Levítico 7:5 - Kuna San Blas

⁵ ” ’Geb sorbali, dule-irwa-Bab-Dummadse-goled bela wemar ibmar-ogumakar-ukleged-ailagi ogumakar Bab-Jehováʼga ukoed. We-ibmala, isgued-ular ogumakar-uklegedid.

Levítico 7:5 Iomraidhean Croise

Levítico 1:13

Dule-ibmar-uknaid, sibad-wawaad-e-samurmar, degi, e-malimar, diigi enukoed. Geb dule-irwa-Bab-Dummadse-goled ibmar-ogumakar-ukleged-aila-birgi bela ogumakoed. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.”

Levítico 1:9

Dule-ibmar-uknaid, moli-e-samurmar, degi, e-malimar, diigi enukoed. Geb dule-irwa-Bab-Dummadse-goled ibmar-ogumakar-ukleged-aila-birgi bela ogumakoed. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.’ ”

Levítico 2:16

Dule-irwa-Bab-Dummadse-goled, argan-nukgwensaar, we-ibmar-gwag-nagaled-olivo-gwalluba-oburaled, degi, bela ina-wawadikidmala ogumakoed, adi, bemar ebinsamalaga: Ani, Bab-Jehová, an bemarga bela ibmar ukmaid. We, Bab-Jehováʼga soogi-ogumakar-ibmar-uklegedid.’ ”

Levítico 2:2

A-sorbali, we-dule, Aarón-masmala-dule-irwa-Bab-Dummadse-gormaladse we-madubur sedoed. Geb dule-irwa-Bab-Dummadse-goled, argan-nukgwen, we-madubur-olivo-gwallubo-oburaled, degi, ina-wawadikidmala suoed. Geb dule-irwa-Bab-Dummadse-goled, we-madubur ibmar-ogumakar-ukleged-ailagi ogumakoed, adi, ebinsamalaga we-ibmar-gwagmar Bab-Jehová bemarga ukmaid. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.

Levítico 2:9

Agi, dule-irwa-Bab-Dummadse-goled, argan-nukgwensaar we-ibmar-ukleged ogumakoed, adi, bemar ebinsamalaga: Ani, Bab-Jehová, an bemarga bela ibmar uked. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.

Levítico 3:16

” ’Geb degine, dule-irwa-Bab-Dummadse-goled bela we-ibmarmar ibmar-ogumakar-ukleged-ailagi ogumakoed. We-ibmar-ogumaklegedi, Bab-Jehováʼga masga gued, yeer-yapannedid. Bela we-gwallumala Bab-Jehováʼgadid.

Levítico 3:3

” ’Geb dule-gwenatigwar-guega Bab-Jehováʼga we-moli-ibmarmar soogi-ogumakar ukoed: Samurgi-gwallumar-nanaid, bela samur-bukwad-e-dikarmargi-gwallumar-nanaid,

Levítico 5:7

Bab-Jehová Moisésʼga sogdebalid: “Israel-dulemarga be sogo: ‘Dule-isgusad sibad-wawaad-mimmi-bakega mani galakuele, sapur-nuu-gwabo, wagnuu-mimmi-gwabodibe, na e-isgusad-ular Bab-Jehováʼga ukoed. Nuu-gwagwen e-isgusad-ular oburgwelegega ukoed, baiddi, ogumaklegega ukoed.

Levítico 7:4

e-mirwa-gwabogwad, a-birgi e-gwallumar-nanaid, e-dikarmargi-gwallumar-nanaid, degi, bina-dutugwadgi-gwallumar-nanaid. We-bina-dutugwadgi-gwallumar-nanaid mirwa-gwabogwadba welegoed.

Levítico 7:6

We-ibmar bela dule-irwa-Bab-Dummadse-gormalad-e-gwenadgan-machergan nabir gunmaloed. We-ibmar nega-islidikidgi gunmaloed. We, ibmar-bur-ise-islidikidid.’ ”

Gálatas 2:20

Ar bato Cristoʼba an nakrusgi bioklesad. Degisoggu, an dula-gudiidi bar ani an dula gudisulid. Cristo dula angi gudisunnad. We-an-sangi an dula-gudiidi, an Bab-Dummad-Machigi-bensulidba an dula gudiid, ar a an-sabgusad, degi, an-abonogegala, an-ular na san uksa gusad.

Gálatas 5:24

Ar dule-Cristoʼgadid, na e-sanginbi-binsaedi, degi, galagwensuli-ibmar-isganabina-itogedi bar sedisulid, ar bato nakrusgi we-ibmar bioksad.