Lucas 1:14 - Kuna San Blas

¹⁴ Be mimmi-nikuoedba, be yeer itogoed, be weligwar itogoed, degine, be-mimmi gwalulenonikir, bukidar dulemar egi weligwar itomarmogoed.

Bab dummad Jesucristoba igar mesisad garda

¹⁴ Be machi-nikuoedba, be yeer itogoed, be weligwar itogoed, degine, be-machi gwalulenonikir, bukidar egi weligwar itomarmogoed.

Lucas 1:14 Iomraidhean Croise

Génesis 21:6

Geb degine, Sara sogded: “Bab-Dummad an-oallisad, bela dulemar susugwa-nikusye an-wisguarmalale, anba weligwaledba allemarmogoed.”

Proverbios 15:20

Machi-binsaed-ibedi, e-bab-weligwar imaked. Machi-binsaedsulidaeddina, e-nan-mesagwar imaked.

Proverbios 23:15

Machi, be dule-binsaed-ibedga gunonikile, gwagegi an weligwar itomogoed.

Proverbios 23:24

Dule-nued-e-baba na bela-bela yeer itoged. Dule na machi-binsaed-ibed-nikad, weligwar itoged.

Jeremías 20:15

Dule an-bab-weligwar-imaksadi, deun ega weyob sogsagusgu, susugwa bega uklesye. ¡We-dule iwigusun!

Lucas 1:13

Ar baliwiturdi ega sogded: “Zacarías, melle be dobgu, ar Bab-Dummadse-be-goledi Bab-Dummad be-itosad, be-ome-Elisabet bega mimmi-wargwen-bakoedi, Juanʼye be onugsao.

Lucas 1:15

”Ar be-mimmide, Bab-Dummad-asabin dule-dummadga guoed. Vino gobosulid, degi, inna-gagbid gobosurbalid. Degine, amba muu-neggi mai, bato Bab-Dummad-Burba-Isligwaled bela-bela nika guoed.

Lucas 1:58

E-neg-dikarba-mamaid, degine, e-gwenadgan itoarmargu, Bab-Dummad Elisabetʼgi nabir binsasye, degi, nue wile daksaye, Elisabetʼba wergusmarmogad.