Levítico 7:23 - Kuna San Blas

²³ “Israel-dulemarga be soge: ‘Moli-bebe-nikad-machered-e-gwallu, sibad-wawaad-bipigwad-e-gwallu, degi, sibad-ome-e-gwallu, bemar bipisaar gunmalosulid.

Levítico 7:23 Iomraidhean Croise

Romanos 13:13

Neg-ibgin-nanalegedyob, ibmar-nued-imakdii an nanamarsun. Mer dogdar-mas-gunnedginbi be nanamar. Mer mumgudii be nanamar. Mer galagwensuli abirgunagwarsuli negsichigi be nanamar. Degine, mer be-abagangi-bingedsuli-nanaed be imakmar. Mer na urwedgi be nanamar. Degine, mer na nobguedgi be nanamar.

Romanos 8:13

Ar be-san-sogedba be nanaele, be burgoed. Bab-Dummad-Burbaba-nanaedgi be-san-ibmar-isganabina-soged be obelogele, be dula-gudii guoed.

Gusmalad 28:27

We-dulemar-e-gwage dutusuli gudmalad, akusunna-ibmar-itoge nadmalad. Akusunna-ibmar-dakedga gudmalad, akusunna ibmar itodmalad. Degisulile, e-ibyagwale ibmar-dakdoed, e-uayagwale ibmar-itodoed, degi, e-gwagegi magar-ibmar-itodoed, e-isguedga bukib binsadmaloed. Degidbali, nudake an dakledagoed.’ ” Isaías 6:9-10

1 Samuel 2:29

Anga ibdurgan-oburgwileged, degi, anga ibmar-ukleged sedamaloye an sogsagusadi, ¿ibiga bemar we-ibmar ibmar-nuedsulidyob be dakdamala? ¿Ibiga be an-nugba be-machimala-nug bur be odummodisunna? Emide, Israel-dulemar-anga-ibmar-ukmalad-bur-nuegangi be ogundiidba be-masmala wardungumaid.’

Deuteronomio 32:38

Be-bab-dummagan, ega be ibmar-ogumakar-uksad-e-gwallu-guchamalad, ¿bia nadmarsunna? Be-bab-dummagan, ega be gobed-uksad-gobsamalad, ¿bia nadmarsunna?’ Ar emigindi, a-bab-dummagan be-bendakmalaga, gwisgumardo. Ar emigindi, a-bab-dummagan be-bendakega, dagmardo.

Levítico 17:6

Geb a-sorbali, dule-irwa-Bab-Dummadse-goled, Bab-Dummad-dulemarbo-ambikued-neg-dogedgi ibmar-ogumakar-ukleged-aila-gwichidgi, we-ibdurgan-e-abe bomi-bomi imakoed. Geb Bab-Jehová-yeer-yapanne-itogega, ibdurgan-e-gwallu ega ogumakoed.

Levítico 7:22

Bab-Jehová Moisésʼga sunmakdebalid, ega sogded:

Éxodo 22:30

”Amba deyobbalid, moli-bebe-nikad-macheredsailagined, degine, sibad-wawaad-macheredsailagined, amba anga be ukmarbaloed. We-ibmar-durgan sunna ibagugle (7) na e-nan-walik gudii gued, ibabaabakgus-gwalulesad-sorbardi (8), anga be ukoed.