedbali, weyob-soged gwen bogilenaisurmalad: “Bab-Dummad-Bur-Biriginedi, Bab-Dummad-Isligwaledid, Bab-Dummad-Isligwaledid, Bab-Dummad-Isligwaledid. Bab-Dummad-Bela-Gangued-Nikad, gudigusad, Bab-Dummad-Bela-Gangued-Nikad, gudiid, Bab-Dummad-Bela-Gangued-Nikad, gudigubaloed.”

1 Samuel 2:2

”Bab-Jehováʼyobid, dule-isligwaled sated, Bab-Jehováʼyob-anmar-odukued dule sulid. ¡Bab-Jehováʼyobid, dule sated!