Levítico 8:7 - Kuna San Blas

⁷ Aarónʼga mor-dummad-suid yosad. Geb mor-dub sadergi ega edichad. Deginbali, mor-dummad-suitigwad ega yosbalid, geb a-birgi, mor-sakwasulid-efodʼye-nugad ega yosbalid, geb efod-molidubgi mor-dummad-suitigwad nue edichad.

Levítico 8:7 Iomraidhean Croise

Éxodo 28:2

Be-ia-Aarónʼgala dule-irwa-anse-goled-bur-dummad-mormar be imako, adi, oyogega, be-ia-Aarónʼde dule-dummadye, nue-nug-nikadye.

Éxodo 28:4

”Aarónʼga mormar-maklegoedi, wemalad: Mor-binasgargi-nagued, mor-efodʼye-nugad, mor-dummad-suitigwad, mor-dummad-dubgi-ise-nue-sobaled, mor-gurgin, degine, morgo-dub-saderba-nagued. ”Degisoggu, be-ia-Aarónʼga, degi, e-masmalaga, dule-irwa-anse-goled-mormar be imakoed, adi, amala dule-irwa-anse-gormaladga gumalagar.

Éxodo 28:6

Bab-Jehová Moisésʼga sogdebalid: “Mor-efodʼye-nugad be imakoed. Mor-efodʼye-nugad nue-yeerdakle be makoed. Agala, we-dubmar ebulegoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.

Éxodo 29:5

Agine, we-mormar-maklesad Aarónʼga be yooed: Mor-dummad-dubgi-ise-nue-sobaled, mor-dummad-suitigwad, mor-efodʼye-nugad, mor-binasgargi-nagued. ”Geb degine, mor-efodʼye-nugad morgo-dub-sadergi-naguedgi ega be edinnoed.

Isaías 61:10

“Bab-Jehováʼgi an bela-bela yeer itoged, an-Bab-Dummadgi an weligwar itoged. Ar ade, abonoleged-mormar anga yosad, degi, igar-innikigwad-imaked-morgi an-edusad. Machered ome-nikunair, igi ibmar-yeerdakleged bebegi-yoidae, deyobi an gued. Ome sui-nikunair, igi ormar-nasikdae, deyobi an gued.

Isaías 61:3

degi, Sión-dulemar-gwage-nunmak-itodimalad-niga ogannoegar. An-barmialid, nonogi-buru-biin-gudiid-muchub, ega ologurgin ukegar. An-barmialid, wile-itoged-muchub, weligwaledba ega gwallu-wawad ukegar. An-barmialid, bukib-binsadiid-muchub, ega weligwar-itoged ukegar. Geb degine, wemar weyob biledmaloed: ‘Igar-innikigwad-urwar-sapimarye.’ Bab-Jehová na e-gangued-oyogega digsad.

Ezequiel 42:14

Dule-irwa-Babse-gormalad Neg-Islidikidgi dogsale, Babga-ibmar-imakedgi-e-mormar-yoid-unnussuli neg-imba-dummad-naidse geg nodaged. Ar we-mormarde, islidikidid. Dule-irwa-Babse-gormalad, dulemar-bukwadse nodaged-iduar, mor-baid yoergebed.”

Romanos 13:14

Bur be Bab-Jesucristoʼga na be san-uksadba nanamar, adi, Bab-Jesucristo-daedba nanaegar. Deginbali, melle be ibmar-isgana-imakbiedba be nanamar.

Romanos 3:22

Bab-Dummad-isgussuliyob-anmar-dakedi, Jesucristoʼgi-bensulidba deyob gunonidaed. Bab-Dummad bela dulemar-Jesucristoʼgi-bensurmaladi, deyobi daked. Ar ade, Bab-Dummad, bela dulemar emarbi dakmaid, gwen akar-akar daksulid.

Gálatas 3:27

Ar bela bemar Cristo-nuggi-diigi-oglesmaladi, Cristo-binsaedyob, be binsanonimarmosunnad.

1 Samuel 2:28

Bela Israel-dulemar-dadgan-baid-baid-bukwamalad-abargi, Aarón, dule-irwa-anse-goledga-guega an susad, adi, anga ibmar-ogumakar-ukleged-ailagi ibmar-ukega, ina-wawadik-yapanmalad ogumakega, degi, mor-sakwasulid yoegar. Deginbali, Israel-dulemar-anga-ibmar-ukmalad-gundii-gumalaga an Aarón-e-gwenadganga igar-uksabalid.