Levítico 8:9 - Kuna San Blas

⁹ Deginbali, e-nonogi mor-gurgin-ebirmakaled ega sisbalid, geb mor-gurgin-ebirmakaled-birgi, e-bebegi or-matargwagwad ega nasiksad. We-or-matargwagwad oyonaid, Aarón, Bab-Jehováʼga-ibmar-imakega nugsalesye. Ar igi Bab-Jehová ega igar-uksagusa, deyobi Moisés ibmar imaksad.

Levítico 8:9 Iomraidhean Croise

Éxodo 28:4

”Aarónʼga mormar-maklegoedi, wemalad: Mor-binasgargi-nagued, mor-efodʼye-nugad, mor-dummad-suitigwad, mor-dummad-dubgi-ise-nue-sobaled, mor-gurgin, degine, morgo-dub-saderba-nagued. ”Degisoggu, be-ia-Aarónʼga, degi, e-masmalaga, dule-irwa-anse-goled-mormar be imakoed, adi, amala dule-irwa-anse-gormaladga gumalagar.

Éxodo 29:6

Deginbali, mor-gurgin-ebirmakaled e-nonogi ega be sioed. We-mor-gurgin-ebirmakaled-birgi or-nued-matargwagwad-islidikid ega be nasikoed.

Éxodo 40:16

Moisés, Bab-Jehová-bela-ega-igar-uksadba sogedba imaksad.

Levítico 8:21

E-samurmar, degi, e-nagmar diigi enuksad. Geb a-sorbali, igi Bab-Jehováʼga-ibmar-soogi-ogumakar-ukleged-yeer-yapanned ogumakledae, deyobi, Moisés we-sibad-wawaad ibmar-ogumakar-ukleged-ailagi ogumaksad, ar igi Bab-Jehová ega igar-uksa gusa.

Levítico 8:36

Aarón, degi, e-masmala, ar igi Bab-Jehová Moisésʼga ibmar-sogsagusa, bela deyobi ibmar imaksamalad.

Zacarías 3:5

Agine, baliwitur sogdebalid: “Josué-e-nonogine morgurgin-gutu-sated ega be sibali.” Bab-Jehová-e-baliwitur amba gwisgua, Josué-nonogi morgurgin-gutu-sated sismalad, mor-nued ega yosmarbalid.