Lucas 1:13 - Kuna San Blas

¹³ Ar baliwiturdi ega sogded: “Zacarías, melle be dobgu, ar Bab-Dummadse-be-goledi Bab-Dummad be-itosad, be-ome-Elisabet bega mimmi-wargwen-bakoedi, Juanʼye be onugsao.

Bab dummad Jesucristoba igar mesisad garda

¹³ Ar angerdi ega sogded: “Zacarías, melle dobgu, ar Bab-Dummadse-be-goledi Bab Dummad be-itosad, be-ome-Elisabet bega machi-wargwen-bakoed, e-nug Juanye be onugsao.

Lucas 1:13 Iomraidhean Croise

Génesis 17:10

Weyob an bebogwa igar-mesnaid, be-wagan we-igar-mesnaidba imakmarmogoed: ‘Bela bemar-abargine, masmala e-abgan-uka-duku sikmaloed.’

Génesis 17:19

Bab-Dummad Abraham-abin sogded: —Suli. Deyob guosuli. Ar an bega soged, be-ome-Sara bega mimmi bakoye. A-machigwa Isaacʼye be onugsao. An bebo-igar-mesisadi, be-machigwa-Isaac-ebo gannar we-igar an obinogoed. Ar degisadegu Isaac-e-wagan-ebo we-igar mai guoed.

Génesis 18:14

¿Ar Bab-Jehováʼga ibmar-geg-gued nikasi? Suli. Baid-birgase gannar an bese ataknonibaloed. A-ibagangine, Sara machi-wargwen bato nikuoed.

Génesis 25:21

Rebeca geg mimmi-baked. Degisoggu, Isaac Bab-Jehováʼse ega gochad. Bab-Jehová Isaac-ese-gochad itosad. Agi, Rebeca gurgin-nika gunonikid.

Salmo 113:9

Ome geg mimmi-bakedi, nabir mimmi-bake imaked, nabir neguya-nika imaked. ¡Aleluya! ¡Bab-Jehová-nug odummolesun!

Salmo 118:21

Bab-Jehová, be an-abin-imaksasoggu, an bega dog-nuedye soged, ar be an-abonosad.

Isaías 8:3

Geb agine, an Bab-gayaburba-barsoged-bundorse an gochad, geb gurgin-nika gunonikid, geb susugwa ega uklenonikid. Geb degi, Bab-Jehová anga sogded: “Maher-Salal-Hasbazʼye be onugsae.

Daniel 10:12

Geb degine, we-dule anga sogded: ‘Daniel, mer be dobgue. Gebe-iba-onodedgi be ibmar-egichisad Bab-Dummad be-itosad, deunni na be sogsagusgu, an we-ibmar magar-itogedseye, degi, Bab-Dummad-asabin an na san-bipii imakoye. A-ibmar-bega-sogega an wese nonikid.

Oseas 1:4

Geb degine, Bab-Jehová Oseasʼga sogded: “We-susugwa Jezreelʼye be onug-imako. Ar ade, emisgwasaale, an Jehú-e-gwenadgan sabsur-wiogoed. Ar Jehúʼde Jezreel-nebagi dulemar-ogilos gusad. Deyob an Israel-yar-selemaid ilagwen-obelogar imakoed.

Oseas 1:6

Geb ibagan-nasadgi, Gomer gurgin-nika gunonibalid, geb ega bunolo uklenonikid. Degine, geb Bab-Jehová Oseasʼga sogded: “We-goe Lo-Ruhamaʼye be onugsao. A-sogleged, ‘wiledaklegarsulidye.’ Ar ade, bar an Israel-dulemar wiledakosulid, ar e-isgusmalad an ega eliosulid.

Mateo 1:21

María, machi-wargwen nikuoed, Jesúsʼye be onugsaoed, ar ade, isguedgi e-neggwebur abonogoed.”

Mateo 14:27

Degisoggu, a-ular, Jesús e-sapinganse yog gotebin imaksad. Ega sogded: —¡Mer be dobgumar! ¡Be gandik imakmar! ¡Ani an gudii!

Mateo 28:5

Ar baliwiturdi omeganga sogded: —Mer be dobgumar. Ar bemar Jesús-nakrusgi-bioklesgusad-amidanimalad an wisid.

Marcos 16:6

Sapingwa omeganga sogded: —Mer be dobgumar. Ar bemar Jesús-Nazaretʼgined, nakrusgi-biokles-gusad amidanimalad. Wegi bar maisulid, bato gannar durgusad. Bia e-mui-mesisgusmalad-e-gannar be dakmala.

Lucas 1:14

Be mimmi-nikuoedba, be yeer itogoed, be weligwar itogoed, degine, be-mimmi gwalulenonikir, bukidar dulemar egi weligwar itomarmogoed.

Lucas 1:30

Degi, baliwitur ega sogdesunnad: —María, mer be dobgu, ar Bab-Dummad nabir begi binsasad.

Lucas 2:21

Jesús ibabaabakgus (8) gwalulesadgi, Judíoʼmar-igar-maidba imakegala, e-abgan-uka-duku siksamalad. Jesúsʼye onugsasmalad. Ar igi baliwitur amba yoo María gurgin-nikued-idu ega sogsagusa, aba deyob onugsasmalad.

Gusmalad 10:31

Anga sognonikid: ‘Cornelio, Bab-Dummadi ese-goled be-itosad, degi, emar-wilegana-bendakedgi yeer be-dakbalid.

Jueces 6:23

Bab-Jehová ega sogded: —Melle be dobgu, be burgosuli. Be akar-guosuli.

1 Samuel 2:21

Ana, Bab-Jehová-egi-nued-binsasadbali, mimmigan nikunonikid. Samuel-sorba, machimala-walapaa nikusad, degi, bunamala-walabo nikusbalid. A-ibagangine, Samuelʼdi Bab-Jehováʼse-goled-neggi dungumai gusad.