Levítico 7:26 - Kuna San Blas

²⁶ ” ’Deginbali, bia bemar maigumaloe, agi bemar bipisaar nuumar-abe, baid-ibdurgan-abedibe, gunmalosulid.

Levítico 7:26 Iomraidhean Croise

Génesis 9:4

”San-abebiid, melle be gunmalo. Ar abegi burba-dulagued danikid.

Éxodo 22:30

”Amba deyobbalid, moli-bebe-nikad-macheredsailagined, degine, sibad-wawaad-macheredsailagined, amba anga be ukmarbaloed. We-ibmar-durgan sunna ibagugle (7) na e-nan-walik gudii gued, ibabaabakgus-gwalulesad-sorbardi (8), anga be ukoed.

Ezequiel 33:25

Degisoggu, ani Bab-Jehová-Bela-Gangued-Nikadi weyob sogye, ega be soge: ‘Bemar, san ablisba-mesa gunmaladid, bab-dummadyob-ibmar-imakleged-e-nug odummomaladid, degi, dulemar-gindakmarbalidid. Degite, ¿amba be yar gabimarde?

Levítico 19:26

Melle san abebi be gunmalo. Melle ibmar-wilubgan-dakedgi yoedse-ibmar-guoed-sogdii be gumalo. Melle nia-igar-dule-oichogedgi arbao.

Levítico 3:17

” ’Ar bia bemar ambikuoe, bemarga, degi, be-waganga, degisadegu weyob igar megoed: Bemar bipisaale, ibmar-e-gwallu, degi, ibmar-abe gunnosurmalad.’ ”

Levítico 7:25

” ’Dule Bab-Jehováʼga-ibmar-ogumakar-ukleged-e-gwallu guchale, we-dule, e-dulemar-abargi onolegoed.

Levítico 7:27

Ar doa-dule ibu-abe guchale, we-dule, e-dulemar-abargi onolegoed.’ ”

Juan 6:53

Jesús amarga sogded: —Napira an bemarga soged: Ar bemar Dule-Machi-e-san gunsulile, degine, e-abe gobsurbalile, bemar burba-dulad nikuosurmalad.

Gusmalad 15:20

Unnila anmar ese garda narmakmalodo, ega sogmalodo: Bab-dummadyob-imaklemaladga-ibmar-uklemalad, melle gunmaloye. Melle galagwensuli negsichigi ome-dikarba, sui-dikarba yoledii gumarbaloye. Ibmar-gammu-gaar-oburgwilesmalad, melle gunmarbaloye, degi, melle ibmar abebii gunmarbaloye.

Gusmalad 15:29

Bab-dummadyob-imaklemaladga-ibmar-uklemalad, melle gunmalo. Melle galagwensuli negsichigi ome-dikarba, sui-dikarba yolemarbalo. Ibmar-gammu-gaar-oburgwilesmalad, melle gunmarbalo, degi, melle ibmar abebii gunmarbalo. ”Ar bemar we-ibmar imaksulile, nueddo. Be itomargua.”

Efesios 1:7

Ar Jesucristo-ablis-aryosadgi, anmar isguedgi ollorgunonikid. Anmar isgussuliyob gunonisunnad. Bab-Dummad nabir anmargi binsaewilubsulinad, emigindi, bela-bela nabir-anmargi-binsaedba anmarga sognonisunnad: “Be-isgued bato bergussunye.”

Deuteronomio 12:16

Degi-inigwele, be san-gunnalile, abebi be gunnosulid. Ar e-abedi, diiyob be napagi eogoed.

Deuteronomio 12:23

”Unnila an bega soged, san-abebiiddi be gunnosulid. Ar ade, abegi dula-gued danikid. Dula-gued-abegi-danikid, san-ebogwa melle be gunno.

Deuteronomio 15:23

Ar we-ibdurgan-bonikwaamalad, e-san-abebi be gunnosulid. E-abedi, be napagi diiyob eogoed.”

1 Timoteo 4:4

Ar Bab-Dummad-bela-ibmar-obinnisadi, ibmar-nueganbiid. Degisoggu, ar Bab-Dummadga-dogdar-nuedye-soglegedgi, ibmar-abingaleger, gwen oballege-wilubsulid. Bela abingalege-wilubbiid.