Lucas 1:18 - Kuna San Blas

¹⁸ Degi, Zacarías baliwiturga sogded: —Degite we-deyob-guoedi, ¿igi-an wisguosunna? Ar ande seredgusad, an-omede bato seredgusmogad.

Bab dummad Jesucristoba igar mesisad garda

¹⁸ Degi Zacarías angerga sogded: —¿Degite igi an wisguosunna be-anga-soged we deyob guoed? Ar ande seredgusad, degi, an-omede bato seredgusmogad.

Lucas 1:18 Iomraidhean Croise

Génesis 15:8

Abram Bab-Jehová-abin sogded: —Bab-Jehová-Bela-Negsemaid, degite, ¿igi nue an wisguosunna, we-yarde nue angadga guoe?

Génesis 17:17

Abraham napase e-bebe-ebugedse dulluu imaksad, geb allided. Agi, binsaded: “¿Ar wede dule-birga-dulatar-nikad (100) sunna babga gusi? ¿Ar wede Sara birga-dulabake-gakambe-nikadgi (90) sunna nanga gusi?”

Génesis 18:12

A-ulale, Sara allided, ulubgi binsaded: “Bato ande selebagusad, degi, an-suide selebagusmogad. Wegiid an bar dakosur-itole. ¿Ar wede sunna an bar mimmi nikuosi? Geg bar an nikued.”

2 Reyes 7:2

Dule-rey-bendaked, Eliseo-abin sogded: —¡Suli! Ar Bab-Jehová deyob na ibmar-imakoye sogele, ar amba guosulid. Geb Eliseo ega sogded: —Be-sunnagwad na be dakoed, degi-inigwele, we-ibmar be gwen gunnosulid.

Isaías 38:22

Geb degi, Ezequías, Isaíasʼga sokalid: —An nabir Bab-Jehováʼse-goled-negse naknaega, ¿ibi-wilubgi nabir magar an daksale?

Lucas 1:34

Geb degi, María, baliwiturga sogded: —¿Ar wede igi guosunna? Ar amba an yagwad.

Lucas 1:7

Ar amarde, mimmi-satemalad, ar ade, Elisabet geg mimmi-baked, degine, bato amarde, seredgusmarbalid.

Romanos 4:19

Abraham na e-sangi binsadgu, bato burgwed omosa-itoged. Deun bato birga-dulatar-gubin (± 100) nikad. Degite, Bab-Dummadgi-bensulid gwen galakussulid. Degine, Abraham, e-ome-Saraʼgi binsadgu, mimmi-baked-e-ibagan bergusye, geg guodeeye gwen binsassurbalid.