Lucas 1:16 - Kuna San Blas

¹⁶ Deginbali, we-mimmi gannar Israel-dulemar Bab-Dummad-Jehováʼba-nanamalaga imakoed.

Bab dummad Jesucristoba igar mesisad garda

¹⁶ Deginbali, we-machi gannar Bab-Dummad-Jehováse, Israel-dulemar-bukidar obirnai-guoed.

Lucas 1:16 Iomraidhean Croise

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Daniel 12:3

Dule-binsaed-ibegana nibneg-gaeyobi, e-nug-ogannoledii guoed. Igar-innikigwadgi dulemar-odurdakdimaladi, niisgwamar-gaeyobi, degisadegu e-nug-ogannoledii guoed.

Malaquías 3:1

Bab-Dummad-Bela-Gangued-Nikad weyob soged: “An-gayaburba-berbeged an barmidasokalid, adi, an-iduar igar-mayegar. Ukiagwale be dule-dummad-amidimalad Bab-Jehováʼse-goled-negse nonikoed. Bemar bela-bela-dule-edarbediid igar-mesisad-gayaburba-berbeged-dule bato danikid.”

Mateo 21:32

Ar bemarse Juan igar-napiragwadgi sunmaknonimar-inigwele, bemar eba ib-imaksasurmalad. Ar Roma-dummadga-mani-gaedgi-arbamaladdi, degi, omegan-gambasamaladdi, e-sogsad bengussurmalad. Ar bemar a-ibmar daksamarmo-inigwele, bemar we-igar abingamogaga, degite, gwagegala, be-isguedga gwen bukib be itossurmalad.

Lucas 1:76

”Mimmi, bedina, Bab-Dummad-Bur-Dummad-e-gayaburba-barsogedye be bilegoed. Ar bede, Dule-Dummad-barmiledagoye-sogsad-idu, igar-mayega nadapi guoed.

Lucas 3:3

Juan bela Jordán-diwar-dikarba-neggwebur-bukmaladse nadegusad. Dulemarga Bab-Dummad-diigi-ogleged-igargi sunmakdii gusad, degi, na e-isgumaladga bukib-binsamarye sogdii gusad. Adi, e-daed gwagmalagar, adi, isguedgi abonolemalagar.