Lucas 1:20 - Kuna San Blas

²⁰ We-ibmar-an-bega-sogsad e-ibagan mosale, we deyob gunonikoed. Emide, be an-bengussoggu, geg bar sunmake be guoed. Be-mimmi-gwalulesad-sorba, geb be gannar sunna sunmake gunonibaloed.

Bab dummad Jesucristoba igar mesisad garda

²⁰ We-ibmar-an-bega-sogsad e-ibagan mosale, we deyob gunonikoed. Ar be an-bengussoggu, geg bar sunmak be guoed. Be-machi-gwalulesad-sorba geb be gannar sunna sunmak-gunonibaloed.

Lucas 1:20 Iomraidhean Croise

2 Reyes 7:19

Dule-rey-bendaked Eliseo-abin, weyob sogsagusad: “Ar Bab-Jehová deyob na ibmar imakoye sogele, ar amba guosurye.” Geb Eliseo ega sogsa gusad: “Be-sunnagwad na be dakoed, degi-inigwele, we-ibmar be gwen gunnosur-guoed.”

2 Reyes 7:2

Dule-rey-bendaked, Eliseo-abin sogded: —¡Suli! Ar Bab-Jehová deyob na ibmar-imakoye sogele, ar amba guosulid. Geb Eliseo ega sogded: —Be-sunnagwad na be dakoed, degi-inigwele, we-ibmar be gwen gunnosulid.

Éxodo 4:11

Ar Bab-Jehováʼdi Moisés-abin sogded: —¿Ar wede doa, dulega gaya sisa? ¿Wede doa, dule-geg-sunmaked imaksa? ¿Wede doa, dule-uaya-yalliled imaksa? ¿Wede doa, dule-aku-ataked imaksa? ¿Wede doa, dule-mag-ataked imaksasunna? ¿Ani an Bab-Jehová-guedgi imaksasursi?

Isaías 7:9

Samaria-neggweburbi Efraín-yala-e-nonoga wis-simogad, Remalías-machidi, Samaria-neggwebur-e-reyga wis-maimogad. Ar bemar angi benmalale, bemar wegi ambikuosurmalad.’ ”

Ezequiel 24:27

A-ibagine, be-gwabin bega nollomakdoed, geb nabir be sunmakdoed. Geb degine, dule-wakicha-nonikidbo be sunmakoed. Wemarga be wilubga guoed, degidbali, na wisgumaloed, ani an Bab-Jehová gue.”

Ezequiel 3:26

Be-gwabin aibirgi achaa-naguega an imakoed. Degidbali bar-sunmaksuli be guoed. Wemarga bar be ibmar-sogosulid, ar uaya-satemaladid.

Daniel 10:15

”Weyob anga ibmar-sognaigua, unnila an napaginbi atakgwichid, an gaya-makles gwisgusad.

Números 20:12

Bab-Jehová, Moisésʼga, degi, Aarónʼga, sogded: “Ar ibmar-an-bega-sogsad be bengusmarsoggu, Israel-dulemar-asabin be an-nug-odummossurmarsoggu, we-dulemarga-yar-an-uknaidse we-dulemarba be dogosurmalad.”

Marcos 16:14

Geb napidgine, Jesús na e-sapingan-ambe-gakagwensakad-mas-gunbukwadse (11) na sanar magarosad. Jesús, e-sapingan amba egi benmarsoggu, degi, dulemar-gannar-e-durgusad-daksamalad-ega-sogsad benmarbarsoggu, na e-sapinganga binnasur ibmar sogsagussunnad.

Marcos 9:19

Jesús, abin-sogded: —¡Bemar Bab-Dummadgi-bengumalad-dulemar! ¿Sanagwadse an bemar-abargi gudiguoe? ¿Sanagwadse be ibmar durdakmaloe? Anga be-machigwa be seda.

Lucas 1:19

Baliwitur abin-imakdegu, ega sogded: —Ani an Gabriel-gued, Bab-Dummad-asabin, Bab-Dummad-sogedba an ibmar imakega an gwichid. Ani an bega sunmakega, we-gayaburba-nued-sogega an barmilealid.

Lucas 1:21

Ar dulemardi, magaba Zacarías edarbebukmalad. Degi, ibiga Zacarías dikasurgus Bab-dummadse-goled-neg-islidikidyaba yoggumaiye binsaarmalad.

Lucas 1:22

Zacarías agi noargu, geg emarga sunmake gusad. Agi magar daksamalad, we, Bab-Dummadse-Goled-Neg-Islidikidgi wis ibya-apurus danikirgebye. Zacarías dulemarga sunmaksasulid, unnila argangi-oyogar emarga sunmaksad.

Lucas 1:45

Be we-ibmar bengussulidba begi nued-binsalesad. Ar Bab-Dummad-bega-ibmar-sogsadba we-ibmar bela bega guoed.”

Lucas 1:64

Geb a-gines, Zacarías gannar nabir sunmakded. E-gwabin-bipinmakdegu, Bab-Dummad-nug ogannoded.

Romanos 3:3

Ar napiragwa, Judíoʼmar-gwen-gwena Bab-Dummadgi-bengusmalad. Ar deyob-gusadbali, ¿Bab-Dummad na e-ibmar-imakoye-sogsadi, bar imakosur be insae?

2 Timoteo 2:13

Anmar Jesús-obanmalale, Jesúsʼdi anmar-obanosurguoed. Ar Bab-Jesúsʼdi gege na gakansaed.”

Tito 1:2

We-dule-sulearmalad bensulidgi burba-geg-bergued edarbedii gumaloed. Ar ade, Bab-Dummad geg-gakansaedi, bato iduar, gebe-negasailaun sogsagusad, burba-geg-bergued ukoye.

Hebreos 6:18

Yoedse-ibmar-imakoye-sogsadba, degi, ise-sogar-sogsadba, imaksad. We-ibmar-sogbogwad-geg-gwagedgi, Bab-Dummad sogsad. Degisoggu Bab-Dummad geg gakansaed. Bab-Dummad-anmar-edarbed-abediidgi anmar-gwage nue ogannosmarsunnad.

Apocalipsis 3:19

” ’An bela dulemar-sabedga binnasur ibmar an sogdaed, sabsur an odurdakdabalid. Degisoggu, gatik Bab-Dummad-ibmarbina be sogmar. Mer bar isguega, be-daed be ogwamarsun.