Levítico 7:16 - Kuna San Blas

¹⁶ ” ’Ar Bab-Jehováʼga-ibmar-ogumakar-uklenaidi, dule ibmar-imakedseye sogsagusad-ular uklenadibe, igi Bab-Jehováʼga na ibmar-ukbiedba uklenadibe, adi, a-ibagi a-san gullegoed. Ar san-obichardi, sunna bangi gullebaloed.

Levítico 7:16 Iomraidhean Croise

Salmo 116:14

Unnila Bab-Jehováʼga an ibmar-imakoye ise-sogar-sogsadi, bela dulemar-asabin an imakoed.

Salmo 116:18

Bab-Jehováʼga an ibmar-imakoye ise-sogar-sogsadi, bela e-dulamar-asabin an imakoed.

Salmo 66:13

An bese-goled-negse ibmar-ogumakar-ukega an nonikoed, an bega ise-sogar ibmar-imakoye-sogsad-imakega an nonikoed.

Éxodo 35:29

Bela Israel-dulemar, machergan, degi, omeganse-bakale, na gwagegi-ibmar-ukbi-itosmaladi, Bab-Jehováʼga na e-itogedba-ibmar-ukega senonimalad, adi, Bab-Jehováʼga ibmarmar sobegar. Ar igi Bab-Jehová-Moisésʼga-sogsagusa, deyob imaksamalad.

Proverbios 7:14

“Gwenatigwar-guega Bab-Dummadga an ibmar-ukoye an sogsad. Deyob an sogsadi, emi deyob an imaksad.

Ezequiel 46:12

”Ar dule-dummad-negdakmaid anga na e-wargwengi, ibdurgan-ogumakar-ukleged, degi, gwenatigwar-guega-ibmar-ukleged ukbigualile, ega yawagak dad-nakwedsik-siid egalegoed. Ar igi obunnoged-ibagi ibmar-durgan-ogumakar-ukledae, degi, gwenatigwar-guega ibmar-ukledae, deyopira ibmar ukoed. We-ibmar-ukleged-uksad-sorbali, nodagoed. Geb nosad-sorbali, yawagak edimaloed.”

Levítico 22:23

Sunna be-itoleged ibmar-ukbiedba anga be moli-bebe-nikad, igi, sibad-wawaad-wis-bonigwaled uked. Ar ibmar-imakoye-sogsad-ular, ibdurgan-degiid be ukerdi, Bab-Jehová bei abingaosulid.

Levítico 22:29

”Be anga dog-nuedye-sogega, ibmar uknaile, nue igar-maidba-imakar be ukoed. Adi, an nabir abingaegar.

Levítico 23:38

We-ibamala, Bab-Jehová-obunnoged-iba-ukine, Bab-Jehováʼga ibmar-uklegoye-ise-sogar-sogsad-ukine, degi, ibmar-ukbiedba-ukleged-ukine, be onobaloed.

Nahúm 1:15

¡Be dakmala! Dule-gayaburba-nuegan-berbegedi, dule neg-bogidik-naguoedgi-sunmakedi, bato yalaganba danikid. Judá-dulemar, be-iba-onomaladgi, be wergumala, Bab-Jehováʼga be ibmar-ukoye-sogsad be uke. Ar dule-isganamar bar be-yarse ubogosurmalad, ar bela Bab-Jehováʼse giir gusmalad.

Números 15:3

agi, bemar Bab-Jehováʼga moli-bebe-nikaddibe, igi, sibad-wawaaddibe, ogumakar-ukye binsaarmalale, na be ukoed. Igi-barsundibe, ar na be Bab-Jehováʼga-sogsadba, we-ibmar-an-ukedseye, a-ular, na be ukbidibe, na be ukoed. Igi-barsundibe, be-itolegedba Bab-Jehováʼga-ibmar-ukbiedba-ukbidibe, na be ukoed. Igi-barsundibe, iba-itoakwaa-onolegedgi na be ibmar-ukbiedba-ukbidibe, na be ukoed. We-ibmar-ogumaklegar-uklegedde Bab-Jehová, yeer-yapanne itodaed.

Deuteronomio 12:11

An bemarga bela-ibmar-sogsad, be-Bab-Dummad-Jehová e-nug-nasikega-neg-sunonikoedgi be uknonimaloed: Bab-Dummadga-ibmar-ogumakar-ukleged be ukoed, ibmar-ambegine gwensak be ukoed (10%), be-Bab-Dummadga be-itolegedgi ibmar-ukoye-sogsad be ukoed, Bab-Jehováʼga ibmar-bur-nued-ukedseye be ise-sogar-sogsadi, a-neggi be uknonikoed.

Deuteronomio 12:17

”Deginbali, be-neggweburmargi Bab-Dummadga be-ibmar-ambegi gwensak-uked (10%), be gunnosulid: Ibmar-gwag, olivo-gwallu, be-moli-bebe-nikamalad-gebegwalulesmalad, sibad-wawaadmar-gebegwalulesmalad, sibadmar-gebegwalulesmalad, degi, olivo be gobosulid. We-ibmarmar be-neggweburmargi be gunnosulid. Degine, be ise-sogar-ibmar-ukoye-sogsad, degi, be-itolegedba Bab-Jehováʼga-ibmar-ukoye-sogsad, be gunnosurbalid.

Deuteronomio 12:26

”Ar be ibmar-Bab-Dummadga-nug-imaksaddi, degine, be Bab-Dummadga-ibmar-ukoye-sogsaddi, Bab-Jehová-na-neg-suoedse be sedoed.

Deuteronomio 12:6

Bemar a-negse be-Bab-Jehováʼga ibmar-ogumakar-ukleged be uknaoed, be-Bab-Dummadga-ibmar-ukleged be uknaoed, ibmar ambegi-gwensak-ukleged (10%) be uknaoed, Bab-Dummadga-ibmar-ukoye be ise-sogar-sogsad be sedoed. Na be-itolegedba be ibmar-ukbiedba-ukoed be sedoed. Be-moli-bebe-nikamalad-gebegwalulesad, degine, be-sibad-wawaadmar-gebegwalulesad be-Bab-Dummadga be uknaoed.