Lucas 1:15 - Kuna San Blas

¹⁵ ”Ar be-mimmide, Bab-Dummad-asabin dule-dummadga guoed. Vino gobosulid, degi, inna-gagbid gobosurbalid. Degine, amba muu-neggi mai, bato Bab-Dummad-Burba-Isligwaled bela-bela nika guoed.

Bab dummad Jesucristoba igar mesisad garda

¹⁵ “Ar be-machide Bab-Dummad-asabin dule-dummadga guoed. Vino, degi, inna-gaibid gobosulid, degine, amba muu-neggi mai, bato Bab Dummad Burba Nued bela-bela nika-guoed.

Lucas 1:15 Iomraidhean Croise

Génesis 12:2

Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.

Génesis 48:19

Ar e-bab-Jacobʼdi yapa deyob imakgusad. Geb José-abin sogded: —¡Machi, bato an wisi! Ar Manasés amba dule-nue-nug-nikadga gumogoed. Degi-inigwele, e-urba-Efraínʼdi bur bule nug-nika guoed, degi, e-wagangi dulamar-bukidar akar-akar ainidagoed.

1 Crónicas 17:8

Ar bia be naddibe, an beba gudii daed. Degine, an be-isdarmalad bega obelosbalid. Ani, an be-nug we-napneggi odummobaloed. Dulemar-nug-bur-dummarba-megismaladyobi, an be-nug odummogoed.

1 Crónicas 29:12

Begi bela ibmar-nuegan-gargermalad danikid. Begi bela nug-dummarba-gued danikid. Bela be negsemaid. Beginbi unnila gargangued maid. Ar be emar-ogannomaid, ar be dule-odummomaid.

Salmo 22:9

Bab-Dummadye, sapidukugi-an-maigu, bee be an-odenonikid. An-nan-nukugi nue-obunnogega be an-imaksabalid.

Jeremías 1:5

“Jeremías, amba yoo be sapibeneggi-mege bato an be-susad. Amba yoo be gwalulege, bato angadga an be-imaksad. Dulemar-yar-baid-baidgi-bukmaladga an-gayaburba-barsogedga bato an be-nug-imaksad.”

Jeremías 35:6

Recab-wagan an-abin weyob sokarmalad: “Anmar wissur-vino gobmala, anmar-dad-dummad-Recab-machi-Jonadab anmarga weyob igar uksad: Melle bipisaale vino gobmaloye, degi, be-waganse-bakale, vino gobosurmarmoye anmarga sogsad.

Levítico 10:9

“Be, degi, be-masmala dulemar-anbo-ambikued-negse dogsokarmalale, bemar bipisaale vino, degi, sisa gobosurmalad. Ar degisulile, bemar burgwemaloed. We-igar be-waganga degisadegu-mai guoed.

Zacarías 9:15

Bab-Jehová-Bela-Gangued-Nikad na e-sordamar-bendaknonikoed. E-sordamar, e-isdarmalad-e-gingimar bela obelogoed. Vino-gobeyobi ablis gobmaloed abali, mummu-gunanaiyobi, allenanaioed. Igi ablis ibmar-ogumakar-ukleged-ailagi-eolegega nogmargi enoledae, deyobi, ablisbi-moodo gudimaloed.

Lucas 1:14

Be mimmi-nikuoedba, be yeer itogoed, be weligwar itogoed, degine, be-mimmi gwalulenonikir, bukidar dulemar egi weligwar itomarmogoed.

Lucas 7:28

”Ani an bemarga soged: Dulemar we-napneggi-gwalulemaid, Diigi-dule-oged-Juanʼba bur-dummad sated. Ar degite, Bab-Dummad-e-negdakmaidgi bur dule-bipigwadi, Juanʼba bur-dule-dummadid.”

Lucas 7:33

”Diigi-dule-oged-Juan we-napnegse nonigu, dule-baiganyob mas-gunsuli, degi, gobsuli gudigusad. E-annik bemar sogsamalad: ‘Wedi nia egi naiye.’

Juan 5:35

Ar igi acha-gwallu gummake, degine, mee-gae, deyobi, Juan gudigusad. Ar bemar unnila a-gwallugine wis-ichesaar yeer-itodii abesmalad.

Gusmalad 2:4

Belagwapa dulemar-bukwadgi Bab-Dummad-Burba-Isligwaled ubononikid. Degidbali, gangudmalad, gaya akar-akar sunmakdemalad. Bab-Dummad-Burba-Isligwaled ega gaya-ukedba, sunmakdemalad.

Gálatas 1:15

Ar Bab-Dummad na nabir-itogedba, amba an sapibeneggi-mai, an-susad. Ar Bab-Dummad nabir angi binsaewilubsulinad, degite, an-abonogega anse gochad.

Efesios 5:18

Degine, melle be mumgumar. Ar mumguedi, galagwensuli dule-onanae imaked. Bur bela-bela Bab-Dummad-Burba-Isligwaledse-seledii na be imakmar.

Josué 3:7

Geb sorbali, Bab-Jehová Josuéʼga sogsad: “Emi-iba-onodedgi Israel-dulemar-asabin an be-nug odummodoed. Deyobi, Israel-dulemar magar dakmaloed, igi an Moisésʼba gudigusa, deyobi an beba gudimogoed.

Josué 4:14

A-ibagine, Bab-Jehová Israel-dulemar-asabin Josué-e-nug odummosad. Israel-dulemar, ar igi-Moisés-dulagudigu, Moisésʼgi binsaed-nikaa gusmala, deyobi Josué-dula-gudiidgine, egi binsaed-nikaa gunonimarmogad.